Special Olympics Albania

14/06/2026

14/06/2026

Turneu i Notit u zhvillua me sukses këtë fundjavë duke mbledhur atletë të talentuar të Olimpikut Special Shqiptar nga qytete të ndryshme të vendit në një ditë plot energji, përkushtim dhe arritje sportive.

Përshëndesim veçanërisht atletët që garuan për herë të parë, sfiduan veten dhe treguan guxim, disiplinë dhe vendosmëri në pishinë.

Në bashkëpunim me partnerët tanë Ministria e Turizmit, akulturës dhe Sportit, Tirana AquaPark, Bashkia Tiranë, ky aktivitet promovoi përfshirjen, barazinë dhe fuqizimin e personave me aftësi të kufizuara intelektuale përmes sportit, duke krijuar mundësi për zhvillim, miqësi dhe sukses.

Urime të gjithë notarëve që dhanë maksimumin e tyre në çdo garë dhe faleminderit trajnerëve, familjarëve, vullnetarëve dhe partnerëve që kontribuuan në realizimin e këtij eventi të veçantë.

Ky turne shërbeu gjithashtu si një hap i rëndësishëm në procesin e identifikimit dhe përgatitjes së atletëve që do të përfaqësojnë Shqipërinë në Lojërat Olimpike Speciale “Santiago 2027”.

06/06/2026

Turneu i Peshëngritjes u zhvillua me sukses sot në Tirana Olympic Park, duke mbledhur atletë të talentuar të Olimpikut Special Shqiptar nga Tirana, Durrësi dhe Fieri.

Përshëndesim vajzat e mrekullueshme që garuan sot për herë të parë, sfiduan veten dhe sollën vendosmëri në rrugën për rritjen e mundësive për femrat në sport.

Në bashkëpunim me Ministrinë e Turizmit, Kulturës dhe Sportit dhe Federatën Shqiptare të Peshëngritjes, ky aktivitet promovoi përfshirjen, barazinë dhe fuqizimin e personave me aftësi të kufizuara intelektuale përmes sportit.

Urime të gjithë atletëve që dhanë maksimumin e tyre në platformë dhe faleminderit trajnerëve, familjarëve, vullnetarëve dhe partnerëve që kontribuuan në realizimin e këtij eventi të veçantë.

Ky turne shërbeu gjithashtu si një hap i rëndësishëm në procesin e përzgjedhjes së atletëve që do të përfaqësojnë Shqipërinë në Lojërat Olimpike Speciale “Santiago 2027”.

03/06/2026

20/05/2026

Sot në bashkëpunim me Gjimnazin “Petro Nini Luarasi” dhe Qendrën Burimore "Luigj Gurakuqi" zhvilluam një aktivitet rekreariv në disiplinën e ping-pongut. Nxënësit e të dyja shkollave bashkëpunuan duke garuar miqësisht dhe mësuar nga eksperiencat e njëri tjetrit.

Kjo veprimtari u organizua nga Special Olympics Albania në kuadër të programit të të rinjve, me qëllim krijimin e eksperiencave të unifikuara për atletët tanë. Faleminderit drejtuesit e shkollave dhe mësuesit e angazhuar në këtë veprimtari.

19/05/2026

Në kuadër të Ditës Ndërkombëtare të Familjes të OKB-së, Special Olympics Albania zhvilloi një takim të rëndësishëm me përfaqësues të familjeve të atletëve tanë. Diskutimi u fokusua në forcimin e bashkëpunimit dhe krijimin e më shumë mundësive për zhvillimin sportiv të atletëve.

Së bashku ndamë ide dhe propozime për rritjen e cilësisë së aktiviteteve sportive, duke i përshtatur ato me nevojat e atletëve dhe duke synuar pjesëmarrje në gara të niveleve të larta. Familja mbetet një partner kyç në rrugëtimin drejt përfshirjes, suksesit dhe fuqizimit përmes sportit.

@

10/05/2026

🏀 Një mbrëmje e mbushur me energji, emocion dhe frymë gjithëpërfshirjeje!

Miqësoret e basketbollit mes ekipeve të Special Olympics Albania dhe delegacionit nga Izraeli sollën në parket shumë më tepër se sport – ato bashkuan sportistë, familjarë, trajnerë dhe mbështetës në një atmosferë miqësie, respekti dhe bashkëpunimi.

Ekipet nga Izraeli arritën të fitojnë ndaj skuadrave vendase, por mbi të gjitha fituese ishte fryma e përfshirjes dhe miqësisë që u krijua në fushë.

Një falenderim i veçantë për Klubin Shumësportësh Tirana dhe Federatën Shqiptare të Basketbollit për mbështetjen dhe bashkëpunimin në realizimin e këtij aktiviteti të veçantë.