Shoqata Une Gruaja

18/08/2026

16/08/2026

Nga vlerësimi në terren, drejt rehabilitimit të lerave në Malin e Thatë

Vazhdojmë punën në terren për rehabilitimin e dy lerave në Malin e Thatë, këtë herë në fazën e përgatitjes së projektit teknik dhe preventivit të punimeve.

Së bashku me ekspertët, përfaqësues të ADZM Korçë, Bashkisë Pogradec dhe kryeplakun e fshatit Alarup, u realizua një ekspeditë në terren për të vlerësuar nga afër kushtet konkrete dhe elementet që duhet të merren në konsideratë gjatë hartimit të projektit teknik.

💧 Rehabilitimi i lerave është i rëndësishëm jo vetëm për sigurimin e ujit për blegtorinë, por edhe për ruajtjen e habitateve dhe biodiversitetit të Malit të Thatë.

🌱 Një tjetër hap drejt kalimit nga studimi dhe identifikimi i nevojave, në ndërhyrje konkrete për mbrojtjen e natyrës dhe mbështetjen e komuniteteve lokale.
We Effect Europe

14/08/2026

🌱 Ke një ide në agro apo një biznes të ri me deri në 3 vite aktivitet?
Sfida IDEA Agro është mundësia për ta zhvilluar më tej!
Përmes trajnimit dhe keshillimit, mentorimit dhe rrjetëzimit, do të testosh idenë, konsolidosh modelin e biznesit dhe krijosh lidhje me sipërmarrës, ekspertë e partnerë potencialë.
Sepse idetë dhe bizneset e reja rriten më shpejt në rrjetin e duhur. 🚀
Skano QR code dhe apliko deri më 26 gusht 2026!

12/08/2026

Dhuna nuk justifikohet

🟣 As tradita, as zakoni dhe as “nderi” nuk e justifikojnë dhunën.

Ligji nr. 11/2026 vendos në qendër sigurinë, dinjitetin dhe të drejtat e viktimës.

Ndër parimet që duhet të udhëheqin çdo ndërhyrje janë:
✔️ siguria dhe mbrojtja;
✔️ konfidencialiteti;
✔️ aksesi në drejtësi dhe shërbime;
✔️ mosdiskriminimi;
✔️ shmangia e riviktimizimit;
✔️ ndalimi i ndërmjetësimit dhe pajtimit në rastet e dhunës.

Ligji ndalon shprehimisht justifikimin e dhunës për arsye feje, zakoni, tradite apo “nderi”.

Dhuna nuk është çështje private. Mbrojtja është e drejtë.

Postimi realizohet në kuadër të projektit “Parandalojmë dhunën në familje përmes koordinimit institucional”, me mbështetjen e Programit SCPA.
Programi Suedez Scpa
Edited · 10 w

11/08/2026

Njihuni me Ligjin e Ri

⚖️ A e dini çfarë ndryshon me Ligjin nr. 11/2026?

Ligji nr. 11/2026 “Për parandalimin dhe mbrojtjen nga dhuna ndaj grave dhe dhuna në familje” forcon sistemin e parandalimit, raportimit dhe mbrojtjes së viktimave.

Ndër risitë kryesore janë:
🔹 qasja me në qendër viktimën;
🔹 mbrojtja nga forma të ndryshme të dhunës;
🔹 njohja e dhunës së lehtësuar nga teknologjia;
🔹 trajtimi i ngacmimit seksual, përfshirë në vendin e punës;
🔹 vëmendje më e madhe ndaj personave në situata të cenueshme.

📢 Njohja e ligjit është hapi i parë drejt mbrojtjes.
Aktiviteti u zhvillua në kuadër të projektit “Parandalojmë dhunën në familje përmes koordinimit institucional”, me mbështetjen e Programit SCPA.

Forcimi i Policimit ne Komunitet

10/08/2026

🌊 Liqeni i Ohrit – një trashëgimi që kërkon përgjegjësi të përbashkët

Me shqetësim po ndjekim diskutimet e fundit lidhur me gjendjen dhe të ardhmen e Liqenit të Ohrit, pjesë e Trashëgimisë Botërore të UNESCO-s dhe një nga pasuritë natyrore më të çmuara të rajonit tonë.

Diskutimet e zhvilluara në nivel ndërkombëtar janë një tjetër thirrje për t'i kushtuar vëmendjen e duhur presioneve që mund të ndikojnë në vlerat e jashtëzakonshme universale të këtij ekosistemi unik.

Për ne, zhvillimi i Pogradecit duhet të ecë me mbrojtjen e biodiversitetit, ruajtjen e peizazhit, respektimin e trashëgimisë natyrore e kulturore dhe zhvillimin e qëndrueshëm të komuniteteve lokale.

🌿 Liqeni i Ohrit nuk është vetëm një pasuri e Pogradecit apo e rajonit. Është një trashëgimi që kemi marrë nga brezat para nesh dhe që kemi përgjegjësinë t'ua përcjellim brezave që vijnë.

Zhvillimi është i nevojshëm, por ai duhet të jetë i kujdesshëm, i mirëplanifikuar dhe në harmoni me natyrën.

💧 Ta mbrojmë Liqenin e Ohrit sot, që të vazhdojë të jetë jetë, identitet dhe krenari edhe nesër.
Prespa Ohrid Nature Trust - PONT We Effect Europe

06/08/2026

🎙Pse jam këtu?
"Jemi krenarë dhe të lumtur që ky ndryshim i madh që po ndodh dhe ky reagim i mbarë shoqërisë shqiptare ka në thelb mbrojtjen e natyrës, si edhe ruajtjen e trashëgimisë dhe identitetit tonë. Për këtë arsye, besoj se kjo protestë është historike."
- Olsi Nika

🎙Why am I here?
"We are proud and happy that this major shift taking place, and the response from Albanian society as a whole, has the protection of nature and the preservation of our heritage and identity at its core. For this reason, I believe this protest is historic."
- Olsi Nika

Photo: Christian Jaeggi

01/08/2026

📌 Hidhet në konsultim publik projektvendimi që forcon mbrojtjen e zonave të veçanta të ruajtjes në procedurat e VNM-së

Ministria e Mjedisit ka hedhur për konsultim publik projektvendimin për ndryshimin e procedurave të Vlerësimit të Ndikimit në Mjedis (VNM), me synim forcimin e mbrojtjes së habitateve natyrore dhe zonave të veçanta të ruajtjes.

Ndryshimet sjellin përfshirjen e procedurës së “Vlerësimit të Duhur” për projektet që mund të ndikojnë në zonat e mbrojtura, duke kërkuar analiza më të thelluara shkencore, vlerësim të ndikimeve kumulative, masa mbrojtëse dhe plane monitorimi.

Projektvendimi synon të harmonizojë më tej legjislacionin shqiptar me standardet e Bashkimit Evropian dhe të garantojë që vendimmarrja mjedisore të bazohet në të dhëna shkencore dhe në mbrojtjen efektive të biodiversitetit.

📌 Dokumentet shoqëruese janë të publikuara për konsultim në Regjistrin Elektronik për Njoftimet dhe Konsultimet Publike. I gjeni si në linkun më poshtë:
https://mjedisisot.info/hidhet-ne-konsultim-publik-projektvendimi-per-disa-ndryshime-ne-vendimin-nr-686-date-29-07-2015-te-keshillit-te-ministrave-per-miratimin-e-rregullave-te-pergjegjesive-e-te-afate/

26/07/2026

🌿 Bashkëpunim për mbrojtjen e biodiversitetit në Liqenin e Ohrit 🐟🌊

Më datë 15 Korrik 2026, Shoqata “Unë, Gruaja” organizoi takimin me palët e interesuara për zbatimin e protokollit të monitorimit të koranit dhe biodiversitetit në Zonën e Mbrojtur të Liqenit të Ohrit.

Takimi mblodhi së bashku përfaqësues të institucioneve, ekspertë të biodiversitetit dhe aktorë lokalë për të diskutuar mbi:
✅ rëndësinë e monitorimit të biodiversitetit dhe peshkimit në Liqenin e Ohrit;
✅ përmirësimin e mekanizmave të monitorimit në nivel vendor;
✅ prezantimin dhe zbatimin e protokollit të monitorimit të koranit;
✅ forcimin e bashkëpunimit ndërmjet aktorëve për ruajtjen e vlerave natyrore të zonës.

Gjatë diskutimeve u ndanë ide dhe rekomandime për mënyrat më të përshtatshme të zbatimit të protokollit, duke synuar një qasje më të koordinuar dhe të qëndrueshme për mbrojtjen e një prej pasurive më të çmuara natyrore të rajonit Prespë-Ohër.

🌱 Ruajtja e biodiversitetit kërkon njohuri, bashkëpunim dhe veprim të përbashkët.
Ky aktivitet u zhvillua në kuadër të projektit “Fuqizimi i Bashkëpunimit Lokal dhe Ndërkufitar për Mbrojtjen e Biodiversitetit në Rajonin Prespë-Ohër”, financuar nga Prespa Ohrid Nature Trust - PONT