28/06/2026
Rotary Club Tirana pati kënaqësinë të jetë pjesë aktive e Konferencës së 2-të të Distriktit 2485 Shqipëri–Kosovë, me temën: “Si teknologjia dhe inovacioni po formësojnë komunitetet tona”.
Ky aktivitet mblodhi liderë, ekspertë dhe profesionistë nga fusha të ndryshme për të diskutuar mbi ndikimin e inteligjencës artificiale, teknologjisë dhe inovacionit në ekonomi, bankë, mjekësi, komunikim dhe zhvillimin e komuniteteve tona.
Anëtarët e Rotary Club Tirana kontribuan aktivisht në sesione dhe panele diskutimi, duke ndarë përvoja dhe ide për një të ardhme më të qëndrueshme dhe më inovative.
Një moment i veçantë i konferencës ishte ndarja e certifikatave të mirënjohjes, si dhe pritja e anëtarëve të rinj në familjen Rotary, duke forcuar më tej misionin tonë për shërbim, lidership dhe ndikim pozitiv në komunitet. Gjithashtu, moment i vecante ishte dhe ndarja e cmimeve per konkursin e piktures per nxenesit e shkolles "At Zef Pellumbi."
Një nga momentet më domethënëse të mbremjes gala ishte ceremonia e kalimit të lidershipit të Distriktit 2485. Pas një viti të suksesshëm në drejtimin e Distriktit, Guvernatori Arben Dushi ia dorëzoi zyrtarisht stafetën Guvernatores së re, Florentina Dushi, duke shënuar fillimin e një kapitulli të ri për Rotary në Shqipëri dhe Kosovë. Me mirënjohje për punën dhe përkushtimin e Guvernatorit në largim dhe me besim tek vizioni i Guvernatores së re, Rotarianët mirëpritën këtë tranzicion në frymën e vazhdimësisë, miqësisë dhe shërbimit.
🙏 Falenderojmë Distriktin 2485, organizatorët dhe të gjithë pjesëmarrësit për energjinë, bashkëpunimin dhe frymën Rotary që e bënë këtë konferencë një sukses të vërtetë.
