14/05/2026
📍 Dibër | Mat | Bulqizë
Tre ndalesa në verilindje të Shqipërisë. Dhjetëra të rinj, aktivistë, mësues, ekspertë, përfaqësues institucionesh dhe organizatash lokale. Dhe mbi të gjitha, shumë sfida të përbashkëta, por edhe shumë potencial për të ndërtuar komunitete më aktive dhe më të përfshira.
Në kuadër të turit “Qendra Burimore Lëvizëse”, zhvilluam një seri takimesh dhe diskutimesh me aktorë lokalë në Dibër, Mat dhe Bulqizë, me fokus forcimin e dialogut lokal dhe përfshirjen e komuniteteve në procesin e integrimit evropian dhe zhvillimit të qëndrueshëm.
💬 Edhe pse secila bashki ka specifikat e veta, diskutimet nxorën në pah një realitet të përbashkët:
— të rinj që kërkojnë të dëgjohen dhe të përfshihen realisht në vendimmarrje;
— komunitete që përballen me largimin e vazhdueshëm të të rinjve për shkak të mungesës së mundësive;
— struktura rinore dhe qytetare që shpesh mbeten formale ose të pambështetura;
— nevojën për më shumë bashkëpunim lokal, investime strategjike dhe politika që lidhen me realitetin e zonës.
Në të gjitha diskutimet u ndje qartë se integrimi evropian 🇪🇺 nuk perceptohet vetëm si një proces institucional, por si një nevojë konkrete për më shumë mundësi, shërbime cilësore, zhvillim lokal dhe pjesëmarrje qytetare.
🤝 Qendra Burimore Lëvizëse synon pikërisht këtë: të sjellë më pranë komuniteteve lokale informacionin, ekspertizën dhe hapësirat e dialogut, duke fuqizuar aktorët lokalë dhe duke nxitur bashkëpunimin ndërmjet shoqërisë civile, institucioneve dhe të rinjve.
Nga Dibra në Mat e Bulqizë,💬 mesazhi ishte i qartë: komunitetet lokale kanë ide, energji dhe vullnet për të kontribuar, ajo që nevojitet është më shumë mbështetje, koordinim dhe hapësira reale për pjesëmarrje.
🙏Faleminderim të gjithë partnerëve, institucioneve dhe të rinjve që u bënë pjesë e këtij rrugëtimi dhe kontribuan në diskutimet e zhvilluara gjatë turit. 🤝
🔜 Turi i “Qendrës Burimore Lëvizëse” do të rikthehet sërish në vjeshtë, me ndalesa dhe takime të reja në qytete të tjera të vendit.
National Resource Centre for Civil Society in Albania
European Movement Albania
Bashkia Dibër Faqja Zyrtare
Bashkia Mat Faqja Zyrtare
Bulqizë Faqja Zyrtare
Gjimnazi "Rifat Manjani" Shupenzë
European Union in Albania
