28/04/2026
TĂ‹ JETOSH ME ARSIMIN, Sotiraq Mangeri, DREJTUESI QĂ‹ ZGJEDH PĂ‹RULĂ‹SINĂ‹ MBI ZHURMĂ‹N
Sotiraq Mangëri, drejtori i Zyrës Arsimore Vendore Pogradec, është një nga ata njerëz që nuk e ka nevojë zhurmën për të treguar rëndësinë e rolit që mban. Një figurë e qetë, por me peshë. Një drejtues që nuk e sheh karrigen si privilegj, por si përgjegjësi.
Prej vitesh në arsim, ai sot e drejton Zyrën Arsimore me një qasje të tillë ku bie në sy mirësjellja e sinqertë dhe një përulësi që pak drejtues e kanë.Nuk sillet si drejtor që pret pas dere, por si një njeri që të pret, të dëgjon dhe përpiqet të të zgjidhë hallin, me një përkushtim që të kujton më shumë një sportelist të ndershëm sesa një funksionar të lartë.
Tipiku i intelektualit pogradecar. Fjalëpak aty ku nuk duhet të flitet kot, dhe mendimtar aty ku duhet dhënë zgjidhje.
Në një realitet ku shpesh drejtuesit me profil politik shihen me skepticizëm, Mangëri është përjashtimi që e rrëzon këtë tezë. E sheh shpesh të ulur në një kafe, duke biseduar lirshëm me vartësit, me humor dhe pa barriera autoriteti, një pamje kjo që nuk ndodh shpesh. Por ai e bën të duket normale, e bën njerëzore.
Sa për kontributin në arsim, ndoshta s'ka nevojë të renditen arritje. Janë njerëzit që flasin për të, dhe kjo është dëshmia më e fortë. Ndërsa përvoja si Kryetar i Këshillit Bashkiak për katër vite tregoi qartë se profesionalizmi, toni i ulët dhe qasja për të zgjidhur problemet, jo për t’iu shmangur atyre) nuk janë thjesht cilësi, por mënyra e tij e jetesës.
Sotiraq Mangëri është nga ata njerëz që nuk bëjnë shumë zhurmë, por lënë gjurmë. Dhe Pogradeci ka nevojë pikërisht për këtë lloj drejtuesi. Intelektualë të vërtetë, profesionistë me integritet dhe mbi të gjitha, njerëz që mbeten njerëz, edhe kur ngjiten lart.
Gazeta Pogradeci
