11/12/2025
E nisëm këtë rrugëtim në dhjetor të vitit 2018, me një dëshirë të zjarrtë për emrin dhe lavdinë e Perëndisë.
Vizioni ynë është: "Të shohim Krishtin të lartësuar dhe Kishën të shkëlqejë lavdinë e Tij."
Misioni ynë: "Ekzistojmë për inkurajimin, pajisjen dhe sigurimin e burimeve për kishat lokale dhe fillimet e reja me qëllim përmbushjen e porosisë së madhe të Zotit Jezu Krisht."
Gjatë këtyre 7 viteve me hirin e Zotit kemi përgatitur dhe publikuar:
• Rreth 1500 artikuj, lexime ditore etj.
• Rreth 550 video në kanalin Dritez Media në youtube
• Filmin "Udhëtari" me afërsisht 180 mijë shikime organike në YouTube.
• Një trajnim për "Bazat e shërbesës pastorale" me 4 vëllime me nga 7-8 mësime secili.
• 31 libra të botuar dhe 21 të tjerë duke u bërë gati për botim gjatë 2026.
• 3 vite kurrikulum për shërbesën e fëmijëve nga mosha 6-12 vjeç.
• 3 vite kurrikulum për shërbesën e adoleshentëve nga mosha 12-15 vjeç.
• Trajnim 3-vjeçar për predikimin ekspozues me 16 udhëheqës dhe dishepuj nga kisha të ndryshme në Shqipëri dhe Kosovë.
• 47 himne dhe këngë të reja të shqipëruara dhe mjaft të tjera të rishikuara.
Gjatë këtyre 7 viteve kemi bashkëpunuar ngushtë me:
• 12 kisha kryesisht në qytete të vogla ku nevojat janë më të mëdha.
• 40 kisha me projektet e botimeve dhe jo vetëm,
• 100 kisha të ndryshme duke shpërndarë kurajë, paisje dhe burime.
I jemi mirënjohës pafund Perëndisë për hirin e tij që ka tepruar për çdo vepër të mirë.
Falënderojmë Zotin për anëtarët e ekipit që kanë bërë një punë të shkëlqyer pa u lodhur:
(Rudina, Asimi, Andi, Ditjoni, Vilma, Linea, Xhulia, Sara, Jurgeni dhe Eda). Gjithashtu edhe për ish-punonjësit dhe bashkëpunëtorët e tjerë në distancë brenda dhe jashtë vendit.
Jemi mirënjohës për bordin e drejtorëve Danielin, Nazmiun dhe Ervinin si dhe mbikqyrësin e financave Xhelon.
E dëshirofshim me zell Perëndinë deri në fund të udhëtimit,
Shkëlqeftë lavdia e Tij në trojet shqipfolëse,
I lënçim brezit të ardhshëm një kishë rrëzëlluese, të bukur dhe plot hir.
SOLI DEO GLORIA
Ekipi i qendrës "IGNIS”
Tiranë, Dhjetor 2025
