Qendra për Shoqëri Aktive - QSHA

Call Directions Website Contact the organization

Qendra për Shoqëri Aktive - QSHA Qendra për Shoqëri Aktive - QSHA ka si qëllim të inkurajojë pjesëmarrjen aktive qytetare në shoqëri!

NJË HAP DREJT PAVARËSISË EKONOMIKE, DINJITETIT DHE NJË TË ARDHMEJE MË TË SIGURT!Qendra për Shoqëri Aktive – QSHA publiko...
21/10/2026

NJË HAP DREJT PAVARËSISË EKONOMIKE, DINJITETIT DHE NJË TË ARDHMEJE MË TË SIGURT!

Qendra për Shoqëri Aktive – QSHA publikon “Manualin Informues mbi Riintegrimin në Tregun e Punës me Fokus Vajzat dhe Gratë Viktima dhe të Mbijetuara të Dhunës me Bazë Gjinore”.

Ky manual është më shumë se një udhëzues praktik. Ai është një burim informacioni, orientimi dhe mbështetjeje për vajzat dhe gratë që dëshirojnë të hyjnë, të rikthehen ose të ndërtojnë një rrugëtim të qëndrueshëm në tregun e punës.

Përmes këtij publikimi, synojmë të kontribuojmë në fuqizimin ekonomik të vajzave dhe grave, duke i mbështetur të njohin aftësitë dhe potencialin e tyre, të ndërtojnë një plan individual punësimi, të përgatiten për aplikime dhe intervista, të njohin të drejtat e tyre dhe të identifikojnë mundësi të sigurta e dinjitoze punësimi.

Sepse punësimi nuk është vetëm një burim të ardhurash. Ai mund të jetë një hap drejt pavarësisë, vetëbesimit, autonomisë dhe mundësisë për të marrë vendime të lira për jetën.

Çdo grua ka rrugëtimin e saj. Prandaj, riintegrimi duhet të respektojë ritmin, nevojat, sigurinë, dinjitetin dhe zgjedhjet individuale të saj. Asnjë grua nuk duhet të detyrohet të zgjedhë mes sigurisë dhe mundësisë për të ndërtuar të ardhmen e saj.

Manuali përmban udhëzime praktike për punësimin e denjë, përgatitjen e CV-së, kërkimin e sigurt të punës, formimin profesional, të drejtat në vendin e punës dhe institucionet ku mund të kërkohet mbështetje. Ai synon të shërbejë gjithashtu si një instrument orientues për profesionistët dhe institucionet që kontribuojnë në procesin e riintegrimit.

Ky manual është hartuar në kuadër të projektit “TIRANA – QYTET MIQËSOR PËR RIINTEGRIMIN E GRAVE DHE VAJZAVE MBIJETUESE TË DHUNËS”, i zbatuar nga Qendra për Shoqëri Aktive – QSHA, me mbështetjen financiare të Agjencia per Mbeshtetjen e Shoqerise Civile - AMSHC.

Besojmë se fuqizimi ekonomik, mundësitë e barabarta dhe punësimi i sigurt janë pjesë thelbësore e një shoqërie që respekton të drejtat dhe dinjitetin e çdo gruaje.

Punësimi i denjë është një e drejtë, jo një privilegj!

Çdo vajzë dhe grua meriton mundësinë të zhvillojë potencialin e saj, të jetojë e sigurt dhe të ndërtojë një të ardhme të pavarur e dinjitoze.



https://qendraqsha.wordpress.com/2026/10/21/publikohet-manuali-informues-per-riintegrimin-ne-tregun-e-punes-te-vajzave-dhe-grave-te-mbijetuara-te-dhunes-me-baze-gjinore/

11 TETOR | DITA NDËRKOMBËTARE E VAJZAVE ÇDO VAJZË MERITON TË ËNDËRROJË PA KUFIJ, TË FLASË ME ZË TË LARTË DHE TË JETË E L...
11/10/2026

11 TETOR | DITA NDËRKOMBËTARE E VAJZAVE

ÇDO VAJZË MERITON TË ËNDËRROJË PA KUFIJ, TË FLASË ME ZË TË LARTË DHE TË JETË E LIRË TË ZGJEDHË TË ARDHMEN E SAJ!

Çdo vajzë mbart brenda vetes një botë të tërë mundësish, talentesh dhe ëndrrash që meritojnë të dëgjohen, të mbështeten dhe të bëhen realitet. Por që këto ëndrra të lulëzojnë, vajzave u duhen mundësi të barabarta, arsimim cilësor, siguri, respekt dhe besim në potencialin e tyre.

Sot, më shumë se kurrë, le të angazhohemi për një shoqëri ku asnjë vajzë të mos pengohet nga paragjykimet, diskriminimi apo frika; ku zëri i saj dëgjohet, zgjedhjet e saj respektohen dhe talenti i saj vlerësohet.

Sepse kur fuqizojmë një vajzë, fuqizojmë një familje, një komunitet dhe të ardhmen e gjithë shoqërisë!

Vajzat nuk janë vetëm e ardhmja. Ato janë zëri, forca dhe ndryshimi i së sotmes!

Finalizuam marrëveshjen Trilaterale të Bashkëpunimit ndërmjet Qendrës Kombëtare të Trajtimit të Viktimave të Dhunës në F...
09/10/2026

Finalizuam marrëveshjen Trilaterale të Bashkëpunimit ndërmjet Qendrës Kombëtare të Trajtimit të Viktimave të Dhunës në Familje dhe Qendrës së Formimit Profesional Publik 4.

Kjo marrëveshje synon të forcojmë fuqizimin, aftësimin profesional dhe riintegrimin social e ekonomik të viktimave të dhunës në familje, drejt një jete të pavarur dhe me dinjitet.

🌸 MOS HARRO VETEN 💗Tetori Rozë është një kujtesë për çdo grua që, mes angazhimeve, familjes, punës dhe kujdesit për të t...
01/10/2026

🌸 MOS HARRO VETEN 💗

Tetori Rozë është një kujtesë për çdo grua që, mes angazhimeve, familjes, punës dhe kujdesit për të tjerët, të mos harrojë veten.

Këtë muaj, le të flasim më shumë për kujdesin ndaj shëndetit, informimin dhe rëndësinë e kontrolleve të rregullta. Le të kujtojmë se kujdesi për veten nuk duhet të shtyhet për “më vonë”.

Dhe le të kujtojmë edhe një grua tjetër.
Një nënë. Një motër. Një shoqe. Një kolege. Ndonjëherë, një pyetje e thjeshtë – “Si je?” – mund të jetë një fillim i rëndësishëm.

💗 Kujdesu për veten.
🌷 Kujto një grua.
🎀 Ndaje një mesazh.

Këtë Tetor Rozë, mesazhi ynë është i thjeshtë: MOS HARRO VETEN.

QSHA – Qendra për Shoqëri Aktive

Ditën e djeshme, datë 29 shtator 2026, u firmos zyrtarisht Marrëveshja Trilaterale e Bashkëpunimit ndërmjet Qendrës për ...
30/09/2026

Ditën e djeshme, datë 29 shtator 2026, u firmos zyrtarisht Marrëveshja Trilaterale e Bashkëpunimit ndërmjet Qendrës për Shoqëri Aktive - QSHA, Qendrës së Formimit Profesional Publik 4 dhe Qendrës Kombëtare të Trajtimit të Viktimave të Dhunës në Familje.

Kjo marrëveshje shënon fillimin e një bashkëpunimi të qëndrueshëm dhe të koordinuar në mbështetje të vajzave dhe grave të mbijetuara të dhunës, duke synuar forcimin e procesit të tyre të integrimit dhe riintegrimit social e ekonomik.

Përmes këtij bashkëpunimi synojmë të krijojmë një urë të qëndrueshme nga mbrojtja dhe trajtimi, drejt aftësimit profesional, fuqizimit ekonomik, punësimit dhe pavarësisë sociale. Në qendër të këtij procesi është krijimi i mundësive konkrete dhe të qëndrueshme për një jetë të pavarur dhe dinjitoze.

Në këtë kuadër, bashkëpunimi do të kontribuojë në:
• rritjen e aksesit në programe dhe kurse të formimit profesional;
• zhvillimin e aftësive dhe potencialit profesional;
• orientimin drejt profileve që kanë kërkesë reale në tregun e punës;
• krijimin e mundësive konkrete për punësim dhe lidhjen me punëdhënës potencialë;
• ofrimin e mbështetjes sociale dhe orientimit gjatë procesit të riintegrimit;
• forcimin e kapaciteteve të profesionistëve që mbështesin vajzat dhe gratë e mbijetuara të dhunës.

Një element i rëndësishëm i kësaj marrëveshjeje është edhe krijimi i një mekanizmi të koordinuar referimi mes palëve, për të siguruar që mbështetja të mos ndërpritet gjatë kalimit nga një fazë e procesit të riintegrimit në tjetrën.

Ky bashkëpunim është një tjetër hap drejt ndërtimit të një modeli ku vajzat dhe gratë e mbijetuara të dhunës nuk mbështeten vetëm për të kapërcyer një krizë, por fuqizohen për të ndërtuar një të ardhme të pavarur dhe të qëndrueshme.

Së bashku drejt riintegrimit në tregun e punës!Riintegrimi social dhe ekonomik i vajzave dhe grave të mbijetuara të dhun...
25/09/2026

Së bashku drejt riintegrimit në tregun e punës!

Riintegrimi social dhe ekonomik i vajzave dhe grave të mbijetuara të dhunës kërkon mbështetje, mundësi dhe bashkëpunim. Përmes projektit “Tirana – Qytet Miqësor për Riintegrimin e Grave Mbijetuese të Dhunës”, Qendra për Shoqëri Aktive – QSHA, me mbështetjen financiare të Agjencia per Mbeshtetjen e Shoqerise Civile - AMSHC, po punon për të krijuar mundësi konkrete për zhvillimin profesional dhe punësimin.

Përmes projektit ofrohen:

🎓 Trajnime profesionale për zhvillimin e aftësive dhe rritjen e kapaciteteve;
📖 Udhëzues dhe materiale praktike për punësim;
📍 Informacion dhe orientim drejt bizneseve dhe institucioneve që ofrojnë mundësi punësimi në Tiranë;
🤝 Mbështetje dhe rrjetëzim përmes një klubi të grave dhe vajzave.

Qëllimi është që mbështetja të kthehet në mundësi reale për punësim, pavarësi ekonomike dhe një të ardhme më të sigurt e me dinjitet.

Nëse jeni vajzë ose grua e mbijetuar e dhunës dhe dëshironi të zhvilloni aftësitë tuaja, të përgatiteni për tregun e punës apo të gjeni mundësi punësimi, na kontaktoni.

📩 [email protected]

Së bashku mund të krijojmë më shumë mundësi për një të ardhme më të mirë.

💜 Një mundësi për një fillim të ri“Tirana – Qytet Miqësor për Riintegrimin e Grave Mbijetuese të Dhunës” është një proje...
24/09/2026

💜 Një mundësi për një fillim të ri

“Tirana – Qytet Miqësor për Riintegrimin e Grave Mbijetuese të Dhunës” është një projekt në zbatim nga Qendra për Shoqëri Aktive – QSHA, me mbështetjen financiare të Agjencia per Mbeshtetjen e Shoqerise Civile - AMSHC.

I prezantuar më 1 qershor 2026, projekti synon të krijojë mundësi konkrete për riintegrimin social dhe ekonomik të vajzave dhe grave të mbijetuara të dhunës, duke i mbështetur në aksesin në punësim, formim profesional, zhvillim të aftësive dhe rritje të kapaciteteve.

Përmes bashkëpunimit me institucionet publike, profesionistët dhe sektorin e punësimit, QSHA po punon që mbështetja të mos mbetet vetëm në trajnim, asistim dhe mentorim por të shndërrohet në mundësi reale për një të ardhme më të pavarur dhe me dinjitet.

📌 Që prej muajit qershor dhe aktualisht, QSHA po asiston 10 vajza dhe gra në procesin e tyre drejt punësimit, përmes bashkëpunimit me Drejtorinë e Nxitjes së Punësimit pranë Bashkisë Tiranë dhe Drejtorinë e Mbrojtjes dhe Përfshirjes Sociale në Bashkinë Tiranë.

Por kjo mundësi nuk duhet të mbetet vetëm për ato që tashmë kanë arritur të lidhen me projektin.

Nëse njihni një vajzë ose grua që dëshiron të punësohet, të ndjekë një formim profesional, të zhvillojë aftësitë e saj apo të rrisë kapacitetet për të ndërtuar një të ardhme më të pavarur, na kontaktoni. 💜

📩 [email protected]

Ndonjëherë, një informacion i vetëm mund të jetë hapi i parë drejt një mundësie të re.

Le ta bëjmë së bashku Tiranën një qytet më gjithëpërfshirës, më mbështetës dhe më miqësor për vajzat dhe gratë.

🤝 Bashkëpunim për më shumë mundësi dhe një riintegrim të qëndrueshëm.Në ambientet e QFPP Nr. 4, Tiranë, QSHA zhvilloi nj...
11/09/2026

🤝 Bashkëpunim për më shumë mundësi dhe një riintegrim të qëndrueshëm.

Në ambientet e QFPP Nr. 4, Tiranë, QSHA zhvilloi një tryezë të përbashkët në bashkëpunim me Qendrën e Formimit Profesional Publik Nr. 4 dhe Zyrën e Punës, me fokus krijimin e mundësive konkrete për formimin profesional, punësimin dhe fuqizimin ekonomik të grave dhe vajzave të mbijetuara të dhunës.

Takimi u zhvillua në kuadër të projektit “Tirana – Qytet Miqësor për Riintegrimin e Grave Mbijetuese të Dhunës”, të zbatuar nga Qendra për Shoqëri Aktive (QSHA) me mbështetjen financiare të Agjencia per Mbeshtetjen e Shoqerise Civile - AMSHC.

Në vijim të konferencës prezantuese të projektit, kjo tryezë përbën një tjetër hap të rëndësishëm drejt forcimit të bashkëpunimit institucional dhe identifikimit të rrugëve konkrete për t’u ofruar grave dhe vajzave të mbijetuara të dhunës akses në aftësim profesional, orientim drejt tregut të punës dhe mundësi reale për pavarësi ekonomike.

🙏 Falënderojmë Drejtoreshën e Qendrës së Formimit Profesional Publik Nr. 4, znj. Valbona Hoxha për gatishmërinë për të kontribuar në ndërtimin e mundësive të reja për gratë dhe vajzat që po ndërtojnë një jetë të pavarur, të sigurt dhe me dinjitet.

📌 Sepse riintegrimi nuk përfundon me mbështetjen sociale, ai forcohet kur shndërrohet në aftësi, punësim dhe pavarësi ekonomike.

🎨 Një udhëtim artistik që do të mbetet gjatë në kujtesë...Me Ekspozitën Përmbyllëse u përmbyll me sukses edicioni i dytë...
14/07/2026

🎨 Një udhëtim artistik që do të mbetet gjatë në kujtesë...

Me Ekspozitën Përmbyllëse u përmbyll me sukses edicioni i dytë i Festivalit Ndërkombëtar të Akuarelit "Lin in Aqua 2", i cili solli në Pogradec, Lin dhe Tushemisht artistë të njohur shqiptarë dhe ndërkombëtarë në një festë të vërtetë të artit, kulturës dhe dialogut ndërkulturor.

Festivali u organizua nga Qendra për Shoqëri Aktive (QSHA), me mbështetjen financiare të Ministrisë së Turizmit, Kulturës dhe Sportit, në bashkëpunim me Bashkinë Pogradec, nën kurimin artistik dhe organizimin e artistëve Foti Kllogjeri dhe Armand Xhika.

Ekspozita Përmbyllëse prezantoi veprat e realizuara gjatë sesioneve plein air, demonstrimeve live, workshop-eve dhe rezidencës artistike, duke pasqyruar bukuritë e jashtëzakonshme të Pogradecit, Linit dhe Tushemishtit, si dhe duke dëshmuar se arti është një gjuhë universale që bashkon kultura, artistë dhe komunitete.

🙏 Në emër të Qendrës për Shoqëri Aktive (QSHA), shprehim mirënjohjen tonë të sinqertë ndaj Ministrisë së Turizmit, Kulturës dhe Sportit për mbështetjen financiare të dhënë, Bashkisë Pogradec për bashkëpunimin e ngushtë dhe angazhimin e saj në realizimin e festivalit, si dhe artistëve Foti Kllogjeri dhe Armand Xhika për përkushtimin, profesionalizmin dhe kontributin e tyre të vyer në kurimin artistik dhe organizimin e këtij aktiviteti ndërkombëtar.

Falënderime të veçanta shkojnë gjithashtu për të gjithë artistët pjesëmarrës, partnerët, vullnetarët, përfaqësuesit e medias dhe artdashësit, të cilët me praninë dhe mbështetjen e tyre kontribuuan në suksesin e këtij edicioni.

✨ Shihemi në edicionin e ardhshëm të "Lin in Aqua", me edhe më shumë ngjyra, krijimtari dhe frymëzim!



*******************

🎨 A remarkable artistic journey comes to a close...

With the Closing Exhibition, the second edition of the "Lin in Aqua 2" International Watercolor Festival successfully concluded, bringing together renowned Albanian and international artists in Pogradec, Lin and Tushemisht for a true celebration of art and culture.

The festival was organized by the Center for Active Society (QSHA), with the financial support of the Ministry of Tourism, Culture and Sports, in cooperation with the Municipality of Pogradec, under the artistic direction and organization of artists Foti Kllogjeri and Armand Xhika.

The Closing Exhibition showcased the artworks created during the plein air sessions, live demonstrations, workshops and the artistic residency, reflecting the extraordinary natural beauty of Pogradec, Lin and Tushemisht while celebrating the power of watercolor as a universal language that connects cultures and people.

🙏 On behalf of the Center for Active Society (QSHA), we extend our sincere gratitude to the Ministry of Tourism, Culture and Sports for its valuable financial support, to the Municipality of Pogradec for its close cooperation and commitment to the success of the festival, and to artists Foti Kllogjeri and Armand Xhika for their outstanding artistic direction, dedication and professional contribution in making the second edition of "Lin in Aqua 2" a memorable international cultural event.
We also thank all participating artists, partners, volunteers, media representatives and art lovers whose enthusiasm and support made this festival possible.

✨ We look forward to welcoming you to the next edition of "Lin in Aqua", with even more colors, creativity and inspiration!

🎨 JU FTOJMË TË VIZITONI EKSPOZITËN NDËRKOMBËTARE TË AKUARELIT "LIN IN AQUA 2"!Nëse jeni në Pogradec ose do ta vizitoni q...
03/07/2026

🎨 JU FTOJMË TË VIZITONI EKSPOZITËN NDËRKOMBËTARE TË AKUARELIT "LIN IN AQUA 2"!

Nëse jeni në Pogradec ose do ta vizitoni qytetin këto ditë, mos e humbisni mundësinë të zbuloni një koleksion të jashtëzakonshëm me mbi 150 vepra të realizuara nga 64 artistë shqiptarë dhe ndërkombëtarë, që përfaqësojnë më shumë se 25 vende të botës.

🖼️ Ekspozita është e hapur për publikun në Galerinë e Arteve të Pogradecit dhe do të mirëpresë vizitorët deri më 12 korrik 2026.

Ekspozita është pjesë e Festivalit Ndërkombëtar të Akuarelit "LIN IN AQUA 2", organizuar nga Qendra për Shoqëri Aktive (QSHA), me mbështetjen financiare të Ministrisë së Turizmit, Kulturës dhe Sportit, në bashkëpunim me Bashkinë Pogradec, nën kurimin dhe organizimin e artistëve Foti Kllogjeri dhe Armand Xhika.

Ejani të përjetoni bukurinë e akuarelit dhe të bëheni pjesë e një eventi që sjell në Pogradec artistë, kultura dhe krijimtari nga e gjithë bota.

📍 Galeria e Arteve, Pogradec
📅 E hapur deri më 12 korrik 2026

**********

🎨 YOU ARE INVITED TO VISIT THE INTERNATIONAL WATERCOLOR EXHIBITION "LIN IN AQUA 2"!

If you are in Pogradec or planning to visit the city, don't miss the opportunity to discover an exceptional collection of more than 150 artworks created by 64 Albanian and international artists from over 25 countries.

🖼️ The exhibition is open to the public at the Pogradec Art Gallery and will welcome visitors until 12 July 2026.

The exhibition is part of the "LIN IN AQUA 2" International Watercolor Festival, organized by the Center for Active Society (QSHA), with the financial support of the Ministry of Tourism, Culture and Sports, in cooperation with the Municipality of Pogradec, under the curation and artistic direction of Foti Kllogjeri and Armand Xhika.

Come and experience the beauty of watercolor painting while enjoying an international artistic event that brings together cultures, creativity, and outstanding artists from around the world.

📍 Pogradec Art Gallery
📅 Open until 12 July 2026

Address

Rruga “Dajti”, Njësia Administrative Nr. 2, Vila 37, Tiranë
Tirana
1003

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+355683161162

Website

Alerts

Be the first to know and let us send you an email when Qendra për Shoqëri Aktive - QSHA posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Qendra për Shoqëri Aktive - QSHA:

Shortcuts

Share

Category