Albautor

Albautor Albautor is the Albanian Collective Management Organization of Copyright for Musical Works.

Albautor is the Albanian collective management agency, operating under Albanian copyright law.

Gjykata Administrative e Apelit ka lënë në fuqi sistemin e ri tarifor të miratuar nga Këshilli Kombëtar për të Drejtën e...
18/06/2026

Gjykata Administrative e Apelit ka lënë në fuqi sistemin e ri tarifor të miratuar nga Këshilli Kombëtar për të Drejtën e Autorit, duke rrëzuar pretendimet e grupeve mediatike që kundërshtuan tarifat e reja të shpërblimit për përdorimin e veprave muzikore.

Tashmë nuk ekziston asnjë pengesë që televizionet të paguajnë të drejtat e autorit sipas standardeve evropiane, ne favor te autoreve shqiptarë dhe të huaj.

I bëjmë thirrje Ministrisë së Kulturës të qëndrojë në mbështetje të krijuesve dhe të mos përkrahë kërkesat e fundit te grupeve mediatike për rishikimin e një sistemi tarifor që tashmë ka edhe konfirmimin e gjykatës.

Ministria e Turizmit dhe Kulturës po promovon prej kohësh koncertet e artistëve ndërkombëtarë dhe vendas, të cilët po të...
17/06/2026

Ministria e Turizmit dhe Kulturës po promovon prej kohësh koncertet e artistëve ndërkombëtarë dhe vendas, të cilët po tërheqin mijëra vizitorë dhe po japin një kontribut të rëndësishëm në zhvillimin e turizmit muzikor në Shqipëri

Por kjo ministri nuk është përgjegjëse vetëm për promovimin e turizmit. Ajo është gjithashtu institucioni përgjegjës për zbatimin e ligjit për të drejtën e autorit, dhe të gjithë eventet muzikore që zhvillohen në Shqipëri realizohen pa paguar tarifat e shpërblimit të parashikuara nga ligji dhe nga sistemi tarifor i miratuar nga vetë Ministria e Turizmit, Kulturës dhe Sportit, duke u zhvilluar kështu në kundërshtim me kuadrin ligjor në fuqi.

Albautor përfaqëson në Shqipëri edhe repertorin e autorëve të huaj nëpërmjet marrëveshjeve të përfaqësimit reciprok me organizata simotra ndërkombëtare dhe përballet vazhdimisht me kërkesa, veçanërisht nga PRS (Mbretëria e Bashkuar) dhe BMI (SHBA), lidhur me përdorimin e paautorizuar të veprave muzikore të repertorit të tyre në evente të organizuara në Shqipëri.

I kërkojmë MTKS-së që krahas promovimit të eventeve muzikore të kërkojë dhe të garantojë respektimin e ligjit për të drejtën e autorit, të paktën për aktivitetet që financohen ose promovohen nga vetë ajo.

Me rastin e 145-vjetorit të krijimit të SIAE, Presidenti italian Sergio Mattarella priti në Pallatin Quirinale përfaqësu...
19/05/2026

Me rastin e 145-vjetorit të krijimit të SIAE, Presidenti italian Sergio Mattarella priti në Pallatin Quirinale përfaqësues te agjencisë italiane te të drejtave të autorit dhe vlerësoi publikisht rolin e saj për zhvillimin e kulturës italiane.

SIAE, eshte agjencia simotër e ALBAUTOR, me të cilën ne kemi lidhur kontratë përfaqësimi reciprok, dhe që në Itali trajtohet si një institucion me rol të rëndësishëm kulturor, ekonomik dhe shoqëror nga institucionet shtetërore.

Ndërkohë, në Shqipëri, institucionet shtetërore jo vetëm që nuk ofrojnë mbështetje për mbrojtjen e të drejtës së autorit, por në shumë raste bëhen vetë shkelëse të ligjit, duke organizuar dhe financuar koncerte dhe aktivitete publike pa kryer pagesën e tarifave që vetë shteti ka përcaktuar për zhvillimin e këtyre aktiviteteve.

Gjithashtu, fakti që Radio Televizioni Shqiptar paguan për të drejtat e autorit vetëm një të dhjetën e detyrimeve të përcaktuara nga ligji, pasqyron qartë klimën e përgjithshme që ekziston në vend ndaj zbatimit të ligjit dhe respektit për krijimtarinë artistike.

Respektimi i të drejtës së autorit nuk mund të shihet si një favor ndaj artistëve, por si një detyrim ligjor dhe standard minimal i një shteti që pretendon të mbështesë kulturën dhe krijimtarinë, dhe që dëshiron të futet në Europë.

Vitet e fundit, koncertet dhe festivalet muzikore kanë marrë një rol gjithnjë e më të rëndësishëm në ekonominë e argëtim...
15/05/2026

Vitet e fundit, koncertet dhe festivalet muzikore kanë marrë një rol gjithnjë e më të rëndësishëm në ekonominë e argëtimit dhe turizmit në Shqipëri. 📈 Sipas një studimi të revistës Monitor, vetëm gjatë vitit të kaluar u organizuan mbi 40 evente të mëdha në qytete të ndryshme të vendit.

Megjithatë, ndërsa këto aktivitete promovohen si motor i kulturës dhe ekonomisë, të drejtat ekonomike të krijuesve të muzikës vijojnë të mbeten të pambrojtura. 🎼

Në praktikë, shumë koncerte, festivale dhe evente live përdorin muzikë pa autorizimin dhe pa pagesën përkatëse pranë agjencisë së administrimit kolektiv ALBAUTOR, duke sjellë pasoja të drejtpërdrejta për autorët, kompozitorët dhe gjithë industrinë krijuese. 🎤✍️

📖 Ligji për të drejtën e autorit është i qartë në këtë drejtim.

Sipas nenit 152 të ligjit nr. 35/2016 “Për të Drejtat e Autorit dhe të Drejtat e Lidhura me To”, organizatorët e shfaqjeve publike duhet të sigurojnë paraprakisht autorizimin për komunikimin në publik të veprave të mbrojtura. Në mungesë të këtij autorizimi, autoritetet shtetërore të inspektimit ose policia mund të ndërhyjnë për ndalimin e aktivitetit.

🎵 Zhvillimi i industrisë koncertore nuk mund të ndërtohet duke anashkaluar të drejtat e krijuesve.

Respektimi i së drejtës së autorit nuk është vetëm detyrim ligjor, por edhe standardi që garanton një treg kulturor dhe muzikor të drejtë e të qëndrueshëm. ✅

ALBAUTOR ndodhet në fazën përfundimtare të llogaritjes së shpërndarjes për vitin 2026, ndaj është e rëndësishme që çdo k...
12/05/2026

ALBAUTOR ndodhet në fazën përfundimtare të llogaritjes së shpërndarjes për vitin 2026, ndaj është e rëndësishme që çdo krijim i realizuar gjatë vitit 2025 të deklarohet pranë agjencisë.

Deklarimi i veprave nga autorët dhe krijuesit mundëson identifikimin dhe përfshirjen e tyre në procesin e shpërndarjes së të ardhurave që burojnë nga përdorimi i veprave muzikore.

🤝 Faleminderit për bashkëpunimin!

Përvjetori i 80-të i lindjes së Shpëtim Kushtës!Në kuadër të 80-vjetorit të lindjes së kompozitorit Shpëtim Kushta, sken...
29/04/2026

Përvjetori i 80-të i lindjes së Shpëtim Kushtës!

Në kuadër të 80-vjetorit të lindjes së kompozitorit Shpëtim Kushta, skena shqiptare i kushton një vëmendje të veçantë një prej krijuesve që ka lënë gjurmë në zhvillimin e muzikës shqiptare.

Me një gjuhë muzikore të formuar mbi ndjeshmëri të thellë melodike dhe mendim orkestral të konsoliduar, veprat e tij mbetet pjesë e rëndësishme e trashëgimisë kulturore shqiptare, duke ruajtur aktualitetin e saj edhe në interpretimet e sotme.

Në këtë përvjetor, një nga veprat e tij do të ngjitet nesër më 30/04/2026 në skenën e Teatrit Kombëtar të Operas dhe Baletit, ndërsa Orkestra Simfonike e RTSH-së do të sjellë një interpretim të dedikuar të veprave të përzgjedhura. Ky aktivitet i kushtohet krijimtarisë së tij, si një shprehje mirënjohjeje për kontributin e çmuar në pasurimin e kulturës kombëtare.

Agjencia Albautor i uron kompozitorit Shpëtim Kushta shëndet të plotë dhe jetë të gjatë, me mirënjohje për kontributin e tij të çmuar në muzikën shqiptare.

📚 ALBAUTOR fton anëtarët dhe artistët shqiptarë të marrin pjesë ditën e enjte, 23 prill, ora 09:00, në sallën “Aleks Bud...
21/04/2026

📚 ALBAUTOR fton anëtarët dhe artistët shqiptarë të marrin pjesë ditën e enjte, 23 prill, ora 09:00, në sallën “Aleks Buda” pranë Akademisë së Shkencave të Shqipërisë, në konferencën që organizon në kuadër të Ditës Botërore të Librit dhe të së Drejtës së Autorit.

Në këtë aktivitet do të trajtohen çështje të rëndësishme mbi mbrojtjen dhe administrimin e të drejtave të autorëve në vendin tonë.

📖 Aktiviteti zhvillohet në kuadër të Panairit Mbarëkombëtar të Librit Akademik dhe Shkencor (22–24 prill 2026), ku marrin pjesë rreth 40 institucione nga Shqipëria, Kosova, Maqedonia e Veriut dhe Mali i Zi.

📌 Programi i ALBAUTOR:
🗣️ Diskutim mbi të drejtën e autorit
📅 23 prill 2026
🕘 Ora 09:00

Ftojmë të gjithë autorët, artistët dhe anëtarët e ALBAUTOR-it të na bashkohen për të diskutuar, shkëmbyer ide dhe për të forcuar bashkëpunimin në mbrojtje të krijimtarisë.

📍 Ju presim në Akademinë e Shkencave, Tiranë!



21/04/2026

Njoftim i Akademisë së Shkencave të Shqipërisë për organizimin e Panairit të 5-të Ndërkombëtar të Librit Akademik dhe Shkencor, i cili do të zhvillohet në datat 22–24 prill 2026.

Albautor vjen në Muse-X 2026! Kemi kënaqësinë të ndajmë me ju se Albautor do të jetë pjesë e eventit 3-ditor Muse-X, që ...
16/04/2026

Albautor vjen në Muse-X 2026!

Kemi kënaqësinë të ndajmë me ju se Albautor do të jetë pjesë e eventit 3-ditor Muse-X, që do të zhvillohet tek Piramida e Tiranës.

📅 E premte, e shtunë, e diel | 16–17–18 Prill

Muse-X është një panair muzike që bashkon artistë, krijues, institucione dhe profesionistë të industrive kreative, duke krijuar një hapësirë dinamike për shkëmbim idesh dhe promovim projektesh.

📍 Gjatë këtij eventi:
✔️ Do të jemi të pranishëm me stendën tonë
✔️ Do të prezantojmë misionin dhe rolin e Albautor
✔️ Do të ndajmë informacion mbi të drejtat e autorit
✔️ Do të ftojmë krijuesit dhe profesionistët të bëhen pjesë e komunitetit tonë

🎤 Kjo është një mundësi e shkëlqyer për të na njohur nga afër dhe për të kuptuar më shumë mbi mënyrën se si mbrojmë dhe promovojmë krijimtarinë shqiptare.

Ju mirëpresim!

Address

Bulevardi "Bajram Curri", 114
Tirana
1019

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Albautor posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Albautor:

Shortcuts

Share

Category