18/10/2026
🛑LUMI BUNA NUK ESHTE PRONE PRIVATE‼️
Thirrje institucioneve për veprim të menjëhershëm‼️
Ka më shumë se një muaj që rrjedha e lumit Buna është bllokuar nga rrjeta dhe binarë të vendosura në mënyrë të paigjshme.
Është dërguar ankesa me shkrim (dokumenti me nr prot. 6956 me datë 09.09.2026) pranë Ministrisë së Bujqësisë dhe nga Drejtoria e Përgjithshme e Zhvillimit në fushën e sigurisë ushqimore, veterinarisë, mbrojtes së bimëve dhe peshkimit, është kthyer përgjigjia me shkrim (dokument me nr prot. 6956/1 të datës 17.09.2026) i cili detyron institucionet përgjegjëse të menaxhimit të peshkimit, heqjen e barrierave, binarëve dhe rrjetave penguese për lëvizjen e lirë të peshqve migratorë.
Ende nuk ka asnjë veprim‼️
🛑Vendosja e rrjetave fikse dhe barrierave fizike (daljanëve) përgjatë gjithë gjerësisë së lumit Buna bllokon korridorin natyror të migrimit të peshqve, duke kërcënuar biodiversitetin dhe ekuilibrin ekologjik të zonës.
‼️Kjo praktikë ngre shqetësime serioze për përputhshmërinë me detyrimet dhe standardet mjedisore që lidhen me:
❗️Konventën e Bernës: Rrjetat jopërzgjedhëse mund të bien ndesh me dispozitat për mbrojtjen e specieve të egra, në varësi të karakteristikave dhe ndikimit të tyre.
❗️Konventën e Bonit (CMS): Bllokimi i korridoreve migratore rrezikon lëvizjen dhe ruajtjen e specieve migratore, për të cilat zbatohen detyrimet përkatëse të Konventës.
Konventën e Ramsarit: Pengimi i migrimit të faunës ujore rrezikon karakterin ekologjik të ligatinave të Liqenit të Shkodrës dhe Lumit Buna.
❗️Rregulloren e BE-së nr. 1100/2007 për ngjalën: Barrierat që pengojnë kalimin e ngjalave drejt detit bien ndesh me objektivat e ruajtjes dhe rikuperimit të kësaj specieje, si standard për përafrimin e Shqipërisë me legjislacionin e BE-së.
❗️Direktivën e BE-së për Habitatet (92/43/KEE): Ndërhyrjet që dëmtojnë habitatet ose shqetësojnë speciet e mbrojtura mund të cenojnë objektivat e ruajtjes së tyre.
Direktivën Kuadër të BE-së për Ujërat (2000/60/KE): Ndërprerja e vazhdimësisë ekologjike të lumit mund të pengojë migrimin e organizmave ujorë dhe të cenojë gjendjen ekologjike të tij.
❗️Standardet e IUCN-së për zonat e mbrojtura: Bllokimi i një korridori të rëndësishëm migrator bie ndesh me objektivat e ruajtjes dhe rehabilitimit të specieve e habitateve.
🐟 Ngjala evropiane (Anguilla anguilla), e klasifikuar në rrezik kritik zhdukjeje, nuk mund të mbijetojë nëse i mbyllim rrugën e migrimit. Edhe specie të tjera migratore, si blini Acipenser naccarii dhe Alosa fallax, rrezikohen nga pengesa të tilla.
📢 Kërkojmë nga institucionet përgjegjëse verifikimin urgjent të këtyre veprimtarive, heqjen e barrierave të paligjshme kur shkeljet konstatohen dhe zbatimin e ligjit për mbrojtjen e biodiversitetit.
‼️MBRONI LUMIN BUNA NGA RRJETAT DHE BARRIERAT E PALIGJSHME TË PESHKIMIT!
💙Buna është pasuri natyrore e përbashkët, jo pronë për shfrytëzim pa kriter‼️
Liqeni i Shkodrës dhe lumi Buna kanë statusin më të lartë të mbrojtjes ndërkombëtare për vlerat natyrore meqënëse janë pjesë e Zonë Rezervë Biosferë Ndërkufitare në UNESCO🇺🇳
Ministria e Bujqësisë dhe Zhvillimit Rural
Ministria e Turizmit dhe Mjedisit
Agjencia Kombëtare e Mjedisit
Agjencia Kombëtare e Zonave të Mbrojtura
Forca për mbrojtjen e liqenit të Shkodrës dhe lumit Buna.
Holta Duda
Bashkia Shkodër
Centar za zaštitu i proučavanje ptica Crne Gore
Program za životnu sredinu - EnvPro
Qendra EDEN/ EDEN Center
Protection and Preservation of Natural Environment in Albania
AOS-Albanian Ornithological Society
REC Albania
