Dhoma Kombëtare e Përmbaruesve Gjyqësorë Privatë

20/03/2026

23/01/2026

🟥 Gjykata “harron” që në Shqipëri ka Shërbim Përmbarimor Gjyqësor Privat

👉 Më 11 Gusht 2025, ditë e nxehtë vere, Gjykata jep një vendim të drejtë.✍️

📌 Policia ushtarake e Ministrisë së Mbrojtjes, e kthyer në “Polici Përmbarimore”, pasi ekzekutoi vënien në posedim të disa ambienteve/godina ku punonte një grup i njohur mediatik, tashmë detyrohej të shihte se si do ekzekutohej ligjërisht një vendim gjykate.

Vendimi detyronte “sulmuesit” e godinave të dorëzonin sendet dhe pajisjet e gazetarëve, që ata i kishin sekuestruar padrejtësisht. Veprim që do kryhej me shërbim përmbarimor.

👉 Por përmbarimi duhej të ishte vetëm shtetëror!!🤔

Gjykata harroi që Urdhri i ekzekutimit në Shqipëri, vihet në ekzekutim nga shërbimi përmbarimor gjyqësor, shtetëror ose privat, me anë të përmbaruesit gjyqësor, në bazë të kërkesës së kreditorit.

Në Gushtin e nxehtë, Gjykata vendosi që Ministri i Mbrojtjes të “ekzekutohej” nga Ministri i Drejtësisë.

Më datë 09.01.2026, Këshilli i Lartë Gjyqësor vendosi për ngritjen në detyrë të znj. Alma Kodraliu, si gjyqtare në GJKKO. Suksese për znj. Kodraliu!

👉 Por vëmendje për KLGJ dhe Shkollën e Magjistraturës që t’i orientojë dhe trajnojë gjyqtarët se, Shërbimi përmbarimor gjyqësor privat në Shqipëri funksionon, është në efikasitet të plotë dhe, punon si në dimër ashtu dhe për verë!🌞

22/01/2026

⬛️ GONXHJA ÇELI PËRSËRI

Udhëzimi Nr. 1, datë 9.1.2026 i Ministrit të Turizmit, Kulturës dhe Sportit, e fut Shqipërinë në fazën finale të mbylljes së kapitujve për hyrjen në BE: atë ku debitori shtet i vendos vetë rregullat e ekzekutimit të detyrimit ndaj kreditorit.

🛶 Diga e radhës hapet 22 vjet pas asaj të Liqenit Artificial në Tiranë, kësaj here për të përmbytur gjithë kreditorët e Shqipërisë:

👉 13.a “Ekzekutimi i vendimeve gjyqësore të formës së prerë, që urdhërohet nga titullari i institucionit/Sekretari i përgjithshëm për rrethana lehtësuese të gjyqfituesve”.

Pra, vendimi i gjykatës, ekzekutimi dhe kreditori, do vlerësohen nga debitori ❗️

E nëse dikush tjetër që nuk ka rrethana lehtësuese vijon e kërkon dëmin e shkaktuar nga mosekzekutimi në kohë? 🤔

📌 Mes çeljes së negociatave edhe mbylljes së tyre, Shqipëria duhet të japë një test aftësie si në pikëpamje të vullnetit për reforma europiane, ashtu edhe të aftësisë teknike dhe zbatuese të standardit europian në shërbime dhe jetën e qytetarëve. 📘🇪🇺

Ky udhëzim parakalon standardin evropian dhe praktikën më të mirë të ekzekutimit të detyrimeve në gjithë Evropën.

Me këtë akt, turisti i qeverisë, shembi edhe “digën” e fundit postulat të Gjykatës së Strasburgut, që në dhjetëra vendime nuk lodhet duke përsëritur: Ekzekutimi i vendimit gjyqësor është pjesë e procesit të rregullt ligjor!

👉 Propozojmë që udhëzimi të kthehet në ligj.✍️

05/08/2025

⬛️ Ndërron jetë Petrit Qarri – kryetari i parë i Përmbaruesve Privatë Shqiptarë

Me hidhërim të thellë njoftojmë kolegët, dashamirësit dhe gjithë të njohurit në komunitetin e juristëve të Shqipërisë, Kosovës, Maqedonisë së Veriut e më gjerë se, Z. Petrit Qarri, ka ndërruar jetë në moshën 66-vjeçare, pak ditë më parë, në SHBA.

Z. Petrit Qarri ka hedhur themelet e shërbimit përmbarimor privat në Shqipëri, duke kontribuar drejtpërdrejt në themelimin e Dhomës Kombëtare të Përmbaruesve Gjyqësorë Privatë.

Petriti shërbeu si kryetar i parë i kësaj organizate dhe e përfaqësoi Dhomën denjësisht nga viti 2010 deri në 2014.

Familja, kolegët, e të njohurit e Petritit, do ndjejnë mungesën e njeriut që identifikohej me fjalën e ngrohtë, qetësinë dhe tolerancën qytetare.

Dhoma e përmbarimit, i shpreh ngushëllimet, gruas, djalit, vëllezërve dhe gjithë familjes së Petrit Qarrit.

U prehtë në paqe!