21/10/2026
Një hetim gazetaresk i medias holandeze De Correspondent mbi qendrat e pritjes dhe ndalimit të migrantëve të ngritura nga Italia në Shqipëri është vlerësuar me çmimin Daphne Caruana Galizia nga Parlamenti Evropian.
Sipas hetimit, gjatë dy viteve të para për këto qendra në Shëngjin dhe Gjadër janë shpenzuar rreth 259 milionë euro, ndërsa në to janë mbajtur gjithsej 256 persona. Këto shifra ngrenë pikëpyetje mbi koston dhe efektivitetin e marrëveshjes mes Italisë dhe Shqipërisë për menaxhimin e migrantëve.
Investigimi evidenton gjithashtu mungesë transparence, duke raportuar se gazetarëve u është mohuar hyrja në qendra, kërkesat për informacion kanë mbetur pa përgjigje dhe anëtarë të stafit kanë nënshkruar marrëveshje konfidencialiteti. Sipas autorëve, hetimi dokumenton edhe shqetësime lidhur me ligjshmërinë e funksionimit të qendrave dhe respektimin e të drejtave të njeriut gjatë trajtimit dhe transferimit të migrantëve.
Qendrat në Shëngjin dhe Gjadër u hapën në vitin 2024, në kuadër të marrëveshjes mes dy vendeve për procedurat e migrantëve që kapen nga autoritetet italiane.
Çmimi evropian i jep vëmendje një çështjeje që prek drejtpërdrejt përdorimin e fondeve publike, transparencën institucionale dhe përgjegjësinë për respektimin e të drejtave të njeriut...
