Profesionistët e Lirë për Shqipërinë

23/06/2026

Të premten, më 26 qershor, ora 12:00, në Hotel Mondial, do të zhvillohet takimi “Tavolina e Mendimit të Lirë – Profesionistët e Lire për Shqipërinë”.

Në një kohë kur vendi po përjeton tensione politike, protesta qytetare, sfida ekonomike dhe diskutime mbi të ardhmen europiane të Shqipërisë, besoj se profesionistët nuk mund të qëndrojnë indiferentë.

Ekspertë të sigurisë, juristë, ekonomistë, pedagogë, përfaqësues të biznesit, medias dhe shoqërisë civile do të diskutojnë mbi situatën në vend, sfidat që shqetësojnë qytetarët dhe rrugët e mundshme për forcimin e demokracisë, institucioneve dhe stabilitetit kombëtar.

Pritshmëria jonë nuk është të prodhojmë retorikë politike, por të sjellim analizë, mendim të pavarur, përgjegjësi qytetare dhe rekomandime konkrete në interes të Shqipërisë.

Në fund të takimit do të miratohet një deklaratë e përbashkët, e cila do t’i drejtohet opinionit publik, institucioneve shqiptare dhe partnerëve ndërkombëtarë.

Ftoj të gjithë profesionistët dhe qytetarët që besojnë te dialogu, ekspertiza dhe e ardhmja europiane e Shqipërisë të ndjekin me interes këtë nismë.

Koha kërkon zëra të arsyes, jo zhurmë. Koha kërkon përgjegjësi, jo përçarje. Shqipërinë qe duhet🇦🇱
Fatjon Softa

07/06/2026

mes qeverisjes së gjatë dhe së !

Lista e gjatë e skandaleve, koncesioneve të debatuara, hetimeve, arbitrazheve ndërkombëtare dhe aferave të dyshuara që kanë shoqëruar qeverisjen e vendit gjatë periudhës 2013–2026 nuk përfaqëson vetëm një problem politik. Ajo ngre një pyetje shumë më të thellë: çfarë ndikimi kanë pasur këto zhvillime mbi shtetin, ekonominë, investimet, besimin publik dhe sigurinë kombëtare?

përplasjeve partiake, një fakt mbetet i pamohueshëm. qeveri në historinë pluraliste të Shqipërisë nuk ka prodhuar një numër kaq të madh të debatuara publikisht, ku një pjesë kanë përfunduar në hetime nga SPAK, në procese gjyqësore apo në arbitrazhe ndërkombëtare me kosto të konsiderueshme për taksapaguesit shqiptarë.

e besimit te institucionet!

Kur qytetarët dëgjojnë për vite me radhë emra si inceneratorët, McGonigal, patronazhistët, dosjet 339 dhe 184, koncesionet në shëndetësi, Portin e Durrësit apo investitorët strategjikë, po krijojnë gradualisht bindjen se pushteti dhe interesat private po funksionojnë më afër njëri-tjetrit sesa lejon një demokraci funksionale.
Pasoja më e rëndë nuk është vetëm dëmi ekonomik. Është humbja e besimit tek shteti.
Një shoqëri ku qytetarët nuk besojnë më tek barazia para ligjit, tek konkurrenca e ndershme apo tek transparenca institucionale, bëhet më e brishtë ndaj korrupsionit, emigracionit dhe radikalizimit politik.

ekonomike e padukshme!

Profesionistët dhe bizneset e ndjejnë drejtpërdrejt pasigurinë juridike.
Kur kontratat publike ndryshojnë vazhdimisht, kur ligjet përshtaten sipas projekteve të caktuara, kur tenderat shoqërohen me akuza për mungesë gare, investitori serioz fillon të kërkojë tregje më të sigurta.

Pasiguria juridike nuk shfaqet menjëherë në statistika, por ndikon në:

* uljen e investimeve afatgjata;
* largimin e kapitalit vendas;
* rritjen e kostove të biznesit;
* dobësimin e konkurrencës;
* varësinë nga ekonomia informale.

Shqipëria është një vend me potencial të jashtëzakonshëm në minerale, energji, turizëm, bujqësi dhe industri përpunuese. Megjithatë, pas më shumë se një dekade qeverisjeje, ekonomia vazhdon të mbështetet kryesisht te ndërtimi, remitancat dhe shërbimet.
natyrore të pashfrytëzuara!

Shqipëria renditet ndër vendet europiane dhe botërore me rezerva të konsiderueshme të kromit, bakrit, hekur-nikelit dhe mineraleve të tjera strategjike.

Pyetja që shtrojnë profesionistët sot është e thjeshtë:

Pse vazhdojmë të eksportojmë lëndë të parë dhe jo produkte të përpunuara me vlerë të shtuar?

nuk janë ngritur politika kombëtare për të ?

Pse vendi që zotëron një nga më të mëdha të kromit në Botë nuk ka arritur të krijojë industri moderne metalurgjike që të prodhojnë vende pune të mirëpaguara?

Kjo është mes një ekonomie që shfrytëzon pasuritë dhe një ekonomie që zhvillohet prej tyre.

pas projekti, por është ?

Nga te Porto , nga Porti i te aeroporti i , nga investitorët strategjikë te projektet turistike në bregdet, qytetarëve u janë premtuar transformime historike.

Megjithatë, shumë prej këtyre projekteve vazhdojnë të shoqërohen me debate për transparencën, ndikimin mjedisor, përfitimin publik dhe raportin mes interesit kombëtar dhe interesit privat.

Një shtet serioz nuk matet me numrin e maketeve apo konferencave për shtyp. Matet me rezultatet konkrete në punësim, paga, prodhim dhe mirëqenie.

Roli i dhe prova e shtetit ligjor!
Një zhvillim pozitiv i viteve të fundit ka qenë veprimtaria më aktive e Struktura e Posaçme Kundër Korrupsionit dhe Krimit të Organizuar.

Hetimet ndaj ish-ministrave, kryebashkiakëve, deputetëve dhe zyrtarëve të lartë kanë treguar se askush nuk duhet të jetë mbi ligjin.

Megjithatë, beteja kundër korrupsionit nuk fitohet vetëm me arrestime. Ajo fitohet kur ndërtohen mekanizma që e bëjnë korrupsionin të pamundur ose shumë të vështirë.

kërkojnë Profesionistët e Lirë për Shqipërinë?
:

* Transparencë të plotë për çdo kontratë publike.
* Garë të ndershme në tendera dhe koncesione.
* Siguri juridike për biznesin dhe profesionistët.
* Shfrytëzim kombëtar të pasurive minerare dhe energjetike.
* Mbrojtje të interesit publik mbi interesin e grupeve të veçanta.
* Forcim të institucioneve të kontrollit dhe auditimit.
* Përgjegjësi politike dhe ligjore për çdo abuzim me fondet publike.

06/06/2026

PROTESTA NUK KA NEVOJË PËR NJË LIDERSHIP, POR PËR LIDER IDE.

Prej vitesh shqiptarëve u janë premtuar “ditë të lumtura”, paga më të larta, pensione më të mira dhe zhvillim ekonomik. Na u tha se Shpiragu do të sillte një epokë të re mirëqenieje. Na u tha se Porto Romano do të ishte “Dubai i dytë”. Por sot qytetarët kanë të drejtë të pyesin: ku janë rezultatet konkrete dhe sa kanë përfituar shqiptarët nga këto premtime?

Shqipëria është ndër vendet më të pasura në Europë për burime natyrore. Kemi krom, bakër, hekur-nikel, boksite alumini, zirkon, ilmenit dhe pasuri të tjera minerare. Megjithatë, vazhdojmë të eksportojmë lëndë të para dhe jo produkte të përpunuara me vlerë të shtuar. Mungojnë investimet në industrinë përpunuese, mungojnë fabrikat që krijojnë vende pune të mirëpaguara dhe mungon një strategji kombëtare që ta kthejë këtë pasuri në zhvillim ekonomik për qytetarët.

Ndërkohë, minatorët, naftëtarët dhe ushtarakët vazhdojnë të kërkojnë statusin dhe dinjitetin që u është premtuar prej vitesh. Politikat sociale mbeten të dobëta, ndërsa kostot e jetesës vazhdojnë të rriten.

Një tjetër problem është mungesa e një masterplani kombëtar për bregdetin shqiptar. Nga Shkodra deri në Ksamil, zhvillimi duhet të jetë i planifikuar, linear dhe në interes të publikut. Shqipëria ka nevojë për infrastrukturë moderne, përfshirë Autostradën e Detit, por pa privilegje për individë apo grupe të caktuara interesi. Bregdeti është pasuri kombëtare dhe duhet t’u shërbejë të gjithë qytetarëve.

Po ashtu, qytetarët kanë treguar se dinë të mbrojnë pasuritë natyrore kur institucionet dështojnë. Protestat për Vjosën dëshmuan se sovrani mund të ndalojë projekte që perceptohen si të dëmshme për interesin publik. Debatet për Butrintin dhe koncesionet kanë ngritur shqetësime të forta mbi mënyrën se si administrohen pasuritë kombëtare.

Problemi nuk është vetëm ekonomik. Është edhe politik. Mungesa e qarkullimit të elitave, përqendrimi i pushtetit dhe ndikimi i grupeve të interesit kanë dobësuar besimin e qytetarëve tek institucionet.

Prandaj protesta nuk duhet të ketë një lider të vetëm. Lideri duhet të jetë ideja. Qytetarët duhet të organizohen rreth objektivave konkrete: mbrojtjen e pasurive kombëtare, transparencën, zhvillimin ekonomik, drejtësinë sociale dhe fuqizimin e pushtetit vendor.

Koha ka ardhur që sovrani të mos jetë vetëm votues një herë në katër vjet, por aktor i përhershëm i vendimmarrjes. Një rrugë mund të jetë organizimi i listave civile dhe qytetare për pushtetin lokal, duke sjellë profesionistë, ekspertë dhe përfaqësues të komuniteteve në qeverisjen vendore.

Shqipëria nuk ka nevojë për më shumë premtime. Ka nevojë për institucione që japin llogari, për zhvillim që shpërndahet tek qytetarët dhe për një shtet që i trajton pasuritë kombëtare si pronë të shqiptarëve dhe jo si privilegj të pushtetit të radhës.
Fatjon Softa

05/06/2026

Protesta qytetare në Tiranë!

29/04/2026

A ka strategji Shteti Shqiptar, per Turizmin, nje masterplan per bregdetin, po jepet pashaliman per ndertim anikesh per industrine e luftes, Lezha per Emigrantet e nga Afrika, dhe Vlora me Gazin e Lengshem qe vjen nga SHBA per Europen.

3 likes, 3 comments. "Marrëveshja 6 mld për gazin, çfarë përfiton Shqipëria"

26/04/2026

Tirana ime. Tirana juaj. Tirana jonë.

Një qytet që nuk është thjesht beton, por kujtesë.
Një qytet që nuk është vetëm zhvillim, por histori.
Një qytet që nuk është vetëm treg, por jetë.

Tirana që ne njohim nuk u ndërtua në një ditë.
Ajo u ndërtua nga breza të tërë – me mund, me sakrifica, me identitet.
Por sot, kjo Tiranë po tjetërsohet.
Po gllabërohet në emër të zhvillimit.

Në emër të “modernizimit”, po humbasim gjelbërimin.
Në emër të “progresit”, po fshijmë historinë dhe memorien kolektive.
Në emër të “investimeve”, po ndërtojmë kulla që rëndojnë mbi qytetin – jo vetëm vizualisht, por edhe mbi shëndetin publik.

Po humbasim hapësirat publike.
Po humbasim ajrin.
Po humbasim raportin njerëzor me qytetin.

Tirana sot po përballet me një kaos urban:
– mungesë parkimesh
– transport publik të pa integruar
– mbingarkesë infrastrukturore
– dhe një model zhvillimi që nuk është policentrik, por i përqendruar dhe përjashtues

Kjo sjell një tjetër plagë: ndarjen sociale.
Një qytet që nuk i shërben të gjithëve njësoj, nuk është qytet – është treg.

Prandaj, sot, ne si profesionistë të lirë kemi një përgjegjësi më të madhe:
Të flasim.
Të reagojmë.
Të propozojmë.

Sepse Tirana nuk është pronë e askujt – është përgjegjësi e të gjithëve.

Ne nuk jemi kundër zhvillimit.
Por jemi kundër një zhvillimi pa identitet, pa plan, pa njeri në qendër.

Tirana duhet të jetë një qytet që jeton për njerëzit – jo mbi njerëzit.

Dhe nëse nuk e mbrojmë sot, nesër do të jetë vonë për ta njohur.
Fatjon Softa

18/04/2026

OPOZITA dhe Qeverisja QË DUHET

Vendi ndodhet në një moment që kërkon urgjentisht një rikonceptim të opozitës – jo thjesht si kundërshtim politik, por si alternativë reale për qytetarët. Sot kemi një fragmentarizim të theksuar: shumë parti që quhen opozitare, por me peshë të paqartë në elektorat dhe me një përfshirje të kufizuar të qytetarëve.

Opozita nuk mund të jetë vetëm reagim. Ajo duhet të jetë organizim, vizion dhe besim.

Përplasjet sporadike me policinë, individualizmi i liderëve dhe mungesa e strukturave funksionale krijojnë perceptimin e një beteje pa strategji – si “gjeneralë pa ushtri”. Kjo nuk ndërton alternativë qeverisëse dhe nuk frymëzon qytetarët.

Ndërkohë, qytetarët përballen çdo ditë me:
– kosto të larta jetese
– taksa që rëndojnë shtresën e mesme
– mungesë mbështetjeje për familjet dhe të rinjtë
– perceptim të lartë të korrupsionit

Pyetja është thelbësore: pse kjo pakënaqësi nuk përkthehet në mbështetje masive për opozitën?

Përgjigjja lidhet me mungesën e besimit. Dhe besimi ndërtohet vetëm përmes:
✔afrimit real me qytetarët!
✔dëgjimit të problemeve konkrete,jo thjesht foltore!
✔ofrimit të zgjidhjeve të matshme!
✔hapjes ndaj profesionistëve dhe shoqërisë civile!

Si përfaqësues i profesionistëve të lirë, besoj se ka ardhur koha për një qasje të re:
🔹 Ndërtimi i një fronti të gjerë qytetar, përtej logjikës së vjetër partiake!
🔹 Përfshirja e ekspertëve dhe individëve me integritet në vendimmarrje!
🔹Krijimi i një liste civile përfaqësuese në zgjedhjet e 2027!
🔹Bashkëpunim me forca progresiste për integrimin europian!
🔹Reforma reale në:
– Kodin Zgjedhor
– Ligjin për referendumet
– Sistemin e drejtësisë
– Luftën kundër korrupsionit
🔹 Zgjerimi i formave të bashkëqeverisjes dhe pjesëmarrjes qytetare!
Ky nuk është thjesht një projekt politik. Është një nevojë kombëtare.

Koha për përçarje ka mbaruar.
Koha për ura komunikimi ka ardhur.

Vetëm një opozitë që bashkon, dëgjon dhe vepron mund të kthehet në një forcë që jo vetëm sfidon, por fiton besimin e qytetarëve dhe sjell ndryshimin që vendi ka nevojë.
Ndryshimet e medha, duan fryme dhe besim, partite satelitare jane vetem perfituese te kryetareve dhe jo te shtresave dhe alternativave. Hapsira e bashkepunimit mund te jete me forca politike pa paragjykime, jo domosdoshmerisht emri i forces politike, por vizioni dhe vullneti pertej interesit politike, por te interesit publik dhe kombetar.

10/04/2026

Kompani marketingu italiane se shpejti ne Shqiperi
Kompania eshte aktive, do te hap seli ne Tirane.

Servizi fotografici e video professionali a Tirana, con un sito semplice in italiano e albanese. Guarda i nostri lavori e contattaci facilmente.