19/06/2026
Rasti i ndërtimit në zona të mbrojtura në Zall-Gjocaj
Prej vitesh banorë të zonës dhe aktivistë kanë protestuar për ndalimin e paligjshëm të ndërtimit të hec-it në zonën e mbrojtur.
Ky ndërtim prish ekosistemin e zonës, dhe jo vetëm kaq. Përveç devijimit të lumit, ndërtimi lë pa ujë të gjithë banorët e zonës, duke marrë të gjithë ujin në përdorim të hec-it, pa kriter.
Ndërkohë që çështja po dilte në favor të banorëve që po përpiqeshin ta mbronin, e papritura ndodh.
Pikërisht zona ku do ndërtohej hec-i, u kthye nga zonë e mbrojtur në “jashtë zonës së mbrojtur”.
Zvërneci nuk është i vetmi rast. Është vetëm maja e ajzbergut. Ndërtime të paligjshme në zonat e mbrojtura kanë ndodhur në dhjetëra vende në Shqipëri.
Kjo protestë nuk është rastësore, është kërkesë për drejtësi ndaj komuniteteve që kanë ngelur pa ujë, ndaj ekosistemeve që janë prishur për shkak të përfitimeve personale të personave të pushtetshëm, ndaj zonave që i përkasin te gjithëve, dhe që duhen me çdo kusht, mbrojtur me ligj.
Anulloni ligjin 21/2024!
Çdo ditë në shesh.
Shihemi sot në 19:00, për Zvërnecin, për Zall-Gjocajn dhe të gjithë komunitetet e banorëve që janë përpjekur të mbrojnë atë çka na përket të gjithëve.
Faleminderit që keni ngritur zërin çdo ditë për padrejtësitë në Shqipëri. Sot, më shumë se kurrë, jemi aty në shesh me ju. Për rezistencën tuaj. Për rezistencën tonë. Për të bërë punën tonë si qytetarë dhe për ta anulluar at’ ligj!
