Amaro Drom

03/02/2025

24/12/2024

🎉 Tryeza e Rrumbullakët mbi Përmirësimin e Jetesës së Komunitetit Rom dhe Fuqizimin e Grave Rurale përmes Agrikulturës 🌱

Më 23 Dhjetor 2024, Unioni Rom për Zhvillim dhe Integrim ‘Amaro-Drom’ organizoi një tryezë të rrumbullakët në Hotel Mondial, Tiranë, në kuadër të projektit “Ndërtimi i Jetesës së Qëndrueshme të Komuniteteve Rome në Zonat Rurale”, financuar nga We Effect.

🔹 Të pranishëm në aktivitet:

🗣️Znj. Irena Mitro dhe Znj. Elizabeta Koza nga Ministria e Shëndetësisë dhe Mbrojtjes Sociale, të cilat prezantuan Planin Kombëtar të Veprimit për Barazinë Gjinore dhe diskutuan politikat e përfshirjes sociale për mbështetjen e komuniteteve vulnerabël.

🗣️Znj. Klarita Delijollisi dhe Znj. Klarita Dautaj nga Agjencia Kombëtare e Punësimit dhe Aftësive (AKPA), të cilat ndanë informacione mbi programet e punësimit dhe trajnimit profesional, me fokus të veçantë për fuqizimin ekonomik të komunitetit rom dhe përmirësimin e aftësive të grupeve vulnerabël.

🔹 Temat kryesore të diskutuara:

📌Nxitja e bashkëpunimeve ekonomike dhe mbështetja e sipërmarrjeve lokale
📌Promovimi i agrikulturës si një mjet për fuqizimin ekonomik të gruas rurale
📌Prezantimi nga Znj. Luljeta Kazanxhiu mbi fushatën e lobimit për përmirësimin e ofrimit të shërbimeve sociale në zonat rurale
📌Praktika të mira për përfshirjen sociale dhe barazinë gjinore

🎤 Diskutimet u përqendruan në gjetjen e zgjidhjeve konkrete dhe thellimin e bashkëpunimeve për zhvillimin e qëndrueshëm të komuniteteve rome në zonat rurale.

Ky aktivitet përfaqësoi një hap të rëndësishëm drejt fuqizimit dhe zhvillimit të qëndrueshëm të komuniteteve rome në Shqipëri!

11/12/2024

📢 16 Ditë Aktivizmi Kundër Dhunës me Bazë Gjinore – Event i Organizuar nga Unioni Amaro-Drom

Në datën 10 Dhjetor 2024, Unioni Amaro-Drom organizoi një aktivitet ndërgjegjësues për dhunën me bazë gjinore, në kuadër të projektit “Ndërtimi i Jetesës së Qëndrueshme për Komunitetin Rom në Zonat Rurale”, i financuar nga We Effect dhe i zbatuar nga Amaro-Drom.

Aktiviteti nisi me një marshim paqësor, nga Muzeu Historik Kombëtar deri te Pedonalja “Abdi Toptani”, për të rritur ndërgjegjësimin mbi këtë çështje dhe për të theksuar rëndësinë e bashkëpunimit komunitar dhe institucional.

🔸 Paneli i folësve përfshiu:

Franko Veliu, Drejtori Ekzekutiv i Amaro-Drom, që hapi aktivitetin me theks në rëndësinë e përfshirjes së komunitetit dhe institucioneve në luftën kundër dhunës me bazë gjinore.

Znj. Migena Ismailati, Koordinatore Vendore për Dhunën në Familje nga Bashkia Tiranë, ndau masat për mbështetjen e viktimave dhe parandalimin e dhunës.

Znj. Ines Xhelili, përfaqësuese e rrjetit AWEN, foli mbi fuqizimin e grave dhe promovimin e barazisë gjinore.

Znj. Irena Shtraza, nga UN Women, prezantoi programet për fuqizimin ekonomik dhe mbështetjen ndaj grave.

Z. Emiliano Aliu, Drejtor Ekzekutiv i Roma Versitas Albania, diskutoi mbi rolin e organizatave rome në përfshirjen e të rinjve në edukim dhe fuqizimin e tyre.

Aktivitetet vazhduan me një stendë informuese në pedonale, ku stafi i Amaro-Drom dhe grupi i të rinjve “Pandëzohu” ndanë informacione për të drejtat e njeriut dhe mbështetjen ndaj viktimave të dhunës me bazë gjinore.

📍 Ky aktivitet dëshmoi angazhimin e përbashkët për ndërtimin e një shoqërie të drejtë dhe të barabartë!

20/11/2024

📢 Thirrje për Aplikime: Videograf për Fushatën Kundër Dhunës me Bazë Gjinore

💡 Jeni gati të kontribuoni në një ndryshim të rëndësishëm?

Unioni për Zhvillimin dhe Integrimin e Minoritetit Rom në Shqipëri Amaro-Drom fton videografët profesionistë të aplikojnë për dokumentimin dhe prodhimin e videove në kuadër të fushatës globale 16 Ditët e Aktivizmit Kundër Dhunës me Bazë Gjinore.

🎥 Përgjegjësitë kryesore përfshijnë:

Filmimin e marshimit me aktivistë dhe partnerë.
Dokumentimin e një paneli diskutimi me përfaqësues nga institucionet publike dhe OJQ-të.
Realizimin e intervistave me pjesëmarrës dhe histori suksesi të viktimave të dhunës me bazë gjinore, duke ruajtur privatësinë dhe dinjitetin e tyre.
Prodhimin e videove ndërgjegjësuese dhe promovuese për publikun dhe rrjetet sociale.
📌 Afati për aplikime: 23 Nëntor 2024
📌 Si të aplikoni: Dërgoni portofolin tuaj dhe ofertën financiare në [email protected] dhe [email protected].

🌍 Bashkohuni me ne për të ndihmuar në krijimin e një të ardhmeje më të sigurt dhe të barabartë për të gjithë!

23/10/2024

📢 Thirrje për Konsulent!

Unioni “Amaro-Drom” po kërkon një konsulent me përvojë për të mbështetur organizatën në forcimin e kapaciteteve dhe zhvillimin e një strategjie të re programore 🎯. Ky angazhim është pjesë e projektit “Ndërtimi i Mjeteve të Qëndrueshme të Jetesës në Komunitetet Rome” 🌍, me fokus në fuqizimin ekonomik dhe përfshirjen sociale të komunitetit rom.

🔍 Objektivat kryesore:

Vlerësimi i boshllëqeve organizative dhe zhvillimi i një strategjie të re 📈
Propozimi i 2-4 shtyllave kryesore dhe kornizave programore 🚀
Hartimi i projekteve fillestare për zbatimin e strategjisë 📑
Sugjerimi i proceseve dhe mjeteve të reja për planifikim më të mirë.

📝 Kualifikimet:

Diplomë universitare në një fushë të ngjashme 🎓
Minimum 5 vite përvojë në menaxhimin e projekteve dhe zhvillimin e programeve 📊
Përvojë pune me komunitete të cenueshme, veçanërisht rom 👥

📅 Afati: 30/10/2024 📩 Aplikoni duke dërguar CV dhe ofertën financiare te: [email protected] dhe [email protected].

📄 Për më shumë detaje dhe për të shkarkuar dokumentin e plotë, klikoni në link:

https://www.njoftime.com/threads/tirane-ofrohet-vend-pune-part-time-konsulent-p%C3%ABr-zhvillimin-e-draft-korniz%C3%ABs-s%C3%AB-zhvillimit-organizativ.892883/

21/10/2024

Njoftim Punësimi: Shef Financash
Unioni Amaro Drom kërkon të punësojë një Shef Financash me përvojë për të udhëhequr dhe menaxhuar departamentin e financave. Roli është kyç në garantimin e përputhshmërisë financiare dhe mbështetjen e projekteve të rëndësishme të organizatës.
Detyrat Kryesore:

Menaxhimi i buxheteve, raportimeve financiare dhe analizave.
Hartimi dhe zbatimi i strategjive financiare për përmirësimin e performancës.
Mbikëqyrja e përgatitjes së raporteve financiare mujore dhe vjetore.
Sigurimi i përputhshmërisë me rregulloret financiare vendore dhe ndërkombëtare.
Menaxhimi i rrjedhës së parasë dhe proceseve të fondeve.
Bashkëpunimi me auditorët dhe përgatitja për auditime.

Kualifikimet e Kërkuara:

Diplomë në Financë, Kontabilitet, ose fusha të ngjashme; MBA ose CPA është avantazh.
3+ vite përvojë në menaxhim financiar (përvojë në OJF është avantazh).
Njohuri të mira të gjuhës angleze (niveli B2 ose më lart).
Eksperiencë me softuerë financiarë si QuickBooks, Excel, etj.
Leje drejtimi kategoria B dhe gatishmëri për udhëtime.

Pse të Bashkoheni me Ne:

Mundësi për rritje profesionale dhe angazhim në projekte ndërkombëtare.
Punë në një organizatë që sjell ndryshime reale në komunitete.
Rol udhëheqës në menaxhimin e burimeve financiare me ndikim social.

Si të Aplikoni:
Dërgoni CV-në dhe letrën e motivimit në [email protected] me subjektin “Aplikim për Shef Financash” deri më 28 tetor 2024.

11/10/2024

🌸 International Day of the Girl Child - Celebrating Her Power and Potential! 🌸

Today, on International Day of the Girl Child, we honor the strength, courage, and limitless potential of girls worldwide! 🌍✨ At Amaro-Drom, we are committed to empowering Roma girls with the education, skills, and opportunities they deserve to create a brighter future. 🌟🎓

📚 Why It Matters:

▫️1 in 4 girls from marginalized communities still faces barriers to education. 🚫
▫️Girls are 2x more likely to face discrimination based on their gender. 🛑
▫️Empowering girls through education and leadership skills helps them break the cycle of poverty and inequality. 💪💼

👧 What We’re Doing: Through our programs, we are working hard to ensure that every Roma girl has the chance to succeed:

Providing educational support 🎒📖
Promoting gender equality ⚖️
Advocating for equal rights and opportunities 💬👩‍⚕️👩‍🏫

💡 How You Can Help:

Spread awareness! 📣
Support local and global initiatives for girls’ education! 🏫
Advocate for the rights of all girls to live free of discrimination and violence! 💜

Together, let’s ensure every girl can rise to her fullest potential! 🌈✨ 👧💪

21/09/2024

THIRRJE PËR VULLNETARË NË SHQIPËRI

BASHKOHUNI ME EKIPE TONË TË MBROJTËSVE KOMBËTARË TË TË DREJTAVE TË ROMËVE!

A jeni të apasionuar pas të drejtave të njeriut dhe doni të bëni një ndikim të vërtetë? A dëshironi të ndihmoni në sfidimin e narrativave negative që synojnë komunitetet rome në internet?

PROJEKTI RISE JU JEP NJE MUNDESI!

Nëse jeni:

Të shqetësuar nga retorika negative që synon shpesh njerëzit Romë
Të njohur me rrjetet sociale
Të apasionuar pas krijimit të përmbajtjes (editim foto/video, shkrim ose forma të tjera të krijimit të përmbajtjes dixhitale) — por nuk është e domosdoshme! Atëherë BASHKOHUNI ME EKIPE TONË të aktivistëve Romë dhe jo-Romë që janë pjesë e një rrjeti më të madh ndërkombëtar të mbledhur rreth Qendrës Evropiane për të Drejtat e Romëve (ERRC)!

Çfarë do të bëni?

Kërkim & Raportim të Gjuhës së Urrejtjes: Identifikoni dhe dokumentoni gjuhën e urrejtjes që synon romët në internet.
Krijimi i Përmbajtjes Dixhitale: Sfidojeni narrativat anti-Romë duke krijuar video, grafikë, artikuj dhe më shumë.
Regjistrimin e Dëshmive: Mblidhni histori personale të qëndresës nga vullnetarë, miq, dhe anëtarë të familjes.

Ju mund të merrni pjesë në të gjitha këto aktivitete ose të zgjidhni ato që përputhen më mirë me interesat tuaja!

Çfarë do të Përfitoni?

Trajnim: Mësoni se si të identifikoni dhe raportoni gjuhën e urrejtjes në internet duke përdorur metodologjinë tonë.
Trajnim për Krijimin e Përmbajtjes: Trajnohuni për të krijuar kundër-narrativa efektive.
Teknika Intervistimi: Mësoni aftësi për të regjistruar dëshmi dhe histori personale.
Mbështetje: Do të merrni mbështetje të plotë nga koordinatori kombëtar dhe profesionistët e ERRC.
Rrjetëzim: Lidheni me individë të ngjashëm në nivel kombëtar dhe ndërkombëtar.
Eksperiencë: Përfitoni eksperiencë të vlefshme që përmirëson CV-në tuaj.

Si të Aplikoni:

Plotësoni formularin e aplikimit dhe ngarkoni CV-në tuaj. Do t'ju bëjmë disa pyetje të shkurtra për t'ju njohur më mirë (emri, mosha, motivimi, përvoja në të drejtat e njeriut/të romëve, përvoja me rrjetet sociale, etj.).

Afati i fundit për aplikime është 30.09.2024.

Për më shumë informacion, na shkruani në [email protected] ose na kontaktoni direkt.

Bëni një ndryshim dhe bashkohuni me ne në luftën kundër urrejtjes në internet!

https://forms.gle/qcXzWaYjUDwyHjCM8

16/09/2024

🎉 Sot u zhvillua me sukses panairi “Agri-Kultura dhe Tradita Rome” në qytetin e Beratit, një event që bashkoi përfaqësues të institucioneve vendore dhe anëtarë të komunitetit rom për të promovuar bashkëpunimin dhe zhvillimin e qëndrueshëm në zonat rurale 🌾. Ky panair u organizua nga Unioni Amaro-Drom, i cili prej vitit 1996 punon për mbrojtjen e identitetit dhe të drejtave të komunitetit rom, duke ndihmuar në përmirësimin e kushteve socio-ekonomike dhe rritjen e mundësive për arsim dhe zhvillim profesional 📚✨. Projekti është mbështetur nga We Effect, e cila luan një rol të rëndësishëm në fuqizimin e komuniteteve rurale 🤝.

🗣️ Në panair, morën pjesë Znj. Fitore Sulejmani nga Bashkia Berat dhe Z. Spartak Harizi nga Agjencia për Zhvillim Bujqësor dhe Rural, të cilët mbajtën fjalime frymëzuese për rëndësinë e mbështetjes ndaj fermerëve dhe forcimit të bashkëpunimit institucional për zhvillimin bujqësor 🚜. Drejtori Ekzekutiv i Unionit Amaro-Drom, Franko Veliu, ndau një përmbledhje të arritjeve kyçe të projektit “Building Sustainable Rural Livelihoods of Roma Community in Albania”, duke theksuar mbështetjen për komunitetin rom dhe përpjekjet e suksesshme për përmirësimin e jetesës në zonat rurale 🌱.

Pjesëmarrësit vizituan stendat e ndryshme të panairit, ku u prezantuan produkte tradicionale dhe bujqësore nga komuniteti rom, si dhe projekte të ndryshme që synojnë zhvillimin e qëndrueshëm të komuniteteve rurale 🛤️. Ky event shërbeu si një platformë për të ndarë ide, për të krijuar lidhje të reja dhe për të fuqizuar bashkëpunimin midis komuniteteve lokale dhe institucioneve 🤝.