29/09/2026
Apliko këtu 👉 https://forms.gle/c88jcc7SLW82A8qW9
𝐊𝐔𝐑𝐓𝐇𝐈 𝐕𝐈𝐑𝐀𝐋 - 𝐍𝐣ë 𝐩𝐞𝐫𝐟𝐨𝐫𝐦𝐚𝐧𝐜ë 𝐤𝐮 𝐩𝐮𝐛𝐥𝐢𝐤𝐮 𝐦𝐮𝐧𝐝 𝐭ë 𝐧𝐝𝐫𝐲𝐬𝐡𝐨𝐣ë 𝐡𝐢𝐬𝐭𝐨𝐫𝐢𝐧ë
📅 𝟏 𝐓𝐞𝐭𝐨𝐫 𝟐𝟎𝟐𝟔 🕐 𝟏𝟒:𝟎𝟎–𝟏𝟓:𝟑𝟎 📍 𝐐𝐞𝐧𝐝𝐫𝐚 𝐑𝐢𝐧𝐨𝐫𝐞, 𝐃𝐢𝐛ë𝐫
𝐀𝐩𝐥𝐢𝐤𝐨 𝐤ë𝐭𝐮 https://forms.gle/tAv2caZKcKyiN74c8
Shoqata Together for Life, në bashkëpunim me Qendrën Rinore Dibër, ju fton të bëheni pjesë e eventit “Kurthi Viral”, një aktivitet interaktiv që ndërthur lojën, teatrin dhe reflektimin mbi sfidat që të rinjtë përballen në mjedisin digjital.
Eventi organizohet në kuadër të projektit MYndTheater – Promoting Mental Health in Youth through the Forum Theatre Methodology Facing the Threats of the Digital Environment, i mbështetur nga Bashkimi Evropian përmes programit Erasmus+ dhe i zbatuar nga organizata partnere nga vende të ndryshme evropiane.
Përmes lojërave dhe teknikave të Forumit të Teatrit, pjesëmarrësit do të përfshihen gradualisht në një eksperiencë ku nuk janë vetëm spektatorë. Në qendër të eventit do të jetë performanca “Kurthi Viral” – historia e një adoleshenteje, videoja e së cilës shpërndahet pa pëlqimin e saj dhe kthehet në objekt talljeje. Historia sjell në skenë bullizmin kibernetik, presionin e bashkëmoshatarëve dhe heshtjen e atyre që shohin, por nuk ndërhyjnë.
Por këtë herë, publiku mund ta ndryshojë historinë. Pas performancës, pjesëmarrësit do të ftohen të bëhen SpektAktorë: të hyjnë në skenë, të marrin rolin e personazheve dhe të provojnë mënyra të tjera reagimi dhe ndërhyrjeje.
Më shumë info 👉http://www.togetherforlife.org.al/.../Ftesa_KURTHI-VIRAL.pdf
