Drejt se Ardhmes

26/10/2026

E keni vene re ndonjëherë se sa ndryshe reagojnë fëmijët ndaj lëvizjes? Disa nuk hipin dot në lëkundëse nga frika, ndërsa të tjerë nuk ndalen së kërcyeri gjithë ditën!
​Pas këtyre sjelljeve shpesh qëndron sistemi vestibular — sekreti i ekuilibrit dhe koordinimit tonë.
​Kur ky sistem nuk e përpunon saktë informacionin e lëvizjes, fëmija mund të shfaqë:

🔹 Frikë dhe ankth nga lartësitë ose lëvizjet e papritura
🔹 Kërkim të vazhdueshëm të stimulimit vizual e motorik
🔹 Vështirësi në përqendrim, shkrim dhe koordinim

💡 Çfarë duhet të bëjmë?

Vëzhgimi i kujdesshëm dhe vlerësimi nga profesionistët përkatës ndihmojnë në identifikimin e nevojave të fëmijës dhe përcaktimin e mbështetjes së përshtatshme.

Çdo fëmijë zhvillohet në mënyrën e vet. Me mirëkuptim, mbështetje dhe ndërhyrje të individualizuar, mund ta ndihmojmë të përparojë hap pas hapi.

📍 Qendra “Drejt së Ardhmes” – Shkodër

📲 +355 67 207 9090

TerapiZhvillimi Fëmijët Shkodër

20/10/2026

Stimming-u (sjelljet vetë-stimuluese) në autizëm i referohet lëvizjeve, tingujve ose sjelljeve të përsëritura që një person përdor për të rregulluar sistemin e tij sensorial ose për të menaxhuar emocionet.
​Kjo është një pjesë krejtësisht natyrale e përpunimit sensorial në autizëm dhe nuk është një sjellje "e keqe" apo e dëmshme në vetvete.
E rëndësishme për t'u mbajtur mend:
Stimming-u nuk është diçka që duhet ndaluar apo "rregulluar", për sa kohë që nuk është i dëmshëm për vetë fëmijën ose mjedisin rrethues. Pranimi dhe kuptimi i këtyre nevojave është hapi i parë drejt një mjedisi mbështetës.
​👇 A keni pyetje mbi stiming-un apo integrimin sensorial? Na shkruani në koment ose në DM!
​ Autizmit SensoryProcessing Shkodër Shqipëri

10/10/2026

Çdo fëmijë meriton mundësinë për të zhvilluar potencialin e tij!

Në Qendrën “Drejt së Ardhmes”, çdo ditë është një mundësi e re për të mësuar, për të komunikuar, për të fituar aftësi dhe për të hedhur hapa të vegjël drejt arritjeve të mëdha.

Përmes lojës, terapisë dhe përkushtimit të specialistëve tanë, ne mbështesim zhvillimin e çdo fëmije, duke respektuar individualitetin dhe ritmin e tij.

Sepse përparimi nuk matet vetëm me hapa të mëdhenj, por edhe me çdo arritje të vogël që sjell një buzëqeshje.

Drejt së Ardhmes — së bashku, hap pas hapi!

📍 Shkodër

📲 Na ndiqni për më shumë informacion mbi zhvillimin dhe mirëqenien e fëmijëve.

PsikologjiPerFemije FemijetJaneEArdhmja Prinderim

05/10/2026

Topi i gjimnastikës, përdoret gjerësisht në terapitë zhvillimore për fëmijë, përfshirë fizioterapinë, terapinë okupacionale dhe logopedinë. Sipërfaqja e tij me lëvizje dinamike stimulon trurin dhe trupin në mënyra që lojërat e zakonshme nuk i arrijnë dot.
​Disa nga përdorimet dhe benefitet kryesore:
​1. Integrimi Sensorial dhe Stimulimi Vestibular
​Lëkundjet, rrotullimet dhe kërcimet mbi top aktivizojnë sistemin vestibular (sistemin e ekuilibrit në veshin e brendshëm)
​2. Zhvillimi i Posturës dhe Ekuilibrit
​Pasi topi është i paqëndrueshëm, trupi sforcohet automatikisht për të mbajtur baraspeshën:
​Ndihmon në korrigjimin e posturës gjatë qëndrimit ulur.
​3. Tonusi Muskular dhe Koordinimi Motor
​Për fëmijët me tonus të ulët muskular (hipotoni): Kërcimet mbi top stimulojnë aktivizimin dhe forcimin e musujve.
​Për fëmijët me tonus të lartë (spasticitet): Lëvizjet e lehta rrethuese ose qëndrimi përmbys mbi top ndihmojnë në relaksimin e musujve të shtrënguar.
​4. Përdorimi në Logopedi dhe Zhvillimin e Të Folurit
​Aktiviteti fizik mbi top ka lidhje të drejtpërdrejtë me komunikimin:
​Kontrolli i frymëmarrjes: Kërcimi ritmik ndihmon në rregullimin e ritmit të frymëmarrjes, e cila është bazë për nxjerrjen e zërit dhe artikulimin.
​5. Skema Trupore dhe Ndërgjegjësimi Hapsinor (Proprioception)
​Rrotullimi i topit mbi trupin e fëmijës (me presion të lehtë) ose mbështetja e trupit mbi të jep presion të thellë muskular.

01/10/2026

10 VITE DREJT SË ARDHMES 💙💚

Një dekadë përkushtim.
Një dekadë besimi.
Një dekadë pranë fëmijëve dhe familjeve.

Në këto 10 vite, rrugëtimi ynë është shkruar me shumë hapa, përpjekje, buzëqeshje dhe arritje.

📊 10 vite në shifra

👧🧒 354 fëmijë të mbështetur në rrugëtimin e tyre të zhvillimit.

👩‍🏫 4 logopede
🧠 6 psikologe
👩‍⚕️ 1 mjeke specialiste

Një ekip profesionistësh që çdo ditë punon me përkushtim, duke i kushtuar rëndësi zhvillimit, potencialit dhe individualitetit të çdo fëmije.

Çdo fëmijë ka ritmin e tij.
Çdo hap ka rëndësi.
Çdo përparim është një arsye për të festuar.

🙏 Faleminderit çdo fëmije dhe familjeje që na ka besuar, stafit që ka dhënë dhe vazhdon të japë më të mirën, si dhe të gjithë partnerëve që kanë qenë pjesë e këtij rrugëtimi.

10 vite që ecim së bashku.
10 vite që besojmë te potenciali i çdo fëmije.
10 vite Drejt së Ardhmes. 💙💚

✨ Dhe rrugëtimi ynë vazhdon…

ZhvillimiIFemijeve TerapiZhvillimi Logopedi Psikologji Mbeshtetje Femijet Familja DrejtSeArdhmes

24/09/2026

Motorika fine zhvillohet përmes lojës dhe aktiviteteve të përditshme.

Aktivitete të thjeshta si kapja, vendosja, tërheqja dhe manipulimi i objekteve ndihmojnë në zhvillimin e koordinimit sy–dorë, përqendrimit dhe kontrollit të lëvizjeve.

Me vazhdimësi dhe përsëritje, fëmija fiton më shumë aftësi, vetëbesim dhe pavarësi.

ZhvillimiFëmijëve Shkodër

22/09/2026

14/09/2026

Së bashku drejt një fillimi të ri!

Zileja e shkollës sot hap dyert për një mjedis ku çdo fëmijë ndihet i përfshirë dhe i vlerësuar.

Femijet me Aftesi Ndryshe na mësojnë çdo ditë se mirësia dhe miqësia nuk njohin kufij. Edhe kete vit, le të angazhohemi për:

Gjithëpërfshirje: Të rrëzojmë barrierat dhe të ofrojmë mbështetje për të gjithë.

Empati: Të rrisim një brez që respekton pa asnjë dallim.

Mundësi të barabarta: T'u japim krahë ëndrrave të çdo fëmije.

Suksesi i vërtetë matet me buzëqeshjen e çdo nxënësi që hyn në oborrin e shkollës me besim. Një vit të mbarë, të mbushur me dashuri dhe barazi! 📚💙