Data Protection & Technology Institute

21/09/2026

Ky eshte nje artikull sensibilizues nga Qendra “Data Protection & Technology Institute”.

EU KIDS Act dhe Qasja e re e Komisionit Europian per te mbrojtur femijet ne hapesiren digjitale.

Me rritjen e perdorimit te teknologjise dhe rrjeteve sociale nga femijet, shqetesimet e prinderve dhe autoriteteve mbi sigurine e tyre online kane arritur kulmin. Per t'iu pergjigjur kesaj sfide, me 17 Shtator 2026, Komisioni Europian publikoi propozimin e shumepritur per "EU KIDS Act" (Akti i BE-se per Femijet). Ky rregullim ligjor i ri, i propozuar nga Presidentja Ursula von der Leyen, synon ta beje boten digjitale te sigurt ne thelb, duke detyruar platformat teknologjike te mbajne pergjegjesi per dizajnin dhe funksionimin e tyre.

Çfare parashikon ky ligj dhe cilat jane risite kryesore?

1. Nisma kryesore e EU KIDS Act eshte kufizimi i qasjes ne rrjetet sociale sipas nje qasjeje graduale dhe te diferencuar, duke marre parasysh moshen dhe zhvillimin e femijes:

- Per femijet nen 13 vjeç, perdorimi i rrjeteve sociale do te ndalohet plotesisht. E vetmja perjashtim do te jete per platforma video-ndarese posaçerisht per femije, te cilave mund t'u qasen vetem permes llogarise se prindit/kujdestarit, me nje kufizim kohor maksimal prej 1 ore ne dite. Femijet nen 3 vjeç nuk do te kene asnje akses.
- Per femijet 13 deri ne 15 vjeç, nuk do te lejohen te kene llogari te pavarura (autonome). Qasja do te behet vetem permes "mini llogarive" te lidhura me llogarine e prindit. Keto llogari do te kene mjete kontrolli te detyrueshme, kohe ekrani te kufizuar (maksimumi 1 ore), dhe do te kerkojne miratimin prinderor per kontakte te reja.
- Per femijet mbi 15 vjeç, adoleshentet do te mund te krijojne llogari te pavarura.

2. Ligji i ri permbys "barren e proves". Kjo do te thote qe nuk jane prinderit ose femijet qe duhet te provojne qe nje platforme eshte e demshme, por platformat duhet te vertetojne qe ofrojne sherbime "te sigurta qe ne dizajn" ("safe by design") per perdoruesit nen 18 vjeç.

Kjo perfshin ndalimin e veçorive qe krijojne varesi si zhvendosja e pafund (infinite scroll), truket e shperblimit, dhe njoftimet (push notifications) gjate orarit te gjumit.

a. Ndalimin e kontakteve te pakerkuara nga te panjohurit.
b. Inteligjenca artificiale (Chatbot-et) qe simulojne marredhenie njerezore dhe krijojne varesi emocionale, duhet te jene te fikura si parazgjedhje (by default).
c. Profilet e femijeve do te jene private si parazgjedhje, me kameren, gjeolokacionin dhe mikrofonin te çaktivizuar.

3. Per te vene ne zbatim keto rregulla, platformat dhe dyqanet e aplikacioneve (App Stores) duhet te perdorin mjete per verifikimin e moshes. Akti thekson se keto sisteme nuk do te ruajne dokumentet e identitetit ose te dhenat biometrike, duke mbrojtur keshtu privatesine, permes perdorimit te zgjidhjeve si aplikacioni i verifikimit te moshes nga BE (EU age verification app).

Pse eshte ky propozim i rendesishem?

EU Kids Act eshte nje pergjigje e drejtperdrejte ndaj fragmentimit te ligjeve neper vendet e BE-se. Vende si Franca, Italia apo Belgjika tashme po merrnin masa individuale. Me kete akt, krijohet nje standard i unifikuar, duke rikthyer "prinderit ne vendin e shoferit", siç u shpreh BE, dhe duke rritur pergjegjshmerine e gjiganteve teknologjike. Ne rast te mosrespektimit, propozimi perfshin procedura te pershpejtuara te zbatimit kunder platformave (brenda 90 ditesh).

Qendra “Data Protection & Technology Institute” e pershendet kete iniciative europiane, si nje hap kritik drejt zhvillimit te nje mjedisi digjital ku prioritet nuk eshte perfitimi i platformave permes dizajneve manipuluese, por te drejtat, mireqenia psikologjike dhe siguria fizike e femijeve tane.

Tani mbetet thelbesore qe mekanizmat e verifikimit te moshes dhe zbatimit te ketij ligji te funksionojne edhe ne Shqiperi, pa kompromentuar ne asnje momennt te dhenat personale te femijeve .

12/08/2026

06/08/2026

🚨 Rregulla të reja për Inteligjencën Artificiale (IA) – në Evropë dhe së shpejti edhe në Shqipëri! 🤖

Bashkimi Evropian sapo ka vënë në zbatim ligjin e ri për Inteligjencën Artificiale, për të na mbrojtur nga dezinformimi dhe manipulimet digjitale.

Rregullat kryesore kërkojnë:

🤖 Transparencë: Chatbot-et duhet t'ju njoftojnë që po flisni me një robot dhe jo me një njeri.

📸 Etiketim për "Deepfakes": Fotot, videot apo audiot e manipuluara nga IA që duken si reale, duhet të kenë shenjë paralajmëruese.

📝 Lajme të shënjuara: Tekstet e krijuara nga IA për tema si politika apo shëndeti, duhet të etiketohen nëse nuk kontrollohen nga njerëzit.

Po në Shqipëri çfarë po ndodh? Edhe vendi ynë po përgatitet të rregullojë këtë fushë!

Aktualisht, një Projektligj për Inteligjencën Artificiale është hedhur për diskutim në konsultim publik.

Kjo është mundësia juaj për t'u njohur me rregullat e reja dhe për të dhënë mendimin tuaj:

🔗 Përmbajtjen e plotë të projektligjit e gjeni tek ky link:

https://www.konsultimipublik.gov.al/Konsultime/Detaje/1022

🗣️ Keni komente apo sugjerime? Grupet e interesit, profesionistët dhe çdo qytetar mund të bëjnë komentet e tyre drejtpërdrejt në faqen zyrtare: www.konsultimipublik.gov.al.

💡 Ky është një moment i rëndësishëm për të përcaktuar se si do të zhvillohet dhe përdoret teknologjia e së ardhmes në vendin tonë, duke mbrojtur të drejtat e gjithsecilit!

👇 Si ju duket kjo nismë? A mendoni se Shqipëria është gati për të menaxhuar Inteligjencën Artificiale? Lexoni projektligjin dhe na tregoni mendimin tuaj në komente!

06/08/2026

DEKLARATE PUBLIKE E QENDRES DPTI

Mbi Projektin "Smart City" dhe Sigurine e te Dhenave te Femijeve ne Institucionet Arsimore

Diskutimi publik mbi zbatimin e projektit "Smart City", posacerisht ne lidhje me vendosjen e kamerave te monitorimit dhe teknologjive te inteligjences artificiale ne shkolla, ka ngritur pyetje te rendesishme nga qytetaret, prinderit dhe komuniteti i eksperteve te mbrojtjes se te dhenave.

Ne qender te ketij debati qendron nje sfide thellesisht e rendesishme: Si te garantojme sigurine fizike te femijeve tane, pa cenuar te drejtat e tyre kushtetuese, dinjitetin dhe privatesine ne mjediset arsimore?

Qendra DPTI deshiron te sqaroje ne menyre te qarte, transparente dhe pa ekuivok qendrimin e saj zyrtar ne lidhje me projektin "Smart City":

Qendrimi jone NUK eshte bllokimi apo kundershtimi i realizimit te projektit "Smart City".

Ne mbeshtesim plotesisht modernizimin e infrastruktures, inovacionin teknologjik dhe cdo nisme qe synon rritjen e sigurise se nxenesve ne shkolla dhe te qytetareve ne hapesirat publike.

Teknologjia moderne mund te jete nje aleat i fuqishem ne parandalimin e incidenteve dhe ne krijimin e nje mjedisi me te sigurt.

Mirepo, teknologjia duhet t'i sherbeje njeriut dhe jo te kthehet ne nje burim cenimi te te drejtave te tij. Siguria fizike nuk mund te ndertohet duke cenuar privatesine e femijeve.

Prandaj, kerkesa jone themelore eshte qe ky projekt te zbatohet permes konsultimit gjithperfshires, me shkalle te larte transparence dhe ne perputhje te plote me kuadrin ligjor per mbrojtjen e te dhenave personale.

Shtyllat Kryesore per nje Zbatim te Sigurt dhe te Ligjshem:

Per te garantuar se projekti "Smart City" eshte efektiv, i ligjshem dhe i besueshem per publikun, Qendra DPTI kerkon ndjekjen e ketyre hapave kryesore perpara dhe gjate zbatimit te tij:

1. Konsultimi i Detyrueshem me Komisionerin per te Drejten e Informimit dhe Mbrojtjen e te Dhenave Personale (KDIMDHP)

Cdo sistem monitorimi me kamera, posacerisht kur perfshin perpunimin e te dhenave te te miturve apo teknologji te avancuara (si njohja e fytyres apo analitika e te dhenave ne kohe reale), perben perpunim te te dhenave me me rrezik te larte.

- Eshte e domosdoshme kryerja e nje Vleresimi te Ndikimit ne Mbrojtjen e te Dhenave (DPIA).

- Komisioneri per Mbrojtjen e te Dhenave Personale duhet te jape mendim zyrtar per ligjshmerine, proporcionalitetin, kohezgjatjen e ruajtjes se pamjeve, protokollet e qasjes ne te dhena dhe masat e sigurise kibernetike.

2. Perfshirja e Organizatave te Shoqerise Civile (OSHC)

Shoqeria civile, organizatat per te drejtat e te miturve dhe ekspertet e te drejtave te njeriut duhet te jene pjese e tryezave te konsultimit. Perfshirja e tyre garanton qarkullimin e informacionit te pavarur, vleresimin e rreziqeve te mbikqyrjes se teperte dhe mbrojtjen e te drejtave te qytetareve.

3. Roli qendror i Keshillave te Prinderve neper Shkolla

Prinderit jane kujdestaret ligjore te te miturve dhe partneret kryesore te institucioneve arsimore. Ata kane te drejten e plote te informohen ne menyre te detajuar per:

- Vendndodhjen e sakte te kamerave (duke garantuar se nuk cenohen hapesirat private).
- Personat ose autoritetet qe do te kene qasje ne pamje ne kohe reale apo ne servera.
- Kohezgjatjen e ruajtjes se te dhenave dhe masat mbrojtese ndaj sulmeve kibernetike apo rrjedhjes se pamjeve.

4. Degjesa Publike ne Shkolla dhe Median Online

Qendra DPTI i ben thirrje autoriteteve pergjegjese qe te ndermarrin nje fushate proaktive te hapjes dhe komunikimit me publikun permes:

- Degjesave Publike ne Shkolla: Zhvillimi i takimeve te hapura me stafin pedagogjik, keshillat e prinderve dhe perfaqesuesit e nxenesve ne cdo shkolle ku parashikohet vendosja e ketyre sistemeve.

- Prezantimit Transparent ne Median Online: Publikimi i plote i specifikimeve teknike, garantimeve te privatesise dhe qellimit te projektit ne platformat digjitale dhe median online, ne menyre qe te gjitha pyetjet dhe shqetesimet e qytetareve te marrin pergjigje zyrtare, te qarta dhe te matshme.

Ne perfundim sqarojme se Teknologjia e zgjuar ka kuptim vetem kur zbatohet me mençuri dhe ne respekt te plote te te drejtave te njeriut. Siguria e femijeve tane ne shkolla eshte prioritet absolut per te gjithe ne, por ajo duhet te garantoje si sigurine fizike, ashtu edhe mbrojtjen e integritetit dhe privatesise se tyre ne epoken digjitale.

Qendra DPTI mbetet e hapur dhe e gatshme te ofroje ekspertizen e saj teknike dhe ligjore per te kontribuar ne nje proces gjithperfshires, transparent dhe ne standardet me te larta evropiane.

29/06/2026

HAPET THIRRJA PËR NJË EKSPERT LIGJOR DHE NJË EKONOMIK KUADËR TË PROJEKTIT “FUQIZIMI DIGJITAL DHE EKONOMIK I GRAVE DHE VAJZAVE – DOMOSDOSHMËRI PËR SHQIPËRINË EVROPIANE”

Data e hapjes së thirrjes: 29 qershor 2026
Afati aplikimit: 13 korrik 2026
Titulli: 1 Ekspert ligjor dhe 1 Ekspert ekonomik
Vendndodhja: Tiranë
Fillimi i kontratës: 15 korrik 2026
Përfundimi i kontratës: 20 shkurt 2027

Përshkrimi
Qendra DPTI po zbaton projektin “Fuqizimi digjital dhe ekonomik i grave dhe vajzave – domosdoshmëri për Shqipërinë Evropiane” i cili ka për qëllim të lehtësojë pjesëmarrjen e grave dhe vajzave në jetën publike në Shqipëri, duke rritur ndërgjegjësimin për të drejtat dhe aftësitë e tyre në epokën digjitale, duke patur objektiva specifikë - Rritja e ndërgjegjësimit të grave dhe vajzave mbi të drejtat e tyre ekonomike dhe - Rritja e kapaciteteve të vajzave dhe grave të reja mbi aftësitë digjitale të domosdoshme për shoqëritë moderne.
Projekti do të zbatohet në 2 bashki: Tiranë dhe Kamëz.
Objektivi
Qendra DPTI do të kontraktojë dy Ekspertë, të cilët do të jetë përgjegjës për hartimin e një manuali “Të drejtat ekonomike dhe digjitale: udhëzues praktik për gratë dhe vajzat”. Manuali do të përmbajë informacion mbi të drejtat ekonomike dhe digjitale të grave dhe vajzave në RSH, dispozitat ligjore mbi mjedisin sipërmarrës dhe fiskal, qasja e marketingut dhe aftësi të tjera praktike. Gjuha e përdorur do të jetë e thjeshtë dhe proceset do të shpjegohen me hapa.
Gjithashtu, secili ekspert do të përgatitë nga një modul/material për videot e animuara mbi mjedisin sipërmarrës dhe kornizën ligjore për inicimin e një start-up, dispozitat ligjore tatimore, marketingun për një sipërmarrje të suksesshme dhe aftësi të tjera praktike.
Secili ekspert do të angazhohet në organizimin e 2 trajnimeve, 1 për secilën Bashki ku synimi është rritja e fuqizimit të grave dhe vajzave në Bashkitë e projektit me qëllim integrimin e tyre në tregun e punës.
Detyrat dhe përgjegjësitë
Më konkretisht, detyrat që kërkohen nga Ekspertët janë si më poshtë:
• Përgatitja e Manualit – “Të drejtat ekonomike dhe digjitale: udhëzues praktik për gratë dhe vajzat”
• Përgatitja e moduleve/materialeve për videot e animuara
• Zhvillimi i dy trajnimeve nga secili ekspert (një trajnim për secilën Bashki)
• Raportimi pranë Qendrës DPTI.

Kualifikimet dhe kërkesat e nevojshme:
Eksperti Ligjor
• Diplomë universitare në Drejtësi
• Të paktën 5 vite përvojë profesionale në fushën e së drejtës, me fokus në të drejtën civile, tregtare, të punës, të drejtën e biznesit, të drejtën fiskale ose fusha të lidhura.
• Njohuri të mira mbi legjislacionin shqiptar dhe kuadrin ligjor të Bashkimit Evropian që lidhet me sipërmarrjen, të drejtat ekonomike, barazinë gjinore dhe transformimin digjital.
• Eksperiencë në hartimin e manualeve, udhëzuesve praktikë, analizave ligjore ose materialeve informuese.
• Përvojë në zhvillimin e trajnimeve, seminareve ose aktiviteteve për ngritjen e kapaciteteve.
• Aftësi shumë të mira analitike, komunikuese dhe të të shkruarit profesional.
________________________________________
Eksperti Ekonomik
• Diplomë universitare në Ekonomi, Financë, Administrim Biznesi ose fusha të ngjashme
• Të paktën 5 vite përvojë profesionale në ekonomi, sipërmarrje, zhvillim biznesi, financë ose politika ekonomike.
• Njohuri të mira mbi mjedisin sipërmarrës në Shqipëri, procedurat për krijimin dhe administrimin e një biznesi, legjislacionin fiskal dhe skemat mbështetëse për sipërmarrjen.
• Përvojë në hartimin e manualeve, materialeve trajnuese ose publikimeve mbi sipërmarrjen, edukimin financiar ose zhvillimin ekonomik.
• Eksperiencë në zhvillimin e trajnimeve dhe lehtësimin e proceseve të ngritjes së kapaciteteve.
• Njohuri mbi marketingun, planifikimin e biznesit dhe aftësitë bazë të menaxhimit financiar për bizneset e vogla përbëjnë avantazh.
• Aftësi shumë të mira analitike, komunikuese dhe të të shkruarit profesional.

Të gjithë të interesuarit ftohen të dërgojnë ofertën e tyre financiare dhe CV-të deri më 13 korrik 2026, nëpërmjet postës elektronike në adresën [email protected] ose në adresën Rr.''Bill Clinton'', Pall.Praslin Investment, Hyrja 44,Kati 5,Selitë, Tiranë.

29/06/2026

HAPET THIRRJA PËR NJË EKSPERT KOMUNIKIMI KUADËR TË PROJEKTIT “FUQIZIMI DIGJITAL DHE EKONOMIK I GRAVE DHE VAJZAVE – DOMOSDOSHMËRI PËR SHQIPËRINË EVROPIANE”

Data e hapjes së thirrjes: 29 qershor 2026
Afati aplikimit: 13 korrik 2026
Titulli: Ekspert komunikimi
Vendndodhja: Tiranë
Fillimi i kontratës: 15 korrik 2026
Përfundimi i kontratës: 20 shkurt 2027

Përshkrimi
Qendra DPTI po zbaton projektin “Fuqizimi digjital dhe ekonomik i grave dhe vajzave – domosdoshmëri për Shqipërinë Evropiane” i cili ka për qëllim të lehtësojë pjesëmarrjen e grave dhe vajzave në jetën publike në Shqipëri, duke rritur ndërgjegjësimin për të drejtat dhe aftësitë e tyre në epokën digjitale, duke patur objektiva specifikë - Rritja e ndërgjegjësimit të grave dhe vajzave mbi të drejtat e tyre ekonomike dhe - Rritja e kapaciteteve të vajzave dhe grave të reja mbi aftësitë digjitale të domosdoshme për shoqëritë moderne. Synimi i projektit do të arrihet përmes hartimit të një manuali “Të drejtat ekonomike dhe digjitale: udhëzues praktik për gratë dhe vajzat” dhe përgatitja e 2 video leksioneve interaktive të animuara. Projekti do të zbatohet në 2 bashki: Tiranë dhe Kamëz.
Objektivi
Qendra DPTI do të kontraktojë një Ekspert Komunikimi, i cili do të jetë përgjegjës për hartimin e planit të vizibilitetit të projektit dhe për të përgatitur dhe lancuar një fushatë të dedikuar në median sociale duke përcjellë mesazhe kyçe mbi rëndësinë e fuqizimit digjital dhe ekonomik të grave dhe vajzave dhe duke i dhënë mundësinë e informimit të gjithë qytetarëve, pavarësisht moshës, gjinisë, prejardhjes apo karakteristikave të tjera. Për këtë qëllim, do të hatohet një plan i dedikuar komunikimi.
Detyrat dhe përgjegjësitë

Më specifikisht eksperti i komunikimit do të:
1. Hartojë një plan vizibiliteti për komunikimin e projektit;
2. Hartojë një plan për kryerjen e postimeve në rrjetet sociale;
3. Bëjë boost- postime të caktuara për rritjen e audiencës;
4. Raportojë pranë Qendrës DPTI.

Kualifikimet dhe kërkesat e nevojshme:
• Diplomë universitare në gazetari, marrëdhënie me publikun ose komunikim dhe diplomë master në gazetari, marrëdhënie me publikun ose komunikim;
• Të paktën 10 vjet përvojë pune në fushën e komunikimit, gazetarisë;
• Përvojë të mëparshme pune në fushën e shoqërisë civile;
• Aftësi shumë të mira komunikimi;
• Aftësi për të punuar me mbikëqyrje minimale.

Të gjithë të interesuarit ftohen të dërgojnë ofertën e tyre financiare dhe CV-të deri më 13 Korrik 2026, nëpermjet postës elektronike në adresën [email protected]

18/06/2026

🚨 Të rejat më të fundit digjitale nga Bashkimi Europian. Ndalime historike dhe sfida të reja për sigurinë e të dhënave!

🇬🇧 Mbretëria e Bashkuar merr vendim drastik: Ndalohen rrjetet sociale për nën-16 vjeçarët.

Në një lëvizje që synon të krijojë "një normalitet të ri për gjeneratat e ardhshme", Qeveria britanike ka njoftuar se fëmijët nën 16 vjeç nuk do të lejohen më të përdorin platforma si TikTok, Instagram, Facebook, X dhe Snapchat. Plani, i cili pritet të hyjë në fuqi në pranverën e vitit 2027, është më i ashpri deri tani dhe përfshin:

- Bllokim të komunikimit me të panjohur dhe kufizim të transmetimeve direkte (live streaming).

- "Shtetrrethim" digjital gjatë natës dhe pauza të detyrueshme për të ndalur "infinite scrolling". (Aplikacionet e dedikuara vetëm për mesazhe si WhatsApp dhe Signal nuk do të preken nga ky ligj).

⚠️ Kostoja e privatësisë:

Ndërsa qëllimi parësor është mbrojtja e fëmijëve, organizatat e Shoqërisë civile në BE, paralajmërojnë për një rrezik real. Sistemet e detyrueshme për verifikimin e moshës mund të kthehen lehtësisht në mjete të mbikëqyrjes masive, duke rritur ndjeshëm rrezikun e abuzimit dhe rrjedhjes së të dhënave personale.

💻 Ndërkohë, Këshilli i Evropës goditet nga një sulm i rëndë kibernetik.

Rreziku i rrjedhjes së të dhënave nuk është thjesht hipotetik. Së fundmi, Këshilli i Evropës ka rënë pre e grupit të hakerave ShinyHunters, të cilët pretendojnë se kanë vjedhur mbi 429,000 dokumente. Të dhënat e komprometuara raportohet se përfshijnë:

- Të dhëna sensitive të burimeve njerëzore.
- Numra llogarish bankare, informacione taksash dhe detaje të dosjeve mjekësore.
- Këshilli i Evropës është duke e hetuar ngjarjen, ndërsa hakerat kërcënojnë me publikimin e tyre.

💡 Këto dy zhvillime paralele evidentojnë një nga sfidat më thelbësore të epokës sonë: si mund t'i mbrojmë të rinjtë në hapësirën online pa kompromentuar privatësinë e tyre, në një kohë kur as institucionet më të larta nuk janë të imunizuara nga vjedhja e të dhënave? Mbrojtja e informacionit nuk është thjesht një rregullore, por një domosdoshmëri jetike!

15/06/2026

Të dashur Miq,

Kemi kënaqësinë t'ju njoftojmë se Qendra DPTI do të nisë së shpejti zbatimin e projektit tonë më të ri me titull: "Fuqizimi digjital dhe ekonomik i grave dhe vajzave – domosdoshmëri për Shqipërinë Evropiane".

🤝 Ky projekt do të realizohet falë mbështetjes së çmuar financiare nga Agjencia për Mbështetjen e Shoqërisë Civile (AMSHC).

💡 Por cili është qëllimi ynë? Projekti synon të lehtësojë pjesëmarrjen e grave dhe vajzave në jetën publike në Shqipëri, duke i pajisur ato me njohuritë e nevojshme në këtë epokë digjitale. Ne do të punojmë intensivisht përmes:

- Rritjes së ndërgjegjësimit të grave dhe vajzave mbi të drejtat e tyre ekonomike.
- Rritjes së kapaciteteve dhe aftësive digjitale të domosdoshme për t'u integruar me sukses në tregun e punës të shoqërive moderne.

📍 Aktivitetet tona, të cilat do të përfshijnë trajnime, broshura udhëzuese dhe video leksione interaktive, do të kenë shtrirje në bashkitë Kamëz dhe Tiranë.

📲 Na ndiqni në ditët në vijim për të mësuar më shumë detaje rreth aktiviteteve dhe se si mund të bëheni pjesë e këtij rrugëtimi!

11/06/2026

Te dashur Miq te Qendres DPTI:

Gjate ketyre diteve ka dale per konsultim publik me Grupet e Interesit "Projektligji per Inteligjencen Artificiale", dhe i cili konsiston ne perafrimin e legjislacionit te BE-se (EU AI Act).

Me poshte po ju japim ne menyre te permbledhur se ne cfare konsiton ky Projektligj:

1. Qellimi dhe Struktura e Aktit

Ky projektligj synon te normoje zhvillimin, vendosjen ne treg, venien ne sherbim dhe perdorimin e sistemeve te inteligjences artificiale (IA) ne Shqiperi.

Dokumenti eshte hartuar i perafruar plotesisht me strukturen dhe parimet e Rregullores Evropiane te IA-se (AI Act - Rregullorja (BE) 2024/1689). Ai organizohet ne 9 krere, 106 nene dhe 13 anekse.

Garantimi i nje IA-je te besueshme dhe te sigurt, duke mbrojtur shendetin, sigurine, te dhenat personale dhe te drejtat themelore te qytetareve.

Parashikohen masa specifike per ndermarrjet e vogla, te mesme dhe start-up-et, duke perfshire krijimin e "sandbox-eve rregullatore" (mjedise te kontrolluara testimi).

2. Praktikat e Ndaluara te IA-se (Neni 5)

Projektligji ndalon ne menyre te prere disa aplikime te papranueshme te IA-se qe cenojne individin, te tilla si:

a) Sistemet qe perdorin teknika manipuluese, mashtruese ose tej ndergjegjes se personit per te demtuar aftesine e tyre vendimmarrese.
b) Shfrytezimi i dobesive te individeve per shkak te moshes, aftesise se kufizuar apo situates ekonomiko-sociale.
c) Sistemet e vleresimit apo klasifikimit te sjelljes sociale (social scoring).
d) Krijimi apo zgjerimi i bazave te te dhenave per njohjen e fytyres permes mbledhjes se pafokusuar nga interneti apo kamerat e sigurise.
e) Sistemet e njohjes se emocioneve ne vendet e punes dhe ne institucionet arsimore (perveç rasteve mjekesore ose te sigurise).
f) Perdorimi i sistemeve te identifikimit biometrik "ne kohe reale" ne hapesira publike nga organet e zbatimit te ligjit, me perjashtim te rasteve strikte (si kerkimi i viktimave te rrembimit apo parandalimi i sulmeve terroriste) dhe vetem me autorizim paraprak gjyqesor.

3. Sistemet me Rrezik te Larte dhe Detyrimet (Kreu III)

a) Sistemet e IA-se klasifikohen si me rrezik te larte nese perdoren si komponente sigurie te produkteve qe i nenshtrohen vleresimit nga pale te treta, ose nese bejne pjese ne raste specifike perdorimi (si p.sh. profilizimi i personave fizike).
b) Ofruesit e ketyre sistemeve duhet te ngrene nje sistem te menaxhimit te rrezikut, te garantojne cilesine dhe qeverisjen e te dhenave, te perpilone dokumentacion teknik paraprak dhe te sigurojne mundesine e nje mbikeqyrjeje efektive njerezore.
c) Kerkohet teknikisht qe keto sisteme te mundesojne regjistrimin automatik te ngjarjeve (log-eve) per te pakten gjashte muaj.

4. Arkitektura Institucionale

Institucionet pergjegjese te ngarkuara per zbatimin e ketij projektligji do te jene:

a. AKSHI – si autoritet koordinues dhe Strukture per IA-ne.
b. Autoriteti pergjegjes per mbikeqyrjen e tregut.
c. Komisioneri per te Drejten e Informimit dhe Mbrojtjen e te Dhenave Personale.

Qendra DPTI i inkurajon te gjithe grupet e interesit si dhe Shoqerine civile qe te japin komentet/sugjerimet e tyre per permiresimin e ketij Projektligji dhe te jete sa me i zbatueshem per te gjitha palet.

Komentet/sugjerimet tuaja mund ti dergoni ne menyre zyrtare prane [email protected]

01/06/2026

Të dashur Miq të faqes tonë,

Këtë 1 Qershor, dëshirojmë të sjellim në vëmëndjen tuaj rëndësinë e ruajtjes së privatësisë së fëmijëve.

Ne ndajmë shpesh online momente të bukura familjare: festa, udhëtime apo kujtime me fëmijët tanë. Por sapo publikohen në internet, fotot dhe të dhënat personale mund të shpërndahen pa kontroll dhe të mbeten përgjithmonë online.

Me sloganin , ne dëshirojmë të rrisim ndërgjegjësimin për mbrojtjen e privatësisë së fëmijëve në botën digjitale.

Fenomeni “Sharenting” (Share + Parenting) përshkruan publikimin e tepërt të fotove të fëmijëve nga prindërit. Kjo krijon një gjurmë digjitale për fëmijën që në moshë shumë të hershme, shpesh pa pëlqimin e tij.

Rreziku shtohet edhe nga zhvillimi i Inteligjencës Artificiale (AI). Teknologjitë e njohjes së fytyrës dhe algoritmet e AI mund të mbledhin, analizojnë dhe përdorin imazhet e fëmijëve për profilizim, reklama apo manipulime si deepfake. Ekspertët paralajmërojnë se deri në vitin 2030, shumica e rasteve të vjedhjes së identitetit të fëmijëve do të lidhen me ndarjen e tepërt të të dhënave online.

Këshilla Praktike

- Bëni foto me kujdes dhe shmangni identifikimin e drejtpërdrejtë të fëmijëve.
- Fshihni fytyrat me blur ose emoji kur është e nevojshme.
-Mendoni mirë para se të publikoni foto apo informacione personale.
-Përdorni cilësimet e privatësisë në rrjetet sociale.
-Flisni me fëmijët për sigurinë online dhe respektoni mendimin e tyre.
-Mos publikoni foto të fëmijëve të tjerë pa lejen e prindërve.

Duke vepruar me përgjegjësi, mund të ndajmë kujtime të bukura duke mbrojtur privatësinë dhe sigurinë e fëmijëve tanë.

Ky mesazh sensibilizues vjen nga Qendra "Data Protection & Technology Institute".