ZDB

11/07/2026

Xhelozia nuk vret!!!
Xhelozia është një emocion. Vrasja është një veprim që burrat zgjedhin dhe marrin vendim për te.
Kur xhelozia perzihet me nevojën për kontroll, mendimet patriarkale, mungesën e vetëkontrollit dhe aksesin në armë, rreziku për femicid rritet ndjeshëm.
Për këtë arsye, është e rëndësishme të mos e normalizojmë dhunën duke e justifikuar me shprehje si "e vrau nga xhelozia". Këto shpjegime e thjeshtëzojnë një fenomen shumë më kompleks.
Parandalimi fillon duke identifikuar herët faktorët e rrezikut, duke mbështetur viktimat dhe duke ofruar programe reabilitimi për dhunuesit.
www.zdb.al
www.gtg.al

Kurdoherë pranë jush, shpëtojmë jetë.

22/06/2026

Në kuadër të projektit “Siguri Përmes Riintegrimit – Model i Koordinuar për të Miturit në Konflikt me Ligjin në Qarkun Shkodër”, i zbatuar nga tek Gruaja me mbështetjen e Agjencisë së Administrimit të Pasurive të Sekuestruara dhe të Konfiskuara (AAPSK), u zhvillua një aktivitet informues dhe trajnues në Malësi të Madhe.

🎯 Aktiviteti u fokusua në:
✅ Rritjen e njohurive mbi drejtësinë për të miturit;
✅ Forcimin e bashkëpunimit ndërinstitucional për identifikimin dhe referimin e rasteve;
✅ Promovimin e qasjeve rehabilituese dhe riintegruese për të miturit në konflikt me ligjin;
✅ Ndërgjegjësimin mbi rëndësinë e mbështetjes psikologjike, sociale dhe komunitare për një fillim të ri.

🤝 Besojmë se çdo i ri meriton një mundësi për ndryshim, zhvillim dhe riintegrim të suksesshëm në komunitet.

“Çdo i ri ka mundësinë për një fillim të ri.”

21/06/2026

09/12/2025

Me 5 Dhjetor 2025 në Zyrën për Djem dhe Burra zhvilluam një workshop me avokatët e Dhomës së Avokatisë Shkodër mbi zbatimin e ligjit për dhunën në familje dhe rolin e tyre në mbrojtjen ligjore.

Gjatë takimit u diskutua:
• si funksionojnë Urdhrat e Mbrojtjes dhe Urdhrat e Mbrojtjes së Menjëhershme,
• detyrimet e institucioneve,
• roli i avokatëve në mbrojtjen e palëve,
• rëndësia e programeve të rehabilitimit për dhunuesit.

Falenderojmë Dhomën e Avokatisë Shkodër, avokatët pjesëmarrës për bashkëpunimin dhe kontributin në këtë aktivitet.