Dhoma Kombetare e Zejtarise

28/09/2026

Në kuadër të nismës së Dhomës Kombëtare të Zejtarisë për certifikimin e detyrueshëm me titullin “Mjeshtër”, Inspektorati Shtetëror i Punës dhe Shërbimeve Shoqërore po zhvillon vizita këshilluese dhe informuese pranë subjekteve që ushtrojnë veprimtari në sektorin e estetikës, parukerisë dhe kozmetikës.

🎯 Qëllimi i kësaj nisme është informimi dhe ndërgjegjësimi i subjekteve mbi kërkesat ligjore dhe standardet që lidhen me ushtrimin e veprimtarisë zejtare, me fokus në:

✅ Respektimin e legjislacionit të punës dhe legjislacionit për zejtarinë;
✅ Garantimin e sigurisë dhe shëndetit në vendin e punës;
✅ Përmbushjen e kërkesave ligjore për kualifikimin dhe titullin “Mjeshtër”;
✅ Respektimin e detyrimeve për regjistrimin pranë Dhomës Kombëtare të Zejtarisë;
✅ Rritjen e standardeve dhe cilësisë së shërbimeve të ofruara për qytetarët.

🎓 Titulli “Mjeshtër” – një hap drejt profesionalizimit dhe standardizimit të veprimtarisë zejtare.

20/07/2026

U zhvillua me sukses sesioni i dytë informues në kuadër të projektit “Ruajtja e një tradite të harruar – Pëlhurat e Mëndafsh*t në zemër të Lezhës dhe Zadrimës”.

Ky projekt synon të ruajë, promovojë dhe përcjellë te brezat e rinj një nga traditat më të çmuara të trashëgimisë sonë kulturore – artin e punimit të mëndafsh*t dhe tekstileve tradicionale.

Projekti mbështetet dhe financohet nga Ministria e Turizmit, Kulturës dhe Sportit.

17/07/2026

Sot u prezantua Programi Kombëtar “Dyfisho Sipërmarrjen Tënde”, një nismë që hap një kapitull të ri për financimin dhe zhvillimin e sipërmarrjes në Shqipëri.

Programi krijon mundësi të reja për ndërmarrjet mikro, të vogla dhe të mesme, si dhe për fermerët, duke mbështetur investimet në sektorët strategjikë të ekonomisë. Gjatë aktivitetit u prezantuan instrumentet e reja të financimit dhe u diskutuan mundësitë konkrete që ky program ofron për rritjen e konkurrueshmërisë dhe zhvillimin e qëndrueshëm të bizneseve shqiptare.

17/07/2026

Sot u prezantua Programi Kombëtar “Dyfisho Sipërmarrjen Tënde”, një nismë që hap një kapitull të ri për financimin dhe zhvillimin e sipërmarrjes në Shqipëri.

Programi krijon mundësi të reja për ndërmarrjet mikro, të vogla dhe të mesme, si dhe për fermerët, duke mbështetur investimet në sektorët strategjikë të ekonomisë. Gjatë aktivitetit u prezantuan instrumentet e reja të financimit dhe u diskutuan mundësitë konkrete që ky program ofron për rritjen e konkurrueshmërisë dhe zhvillimin e qëndrueshëm të bizneseve shqiptare.

11/07/2026

U zhvillua sot sesioni i parë informues në kuadër të projektit “Ruajtja e një tradite të harruar – Pelhurat e mëndafsh*t në zemër të Lezhës dhe Zadrimës”, financuar nga Ministria e Turizmit, Kulturës dhe Sportit dhe zbatuar nga Dhoma Kombëtare e Zejtarisë.

Ishte një bashkëbisedim i ngrohtë, plot kujtime, përvojë dhe dashuri për një traditë që meriton të ruhet e të përcillet.

“Në çdo punë që bëhet, qëndrojnë emocionet e një gruaje zadrimore.”

08/07/2026

Pas përfundimit të ekspozitës së tij me punime artistike në metal, Mjeshtri z. Astrit Krasniqi ndau në një intervistë emocionet dhe rrugëtimin e tij krijues, duke vënë në pah rëndësinë e ruajtjes dhe promovimit të zejeve artistike.

Ai shprehu mirënjohjen e tij për mbështetjen e dhënë nga Dhoma Kombëtare e Zejtarisë, duke theksuar se bashkëpunimi dhe përkrahja ndaj artizanëve janë një nxitje e rëndësishme për zhvillimin dhe promovimin e mjeshtërive tradicionale.

Punimet e tij, përfshirë edhe ato të realizuara nga materiale të ricikluara, dëshmojnë se arti, tradita dhe kreativiteti mund të ecin së bashku.

08/07/2026

05/07/2026

Të nderuar anëtarë,

Dhoma Kombëtare e Zejtarisë ju fton të merrni pjesë në eventin e prezantimit të “Programit Kombëtar për Përgatitjen e Biznesit për Integrimin në Tregun e Bashkimit Evropian”, organizuar nga Kryeministria e Republikës së Shqipërisë, Ministria e Ekonomisë dhe Inovacionit, si dhe Ministria e Shtetit dhe Kryenegociatorja.

Data: 6 korrik 2026
Ora: 10:30
Vendi: Banka e Shqipërisë (ish Hotel Dajti), Tiranë

Ky aktivitet organizohet në kuadër të reformës për modernizimin e ekonomisë shqiptare dhe mbështetjen e sipërmarrjes në procesin e integrimit në Bashkimin Evropian.

Ju mirëpresim në këtë aktivitet.

25/06/2026

Marie Elezi di të bëjë gjithçka. E diplomuar në Ekonomi dhe Mjeshtre në fushën e Kozmetikës, ajo ka një pasion të madh për artizanatin. Gjithçka e ka nisur me krijimin e aksesorëve të thjeshtë për sallonin e saj. Me kalimin e kohës, ky pasion u kthye në një dashuri të vërtetë për krijimtarinë handmade, ku çdo punim realizohet me dorë, me kujdes, frymëzim dhe shumë dashuri.

Sot, çdo krijim i Marie Elezit është unik, i punuar në një kopje të vetme, duke sjellë jo vetëm bukuri, por edhe emocion dhe origjinalitet.

23/06/2026

Ekspozita e mjeshtrit të punimeve artistike në metal, z. Astrit Krasniqi, do të qëndrojë e hapur për publikun deri më 24 qershor. Ejani dhe përjetoni artin që ndërthur traditën, kreativitetin dhe mjeshtërinë.