20/12/2024
📌 Në nëntor 2024, Ministri i Shtetit për Rininë dhe Fëmijët hapi procesin e konsultimit publik për 𝐏𝐫𝐨𝐣𝐞𝐤𝐭𝐥𝐢𝐠𝐣𝐢𝐧 “𝐏ë𝐫 𝐕𝐮𝐥𝐥𝐧𝐞𝐭𝐚𝐫𝐢𝐳𝐦𝐢𝐧. Rishikimi i ligjit u mirëprit, si një hap që reflekton nevojën për një kuadër ligjor më efektiv dhe të favorshëm për vullnetarizmin.
⚖️ Duke pasur parasysh që ligji aktual “Për Vullnetarizmin” (Nr. 45/2016) nuk ka qenë funksional që nga miratimi, për shkak të problematikave në hartim dhe mungesës së konsultimeve me grupet e interesit, ky proces pritej të adresonte këto sfida dhe të sillte përmirësime thelbësore. Nevoja për përmirësimin e ligjit, ndër vite, është evidentuar gjithashtu në një sërë raportesh për mjedisin mundësues të shoqërisë civile në Shqipëri, si dhe raporte të tjera, përfshirë raportin e 🇪🇺 Bashkimit Evropian për 🇦🇱 Shqipërinë.
👥 Që prej 2020, Partners Albania for Change and Development përmes National Resource Centre for Civil Society in Albania, në bashkëpunim me Beyond Barriers - Pertej Barrierave dhe organizata të tjera të Grupimit për Vullnetarizmin, kanë punuar për të adresuar sfidat e ligjit aktual dhe kanë advokuar për një rishikim të plotë të tij.
📌Megjithëse projektligji i propozuar ka si qëllim të ndërtojë një kuadër ligjor të qëndrueshëm dhe të favorshëm për kryerjen e vullnetarizmit, vërejmë që në draftligj ka ende një seri çështjesh problematike, të cilat janë adresuar edhe më parë në tryezat e diskutimit me organizata të shoqërisë civile, si dhe në opinionet ligjore dhe rekomandimet e përcjella pranë Ministrit të Shtetit për Rininë dhe Fëmijët, si dhe Grupit Ndërinstitucional për hartimin e projektligjit, krijuar me Urdhër të Kryeministrit më 17.1.2024.
✉️ Për më shumë gjeni 🔗 https://shorturl.at/9cLVa, komentet dhe rekomandimet tona, përcjellë Ministrit të Shtetit për Rininë dhe Fëmijët, si dhe listën e organizatave mbështetëse. Dokumenti reflekton opinionet tona për një rishikim të thelluar të projektligjit dhe për një kuadër ligjor që harmonizohet me standardet më të mira evropiane dhe aspiratat e Shqipërisë për anëtarësim në BE.
💡 Përvoja e 🇪🇺 BE-së tregon se kornizat ligjore e rregullatore për vullnetarizmin në vendet anëtare janë të ndryshme, ku në disa shtete ka legjislacion specifik për Vullnetarizmin dhe në disa të tjera ka politika, strategji e programe që mbështesin zhvillimin e tij.
Në të gjitha rastet, fokusi është në krijimin e një mjedisi që nxit, promovon dhe mbështet vullnetarizmin, si pjesë e një hapësire të shëndetshme qytetare.
‼ Ftojmë të gjitha organizatat që duan t’i bashkohen listës së organizatave mbështetëse të rekomandimeve dhe sugjerimeve të mësipërme, si dhe takimeve konsultuese në vijim, të dërgojnë emrin e plotë zyrtar të organizatës në [email protected]
