SPASH - Sindikata e Pavarur e Arsimit te Shqiperise

SPASH - Sindikata e Pavarur e Arsimit te Shqiperise Themeluar ne 1991 si OJF ne mbrojtje te interesave social-ekonomike te arsimtareve.

🇦🇱 SPASH MERR PJESË NË KONVENTËN NDËRKOMBËTARE TË AFT 2026 NË UASHINGTON, D.C.SPASH u ftua për të marrë pjesë në AFT Con...
19/07/2026

🇦🇱 SPASH MERR PJESË NË KONVENTËN NDËRKOMBËTARE TË AFT 2026 NË UASHINGTON, D.C.

SPASH u ftua për të marrë pjesë në AFT Convention 2026 – International Union Leaders Program, një nga aktivitetet më të rëndësishme ndërkombëtare të lëvizjes sindikale në fushën e arsimit, zhvilluar më 15–19 korrik në Uashington, D.C.

Në këtë aktivitet morën pjesë drejtues të organizatave sindikale të arsimit dhe shërbimeve publike nga dhjetëra vende të botës, së bashku me përfaqësues të Education International (EI), ETUCE, Public Services International (PSI), anëtarë të Senatit të USA, si dhe personalitete të angazhuara në mbrojtjen e demokracisë, të drejtave të njeriut dhe arsimit publik.

Programi trajtoi tema me rëndësi globale, si:
• mbrojtja dhe financimi i arsimit publik;
• forcimi i sindikatave dhe dialogut social;
• mbrojtja e demokracisë dhe lufta kundër dezinformimit;
• solidariteti ndërkombëtar dhe bashkëpunimi mes organizatave sindikale;
• ndikimi i inteligjencës artificiale në arsim dhe përdorimi i saj në mënyrë të përgjegjshme.

Pjesëmarrja e SPASH në këtë forum ndërkombëtar forcon bashkëpunimin me partnerët ndërkombëtarë dhe konfirmon angazhimin e sindikatës për mbrojtjen e të drejtave të mësuesve, zhvillimin e arsimit publik cilësor dhe përfaqësimin aktiv të Shqipërisë në arenën sindikale ndërkombëtare.

Në vijim të propozimeve të paraqitura nga SPASH dhe FSASH, si dhe diskutimeve të zhvilluara gjatë mbledhjes së Këshillit...
18/07/2026

Në vijim të propozimeve të paraqitura nga SPASH dhe FSASH, si dhe diskutimeve të zhvilluara gjatë mbledhjes së Këshillit Kombëtar të Arsimit Parauniversitar, Zëvendësministrja e Arsimit, znj. Orjana Osmani, ka konfirmuar zyrtarisht se kërkesat e sindikatave partnere sociale të MA, janë në proces shqyrtimi dhe se një pjesë e tyre do të reflektohen në udhëzimin e ri të Ministrisë së Arsimit.

Sa vlerë ka arsimi për një shtet? Përgjigjja jepet në buxhet.Kur një vend investon të paktën 6% të Prodhimit të Brendshë...
17/07/2026

Sa vlerë ka arsimi për një shtet?
Përgjigjja jepet në buxhet.

Kur një vend investon të paktën 6% të Prodhimit të Brendshëm Bruto në arsim, ai nuk po financon thjesht shkolla. Po investon te mësuesit, te fëmijët dhe te e ardhmja e tij.

Në vitin 2024, Paneli i Nivelit të Lartë i Sekretarit të Përgjithshëm të OKB-së për Transformimin e Profesionit të Mësuesit u bëri thirrje qeverive të garantojnë një financim publik për arsimin prej të paktën 6% të Prodhimit të Brendshëm Bruto.

Ky nuk është një numër i zgjedhur rastësisht, është minimumi që konsiderohet i nevojshëm për të ndërtuar një sistem arsimor cilësor dhe për të garantuar dinjitetin e profesionit të mësuesit.

Ndërkohë, në Shqipëri, arsimi vazhdon të mbetet larg këtij standardi. Flasim për reforma, flasim për cilësi, por pa investim serioz nuk mund të ketë as transformim, as rezultate.

Qeveria duhet të vendosë arsimin aty ku e ka vendin, në krye të prioriteteve kombëtare.

Sepse një vend që kursen te arsimi, në të vërtetë po varfëron të ardhmen e vet.

15/07/2026

MBYLLJA E KAPITUJVE TË BE-SË PËR ARSIMIN – SPASH KËRKON PARTNERITET SOCIAL SIPAS STANDARDEVE EVROPIANE

SPASH përshëndet avancimin e Shqipërisë në procesin e negociatave me Bashkimin Europian dhe progresin e arritur në kuadër të Kapitullit 26 – Arsimi dhe Kultura, duke e konsideruar atë një hap të rëndësishëm drejt anëtarësimit të vendit në Bashkimin Europian.

Sindikata e Pavarur e Arsimit të Shqipërisë (SPASH), si anëtare e Platformës së Partneritetit për Integrimin Europian (PPIE), përfaqësohet në punimet e Kapitullit 26 “Arsimi dhe Kultura” nga Z. Nevrus Kaptelli, President i SPASH, dhe Znj. Matilda Zani, Juriste dhe Drejtoreshë e Marrëdhënieve Ndërkombëtare në SPASH.

Megjithatë, integrimi europian nuk mund të kufizohet vetëm në përmbushjen e kritereve teknike apo në mbylljen e kapitujve negociues. Bashkimi Europian bazohet mbi vlera themelore, ku dialogu social, liria sindikale, negociatat kolektive dhe pjesëmarrja e partnerëve socialë në hartimin e politikave publike përbëjnë elemente thelbësore të demokracisë.
SPASH rithekson se partneriteti social nuk është një formalitet administrativ, por një detyrim institucional që buron nga standardet europiane dhe nga konventat e Organizatës Ndërkombëtare të Punës (ILO), të ratifikuara nga Republika e Shqipërisë.

Për këtë arsye, i bëjmë thirrje institucioneve përgjegjëse që procesi i integrimit të shoqërohet me një dialog social të mirëfilltë, ku organizatat sindikale përfaqësuese dhe nënshkruese të Kontratës Kolektive të jenë pjesë e hartimit dhe zbatimit të politikave arsimore.

Një sistem arsimor europian ndërtohet mbi:
● respektimin e autonomisë dhe pavarësisë së organizatave sindikale;
● negociata kolektive efektive dhe në mirëbesim;
● paga dhe kushte dinjitoze pune për punonjësit e arsimit;
● investime të qëndrueshme në arsimin publik;
● pjesëmarrje reale të mësuesve dhe partnerëve socialë në proceset e reformimit të arsimit.

SPASH mbetet një partner i përgjegjshëm, kritik dhe konstruktiv në rrugëtimin e Shqipërisë drejt Bashkimit Europian, me bindjen se një arsim cilësor kërkon mësues të vlerësuar, sindikata të respektuara dhe dialog social funksional.

Sindikata e Pavarur e Arsimit të Shqipërisë (SPASH) dhe Federata e Sindikatave të Arsimit dhe Shkencës (FSASH), si partn...
01/07/2026

Sindikata e Pavarur e Arsimit të Shqipërisë (SPASH) dhe Federata e Sindikatave të Arsimit dhe Shkencës (FSASH), si partnerë socialë të njohur në sektorin e arsimit, i kanë dërguar sot Ministrisë së Arsimit propozime konkrete për ndryshime në Udhëzimin Nr.14, datë 10.07.2023, “Për numrin e nxënësve për klasë dhe ngarkesën mësimore të punonjësve arsimorë”.

Këto propozime synojnë:
• uljen e numrit të nxënësve për klasë për të garantuar cilësi më të lartë në mësimdhënie,
• përmirësimin e ngarkesës mësimore të mësuesve,
• mbrojtjen e vendeve të punës në kushtet e ndryshimeve demografike,
• forcimin e standardeve në sistemin arsimor parauniversitar,
• rritjen e efikasitetit dhe drejtësisë në organizimin e institucioneve arsimore,
• rritjen e cilësisë në arsim në klasat kolektive.

Address

Rruga "Sulejman Delvina" Nd. 51, H. 9, Ap. 4, Kt. 4
Tirana
1019

Website

Alerts

Be the first to know and let us send you an email when SPASH - Sindikata e Pavarur e Arsimit te Shqiperise posts news and promotions. Your email address will not be used for any other purpose, and you can unsubscribe at any time.

Shortcuts

Share

Category