Klubi Studentor “Observe”

14/05/2026

🎓 Përgatitjet për
UNISHK STUDENT CONFERENCE 2026 janë në proces 📚✨

“YOUNG FUTURE MINDS – AI SMART SOLUTIONS” 🤖💡

Një konferencë që bashkon studentë nga të gjitha fakultetet e Universitetit të Shkodrës “Luigj Gurakuqi”, duke krijuar një hapësirë për kërkim shkencor, inovacion dhe dialog ndërdisiplinor 🌍🧠

Puna vazhdon për të sjellë një eksperiencë akademike frymëzuese, moderne dhe të orientuar drejt së ardhmes 🚀

Inovacion UniversitetiShkodres Konference ArtificialIntelligence

08/04/2026

Edukimi është një proces ku psikologjia luan rol kyç.

Klubet Studentore “Observe” & “Vehbi Hoti” ju ftojnë të bëheni pjesë e një aktiviteti interaktiv me temë “Edukimi gjithpërfshirës”, ku do të eksplorojmë se si motivimi, emocionet, vetëbesimi dhe ndërveprimi social ndikojnë në të nxënit 📚🧠

💡 Punë në grup
🧪 Eksperimente sociale
🗣️ Prezantime & feedback nga juri profesioniste
🏆 3 grupet më të mira do të shpërblehen

📅 Afati i regjistrimit: 10.04.2026
⏳ Kohëzgjatja e aktivitetit: 10–14 ditë

Bëhu pjesë e një eksperience që ndërthur teorinë me praktikën dhe sfidon mënyrën si mendon!

01/04/2026

Ftesë për Ditën Botërore të Ndërgjegjësimit për Autizmin 💙

Ju ftojmë të merrni pjesë në aktivitetin sensibilizues të organizuar nga Klubi Studentor “Observe” në bashkëpunim me Klubin e Mësuesisë “Vehbi Hoti”.

📅 Data: 2 Prill
🕚 Ora: 11:00
📍 Vendi: Holli i Fakultetit

Bashkohuni me ne për të mësuar, për të reflektuar dhe për të lënë një mesazh simbolik për përfshirje dhe mirëkuptim.

06/03/2026

Klubi Studentor “Observe” mori pjesë në ekspozitën dokumentare “Gjuha, studimi dhe trashëgimia e Bahri Becit”, të organizuar nga Biblioteka Shkencore e Universitetit “Luigj Gurakuqi” në Shkodër.

Kjo ekspozitë u organizua në nderim të jetës dhe veprës së Akademikut Bahri Beci, një nga figurat më të shquara dhe më të rëndësishme të gjuhësisë dhe studimeve albanologjike shqiptare.

Nëpërmjet dokumenteve arkivore, botimeve shkencore dhe materialeve të rralla, ekspozita pasqyron kontributin e tij të rëndësishëm në zhvillimin e gjuhësisë dhe në arsimin shqiptar.

06/03/2026

Aktiviteti “Arti dhe Muzika si Formë Sublimimi Psikik” u zhvillua në ambientet e Bibliotekës Shkencore të Universitetit, me pjesëmarrjen e studentëve të interesuar për marrëdhënien ndërmjet psikologjisë, artit dhe emocioneve.

I ftuar në këtë aktivitet ishte Prof. Qamil Gjyrezi, i cili ndau perspektiva akademike mbi rolin e artit dhe muzikës në proceset psikike dhe në shprehjen e përvojave emocionale.

Aktiviteti u organizua nga Klubi Studentor “Observe”, me qëllim promovimin e diskutimeve akademike dhe aktiviteteve që nxisin reflektimin mbi shëndetin mendor dhe dimensionin krijues të individit.

Falenderojmë të gjithë pjesëmarrësit për praninë dhe kontributin e tyre. Falenderojmë gjithashtu Bibliotekën e Universitetit për mbështetjen e përhershme.

05/03/2026

🎨🎶 Ftesë për pjesëmarrje

Të dashur studentë, ju ftojmë të merrni pjesë në aktivitetin
”ARTI DHE MUZIKA SI FORMË SUBLIMIMI PSIKIK” 🎨🖌️,

ku do të eksplorojmë se si arti dhe muzika shërbejnë si mënyra për të shprehur dhe transformuar emocionet njerëzore.

📅 Data: E premte, 06.03.2026
⏱️ Ora: 09:00
📍 Vendi: Biblioteka e Universitetit

Do të jetë një mundësi shumë e mirë për të reflektuar mbi lidhjen mes psikologjisë, emocioneve dhe artit, si edhe për të ndarë ide dhe përvoja në një atmosferë kreative.
Ju mirëpresim! ✨

Ju lutemi, konfirmoni pjesëmarrjen tuaj për organizimin dhe certifikatat e pjesëmarrjes 📝.

Sqarim: Aktiviteti zhvillohet jashtë procesit mësimor, prandaj pjesëmarrja duhet të jetë vetëm prej studentave që nuk kanë proces mësimor në atë orar.

14/02/2026

🏠 Renting Within Oneself: A Psychoanalytic Exploration of Home
A Freudian Research Seminar with PhD (c.) Arjet Pervizi

Ju ftojmë për të marrë pjesë në seminarin online të organizuar nga Freud Museum në Londër. Ky seminar ofron një shqyrtim psikoanalitik mbi mënyrën se si koncepti i “shtëpisë” ndërtohet dhe përjetohet brenda mendjes së ndërgjegjshme dhe të pavetëdijshme të individit. Diskutimi përqendrohet mbi tensionin psikik midis pozicionit ekzistencial të qiradhënies dhe të pronësisë, duke analizuar ndikimin e tyre në ndërtimin e hapësirës së brendshme dhe të vetëdijes për vetveten.

🎓 Shpenzimi i pjesëmarrjes është plotësisht i mbuluar nga Fondacioni Ilios.

📜 Në fund të seminarit do të pajiseni me certifikatën e pjesëmarrjes.

🔗 Për t’u regjistruar klikoni në linkun: https://forms.gle/7E4z3wYtebe2f8pF6

👨‍💻 Detajet për platformën online do të komunikohet para seminarit.

21/01/2026

“Nga lodrat te objektivat terapeutike” 🧩

Sot patëm kënaqësinë të zhvillojmë një aktivitet shumë praktik dhe interaktiv, i cili na afroi më shumë me realitetin e përditshëm të terapisë dhe integrimit terapeutik në punën me fëmijët. Së bashku me Psikologen Klinike Denisa Hamaj, eksploruam se si lodrat edukative, materialet Montessori dhe mjedisi i strukturuar mund të shndërrohen në mjete reale terapeutike për mbështetjen e zhvillimit emocional, social dhe njohës. 🧠💚

Përmes shembujve konkretë dhe diskutimeve të hapura, studentët patën mundësinë të kuptojnë më mirë si vendosen objektivat terapeutike, si vlerësohet progresi i fëmijëve dhe si ndërthuren qasjet klinike me parimet edukative për të krijuar një ndërhyrje më të plotë dhe më të qëndrueshme. 🎯🧩

Ky workshop solli jo vetëm njohuri teorike, por edhe përvojë reale nga praktika, duke i dhënë pjesëmarrësve ide, motivim dhe perspektiva të reja për rrugëtimin e tyre profesional në fushën e psikologjisë dhe terapisë me fëmijë.

Faleminderit të gjithë studentëve për angazhimin, energjinë pozitive dhe pyetjet që e bënë këtë aktivitet edhe më të vlefshëm! 🙌

IntegrimTerapeutik Studentë ZhvillimProfesional

01/05/2025