Instituti i Ekspertëve Kontabël të Autorizuar

Call Directions Website Contact the organization

Instituti i Ekspertëve Kontabël të Autorizuar Contact information, map and directions, contact form, opening hours, services, ratings, photos, videos and announcements from Instituti i Ekspertëve Kontabël të Autorizuar, Nonprofit Organization, Rr. Elbasanit, Pallati EDIL-AL-IT. PO Box 1437, Tirana.

📍 Vjenë | 5–6 tetor 2026IEKA (Instituti i Ekspertëve Kontabël të Autorizuar) morri pjesë në forumin ndërkombëtar “Beyon...
12/10/2026

📍 Vjenë | 5–6 tetor 2026

IEKA (Instituti i Ekspertëve Kontabël të Autorizuar) morri pjesë në forumin ndërkombëtar “Beyond Compliance: Financial Reporting for Growth and Jobs”, së bashku me përfaqësues të Ministrisë së Financave, Bordit të Mbikëqyrjes Publike (BMP), Këshillit Kombëtar të Kontabilitetit (K*K), Institutit të Kontabilistëve të Miratuar (IKM) dhe botës akademike.

I organizuar nga Qendra për Raportimin Financiar dhe të Qëndrueshmërisë (CFRR) e Bankës Botërore, forumi vendosi në qendër rolin e raportimit financiar dhe auditimit në forcimin e besimit, tërheqjen e investimeve, përmirësimin e aksesit në financim dhe krijimin e vendeve të punës.

Diskutimet trajtua cilësinë e auditimit dhe mbikëqyrjen publike, raportimin e qëndrueshmërisë, inteligjencën artificiale dhe thjeshtimin e kërkesave të raportimit për ndërmarrjet e vogla dhe të mesme.

Pjesëmarrja e përbashkët e institucioneve shqiptare, organizatave profesionale dhe akademisë ishte një mundësi e rëndësishme për shkëmbimin e përvojave dhe bashkërendimin e prioriteteve të reformës në mbështetje të integrimit evropian.

Për IEKA-n, raportim financiar dhe auditim cilësor dhe i besueshëm janë themele për një ekonomi më transparente, konkurruese dhe të qëndrueshme.

📍 Tiranë | 12 tetor 2026IEKA zhvilloi sot trajnimin profesional “SNRF 18 – Teori dhe rast praktik”, me lektor z. Gëzim M...
12/10/2026

📍 Tiranë | 12 tetor 2026

IEKA zhvilloi sot trajnimin profesional “SNRF 18 – Teori dhe rast praktik”, me lektor z. Gëzim Mustafa, në ambientet e Rogner Hotel Tirana.

Trajnimi u fokusua në njohjen dhe zbatimin praktik të Standardit Ndërkombëtar të Raportimit Financiar 18 (SNRF 18), duke trajtuar ndryshimet kryesore që sjell ky standard në paraqitjen dhe dhënien e informacioneve shpjeguese në pasqyrat financiare.

Përmes trajtimit teorik dhe rasteve praktike, pjesëmarrësit kanë mundësinë të thellojnë njohuritë dhe të diskutojnë mbi zbatimin e kërkesave të reja të raportimit financiar.

IEKA mbetet e angazhuar në zhvillimin e vazhdueshëm profesional të audituesve ligjorë dhe përditësimin e njohurive të tyre në përputhje me standardet ndërkombëtare.

Auditim

📚 Vijon rrugëtimi drejt profesionit të Audituesit LigjorMë 8 shtator 2026, kandidatët e Vitit të Parë rikthehen në audit...
08/09/2026

📚 Vijon rrugëtimi drejt profesionit të Audituesit Ligjor

Më 8 shtator 2026, kandidatët e Vitit të Parë rikthehen në auditor për të vijuar Programin Postmaster të IEKA-s.

Pas përfundimit të modulit Raportim Financiar gjatë pjesës së parë të vitit, formimi vijon me dy modulet e radhës:

⚖️ Legjislacion Biznesi
📊 Taksimi

Programi Postmaster është i harmonizuar me programin profesional të ACCA, duke sjellë në formimin e kandidatëve një strukturë bashkëkohore, progresive dhe të orientuar drejt standardeve të larta të profesionit.

Me 9 module profesionale përgjatë 3 viteve, të zhvilluara paralelisht me praktikën profesionale, programi ndërthur njohuritë teknike me zhvillimin e kompetencave që kërkon profesioni i Audituesit Ligjor.

Nga Raportimi Financiar, te Legjislacioni i Biznesit dhe Taksimi – çdo modul ndërton një pjesë të kompetencës profesionale të së nesërmes.

Mirë se riktheheni kandidatëve tanë të Vitit të Parë. Një etapë e re fillon më 8 shtator.

Më shumë dije. Më shumë kompetencë. Një profesion më i fortë.

IEKA fton të gjithë anëtarët të marrin pjesë në Asamblenë e Përgjithshme të Anëtarëve, e cila do të zhvillohet më:📅 30 s...
04/09/2026

IEKA fton të gjithë anëtarët të marrin pjesë në Asamblenë e Përgjithshme të Anëtarëve, e cila do të zhvillohet më:

📅 30 shtator 2026 | Ora 10:00
📍 Maritim Plaza Hotel, Tiranë

Asambleja përbën një moment të rëndësishëm për jetën institucionale të IEKA-s dhe për zhvillimin e mëtejshëm të profesionit të Audituesit Ligjor.

Një nga çështjet kryesore të kësaj Asambleje është shqyrtimi dhe miratimi i Projekt-Statutit të IEKA-s, i cili synon:

• modernizimin e qeverisjes së Institutit;
• qartësimin e roleve dhe përgjegjësive të organeve dhe strukturave të IEKA-s;
• forcimin e transparencës dhe llogaridhënies;
• rritjen e pjesëmarrjes së anëtarëve në jetën dhe vendimmarrjen e Institutit.

Në rendin e ditës përfshihen gjithashtu pasqyrat financiare dhe raportimi institucional për vitin 2025, si dhe çështje të tjera të rëndësishme për veprimtarinë dhe zhvillimin e IEKA-s.

📩 Thirrja zyrtare, rendi i ditës dhe materialet përkatëse u janë përcjellë anëtarëve elektronikisht.

Për të mundësuar një diskutim sa më të strukturuar dhe trajtimin e plotë të çështjeve të ngritura, anëtarët mund të përcjellin pyetjet e tyre mbi pikat e rendit të ditës deri më 20 shtator 2026.

IEKA ndërtohet me pjesëmarrjen dhe kontributin e anëtarëve të saj.

Rezervoni datën. Shqyrtoni materialet. Sillni pyetjet dhe propozimet tuaja. Bëhuni pjesë e vendimmarrjes.

Ju presim më 30 shtator!

Qeverisje ProfesioniKontabel

🎓 Po mendon për hapin tënd të ardhshëm pas universitetit?Audituesi Ligjor nuk është thjesht një profesion. Është një rru...
02/07/2026

🎓 Po mendon për hapin tënd të ardhshëm pas universitetit?

Audituesi Ligjor nuk është thjesht një profesion. Është një rrugëtim që ndërton besim, përgjegjësi dhe zhvillim profesional.

Nëse je student në fushën e ekonomisë, financës, kontabilitetit apo administrimit të biznesit dhe dëshiron të njohësh më mirë këtë profesion, IEKA ka përgatitur një udhërrëfyes të thjeshtë që të ndihmon të kuptosh:

📘 Si bëhesh Auditues Ligjor?
🎓 Cilat janë hapat e kualifikimit?
💼 Si zhvillohet praktika profesionale?
📚 Çfarë roli ka edukimi profesional?
🤝 Si të mbështet IEKA gjatë këtij rrugëtimi?

Ne besojmë se e ardhmja e profesionit ndërtohet duke investuar tek brezi i ri. Prandaj duam të jemi pranë studentëve, t’i informojmë, t’i orientojmë dhe t’i mbështesim në hapat e parë drejt profesionit.

Vizito:
🌐 www.ieka.al
📧 [email protected]

Mos zgjidh vetëm një vend pune. Zgjidh një profesion që ndërton besim.

Studentë Karrierë FutureAuditors Ekonomi Profesion UniversitetiITiranës Accounting AuditProfession

🎉 28 vjet IEKA – 28 vjet integriteti, profesionalizmi dhe vizioni që vazhdon të frymëzojë.Sot, më 24 Nëntor, shënojmë 28...
24/11/2025

🎉 28 vjet IEKA – 28 vjet integriteti, profesionalizmi dhe vizioni që vazhdon të frymëzojë.

Sot, më 24 Nëntor, shënojmë 28 vjet nga krijimi i IEKA, institucionit që prej vitit 1997 ka ngritur standardet e profesionit të auditimit në Shqipëri dhe ka ndërtuar një komunitet që mbron cilësinë, përgjegjshmërinë dhe besueshmërinë.

Në këtë përvjetor, është e domosdoshme të nderojmë figurën e themeluesit Baki Berberi, i cili me vizionin dhe përkushtimin e tij krijoi bazat mbi të cilat qëndron sot profesioni i auditimit në vend. Kontributi i tij nuk ishte thjesht institucional – ai ishte shtylla që orientoi zhvillimin etik, teknik dhe profesional të një brezi të tërë audituesësh.

Për të gjithë ne që jemi pjesë e këtij komuniteti, 28-vjetori i IEKA-s është një kujtesë e qartë e përgjegjësisë sonë: të ruajmë integritetin, të kultivojmë cilësinë dhe të çojmë përpara misionin që nisi në vitin 1997.

Urime çdo anëtari dhe çdo profesionisti që ka kontribuar në këtë rrugëtim!

Gëzuar përvjetorin, IEKA!
📅 24 Nëntor 1997 – 24 Nëntor 2025

📢 Njoftim për Kandidatët – Praktika ProfesionaleAfati i aplikimeve shtyhet deri më 30 Nëntor 2025!IEKA njofton të gjithë...
21/11/2025

📢 Njoftim për Kandidatët – Praktika Profesionale

Afati i aplikimeve shtyhet deri më 30 Nëntor 2025!

IEKA njofton të gjithë të interesuarit se aplikimet për programin e praktikës profesionale do të vazhdojnë deri në datën 30 Nëntor 2025, duke u dhënë më shumë hapësirë kandidatëve që dëshirojnë të ndjekin rrugën drejt profesionit të auditimit dhe kontabilitetit.

Ky përditësim lidhet edhe me marrëveshjen e re të bashkëpunimit të nënshkruar midis ACCA, BMP dhe IEKA, e cila forcon njohjen e kualifikimeve dhe rrit standardet e edukimit profesional në vend.

Ky është një moment i rëndësishëm për të gjithë ata që synojnë të ndërtojnë karrierën e tyre në këtë profesion kërkues dhe me shumë përgjegjësi.

Mos e humbisni afatin!

IEKA zgjeroi partneritetin me ACCA – Association of Chartered Certified Accountants!Profesionit të kontabilitetit dhe au...
20/11/2025

IEKA zgjeroi partneritetin me ACCA – Association of Chartered Certified Accountants!

Profesionit të kontabilitetit dhe auditimit në Shqipëri i shtohet 📈 një shtyllë e re bashkëpunimi.

Më 17 nëntor, IEKA, së bashku me ACCA dhe Bordin e Mbikëqyrjes Publike (BMP), nënshkroi një Marrëveshje 🤝 Bashkëpunimi që vendos baza më të forta për zhvillimin profesional dhe njohjen ndërkombëtare të kualifikimeve.
Kjo marrëveshje përfshin 📚 harmonizimin e kualifikimeve, rritjen e cilësisë së edukimit profesional dhe krijimin e proceseve më të qarta për anëtarësimin dhe shkëmbimin e informacionit midis institucioneve.

Kryetari i IEKA-s, Artan Xhiani, theksoi rëndësinë e këtij hapi:
“Marrëveshja mbështet njohjen e kualifikimeve dhe integrimin e profesionistëve të ACCA në sistemin shqiptar, në përputhje me kërkesat ligjore dhe provimet e aftësive profesionale. Ky është një hap i rëndësishëm drejt forcimit të cilësisë së edukimit profesional.”

Ky zhvillim sjell një standard të ri 👏 në mbështetjen e profesionistëve të fushës, duke afruar më shumë praktikat vendase me ato globale dhe duke forcuar ekosistemin profesional në tërësi.

👉 Për detaje të plota mbi marrëveshjen dhe bashkëpunimin e tre institucioneve, ju ftojmë të lexoni materialin e mëposhtëm.

Address

Rr. Elbasanit, Pallati EDIL-AL-IT. PO Box 1437
Tirana
1001

Opening Hours

Monday 08:30 - 16:30
Tuesday 08:30 - 16:30
Wednesday 08:30 - 16:30
Thursday 08:30 - 16:30
Friday 08:30 - 16:30

Telephone

+35542346077

Website

Alerts

Be the first to know and let us send you an email when Instituti i Ekspertëve Kontabël të Autorizuar posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Instituti i Ekspertëve Kontabël të Autorizuar:

Shortcuts

Share

Category