Caritas-i Shqiptar është një organizatë humanitare e Kishës Katolike që punon për përmirësimin e kushteve të jetesës së njerëzve më në nevojë në Shqipëri. U themelua në vitin 1993 nga Konferenca Ipeshkvnore e Shqiperise si nje Ent bamirës - humanitar i Kishës Katolike, dy vjet pas rrëzimit të regjimit komunist. Gjithashtu, u njoh edhe nga Shteti Shqiptar, konkretisht: nga Ministria e Shendetesise si një organizatë bamirëse e cila zhvillonte aktivitetet kryesisht në fushën e shëndetësisë. Me vonë, me vendim të Gjykatës së Rrethit Gjyqësor Tiranë, nr.6415 më 03.10.1995 u rregjitrua si person juridik jofitimprures (ONG) . Që nga viti 1994, Caritas-i Shqiptar është anëtar i Caritas Internationalis dhe Caritas Europa, rrjeti botëror i organizatave Katolike që ofrojnë ndihmë. Caritas-i Shqiptar punon me programe edukimi, që synojnë forcimin e pjesëmarrjes qytetare, nxitjen e barazisë sociale, ofrimin e shërbimeve mbështetëse në komunitetet më të cënueshme, nxitjen e vullnetarizmit, aftësimin e fëmijëve dhe të rinjve nëpërmjet edukimit, mbështet drejtësinë dhe nismat e paqes që kanë si qëllim ndërtimin e urave mes komuniteteve. Caritas-i Shqiptar në kuadër të objektivave afatmesëm dhe afatgjatë ofron shërbime dhe asistencë pa dallime fetare, etnike apo raciale. Caritas-i Shqiptar funksionon në bazë të Departamenteve, Zyrave të Sherbimeve dhe të programeve: Departamenti Social, Departamenti Ekonomia Sociale dhe Aftesia e Kufizuar, Departamenti Anti-Trafikimit dhe Migracionit, Departimenti i Administratës, Programi i Mbledhjes së Fondeve, Programi i Emergjencave, duke bashkepunuar edhe me rrjetin unik të famullive, institucioneve, dhe komuniteteve te Kishes Katolike në Shqipëri . Në mbarë Shqipërinë funksionojnë 6 Caritas-e Dioqezane, pjesë e rrjetit të Caritas-it Kombëtar: Caritas Tiranë-Durrës, Caritas Shkodër-Pult, Caritas Sapa, Caritas Lezha, Caritas Rrëshen dhe Caritas i Shqipërisë së Jugut. Misioni
Ne besojmë në vlerën e dinjitetin e jetës njerëzore. Ne ndihmojmë duke u bazuar në vlerat shpirtërore dhe humanitare. Besojmë që çdo njeri ka të drejtë të jetë i përfshirë në vendime që kanë ndikim në jetën e tyre. Ne besojmë se respekti për të drejtat e njeriut do të garantojë një zhvillim të qëndrueshëm.
