Senishti në Gorë

15/06/2026

Nuri Toska – mjeshtri i heshtur i punës dhe jetës në Senisht

Në historinë e fshatit Senisht, emëri i Nuri Toskës zë një vend të veçantë, jo për bujë apo poste shoqërore, por për një jetë të ndërtuar mbi punën, thjeshtësinë dhe përkushtimin e rrallë.
I lindur në vitin 1915, Nuriu u rrit si një djalë me trup të rregullt, i fortë dhe me një fizionomi të shëndoshë që reflektonte vitalitet dhe energji. Flokët e shkurtër dhe pamja e tij e qetë i jepnin një profil të veçantë, ndërsa natyra e tij e dashur e bënte të afërt me të gjithë. Ai ishte i njohur për shakatë e tij të ëmbla, të cilat sillnin buzëqeshje dhe lehtësi në përditshmërinë e bashkëfshatarëve.
Megjithëse jetonte mes njerëzve, Nuri Toska zgjodhi të mos përfshihej në problemet shoqërore apo debatet e fshatit. Ai i qëndroi besnik rrugës së tij: punës së ndershme dhe jetës së thjeshtë. Dhe pikërisht kjo e bëri të veçantë.
Njihej si një ndër njerëzit më punëtorë të zonës. Me “duar të arta”, siç e përshkruanin shpesh, ai la gjurmë të prekshme në jetën e Senishtit. Thuajse të gjitha pemët frutore të fshatit mbanin vulën e mjeshtërisë së tij – të shartuara me kujdes, durim dhe dije të trashëguar nga përvoja.
Puna për të nuk njihte kohë. Dimër e behar, në të ftohtë e në vapë, ai ishte gjithmonë në lëvizje. “Puna nuk ka orar,” thoshte shpesh, një fjali që u kthye në filozofinë e jetës së tij. Cilësia ishte parimi i tij kryesor – çdo punë duhej bërë mirë, pa kompromis.
Edhe pas ndryshimeve të mëdha shoqërore, kur sistemi u rrëzua, Nuriu nuk u tërhoq. Edhe në moshë të thyer, mbi 80 vjeç, ai vazhdoi të punonte me të njëjtin përkushtim, duke dëshmuar se puna për të nuk ishte thjesht detyrë, por mënyrë jetese.
Nuri Toska u nda nga jeta nga pleqëria, duke lënë pas jo vetëm kujtime, por edhe një trashëgimi të gjallë në çdo pemë që rritet në Senisht. Ai mbetet një simbol i njeriut të thjeshtë, që pa zhurmë, ndërton dhe lë gjurmë të përhershme.
Një jetë e qetë, por e mbushur me vlerë. Një emër që fshati nuk e harron.

Shkruar nga VILSON MERSINLLARI.

26/05/2026

📢 Njoftim i rëndësishëm: Nis mbledhja e fondeve për rrugën e fshatit!

Të nderuar banorë, dashamirës dhe emigrantë të fshatit tonë (jashtë e brenda vendit),

Me qëllim mbajtjen e një transparence të plotë mbi ecurinë e projektit për shtrimin e rrugës, dëshirojmë të njoftojmë se llogaria jonë ka pritur pagesën e parë.

Falënderojmë z. Kastriot Tahirllari për kontributin e tij fillestar prej 1,000 Euro. Ky xhest vlerësohet maksimalisht dhe shërben si një shtysë e madhe që ky projekt të ecë përpara me hapa të sigurt.(Pagesa mu dorëzuar mua dhe une i depozitova në llogari. Letra e depozitimit ju dorëzua personit.

Ashtu siç kemi premtuar, çdo arkëtim dhe shpenzim do të publikohet rregullisht në këtë faqe që çdo gjë të jetë e qartë dhe e hapur për të gjithë komunitetin.

Ftojmë të gjithë ata që duan të kontribuojnë të na kontaktojnë në mesazh ose të ndjekin udhëzimet e llogarisë bankare të cilat janë postuar në faqen tonë.
Bashkë do t'ia dalim!

24/05/2026

.......Mbi valët e Devollit......

Niset lumi mal pas mali,
Zbret nga grykat me furi,
Nëpër Gorë thur legjenda,
Rrjedh i lashtë plot magji.

Kthehet vala, ndalon hapin,
Prek fshatrat radhë me radhë,
Si kurorë e gjelbëruar,
Mbi një lumë të kulluar të bardhë.

Zloqishti e Dushari,
Ngrejnë kryet përmbi breg,
U jep jetë ky ujë i ftohtë,
Çdo shtëpie, në çdo shteg.

Po aty ku shpirti flet,
Ku natyra tjetërson,
Senishti thellë në mal
Devollin rri e vështron.

Shtrihen fshatrat si në përrallë,
Moçani, Podgoria matanë,
Urat lidhin miqësi,
Nëpër shekuj ndër fshatrat tanë.

Rri o lumë e shtoja vallen,
Puthu me gurë e me fshat,
Gora jote të mban në mendje,
të ka jetë, të ka uratë!

(Pamjet te marra nga lumi Devoll perball cezmave te Senishti në Gorë nga Roland Beqiraj para 2 viteve)

21/05/2026

Përshëndetje të gjithëve! Duke qenë se po afrohet vera dhe po mendojmë për organizimin e festës së fshatit tonë, do të donim të vendosnim së bashku për datën që t'u përshtatet sa më shumë njerëzve, sidomos atyre që vijnë nga larg.
(Aty do diskutojme edhe per rrugen)
FESTA DO TE BEHET LART NE FSHAT

Ju lutemi votoni në sondazhin e mëposhtëm se cilën fundjavë preferoni:

📍Të shtunën e parafundit të gushtit (22 Gusht)

📍Të shtunën e fundit të gushtit (29 Gusht)

Ju lutem komentoni ne kete post.

Faleminderit

20/05/2026

Dëgjo se si pëshpërin era nëpër fletë,
Çdo gur e çdo rrugicë ka një tregim:
Këtu ku jeta është e ashpër, por e vërtetë,
Ka ende vend për ëndrra dhe guxim!
​Ngrihe kokën, o njeri i kësaj t**e,
Në çdo brazdë ke lënë djersë e dashuri.
Fshati nuk vdes nga heshtja e kësaj nate,
Ai zgjohet nesër me më shumë fuqi.

16/05/2026

PROJEKTI I RRUGËS SË SENISHTIT: Çfarë duhet të dini?

Të dashur bashkëfshatarë dhe miq, sot u hapën zyrtarisht llogaritë bankare në Lek dhe Euro për rrugën e fshatit tonë. Për të qenë sa më të qartë dhe për të shmangur çdo paqartësi, ja si do të funksionojë gjithçka:

1. A do të ketë transparenca për paratë tona?

Absolute. Për çdo derdhje që bëni në bankë apo online, do të merrni një mandat-pagese si dokument zyrtar. Çdo emër, mbiemër dhe shumë e derdhur do të publikohet hapur. Për më tepër, sa herë që të ketë një përditësim apo sa herë që dikush të pyesë, unë do të pasqyroj gjendjen e llogarisë direkt nga banka.

2. Kush e menaxhon llogarinë dhe sa do të qëndrojë e hapur?

Llogaria është hapur në emrin tim (Françeska Toçi). Fondi do të qëndrojë i hapur për 1 vit. Asnjë lek nuk do të preket apo të tërhiqet nga askush deri në ditën që do të mblidhemi të gjithë bashkë për të vendosur për rrugën.

3. Sa është shuma e kërkuar për kontribut?

Nuk ka një limit. Çdo lloj shume është e mirëpritur. Secili kontribuon sipas mundësisë së vet ekonomike. Për ata që e kanë të vështirë të shkojnë vetëm në bankë, mund të bëheni 2-3 persona bashkë për të bërë derdhjen.

4. Çfarë do të bëhet nëse nuk mblidhen lekët për asfalt?

Qëllimi ynë kryesor është ta bëjmë rrugën me asfalt. Por, nëse nuk arrijmë të mbledhim vlerën e duhur, paratë nuk humbasin: do të sistemojmë pjesët më të vështira dhe më problematike në një mënyrë tjetër.

5. Po Bashkia a do të na ndihmojë?

Kemi njerëz që do të interesohen dhe do të kërkojmë ndihmë nga bashkia. Nëse na japin një dorë, janë të mirëpritur. Megjithatë, ne do të jemi vetë ata që do të monitorojmë rrugën dhe fondet.

6. Si të bëjmë derdhjen?

Në bankë ose nga aplikacioni juaj celular (Mobile Banking), plotësoni këto të dhëna:

Emërtimi i derdhjes (Përshkrimi): "Fond për rrugën e fshatit Senisht"

Në emër të: Françeska Toçi

Llogaritë i keni me foto si më poshtë.

⚠️ Sapo të merrni mandat-pagesën nga banka, për transparencë na i dërgoni me foto.
7. Si do të vlerësohen kontribuesit? Në shenjë falënderimi dhe respekti, emri i çdo bashkëfshatari apo dashamirësi që kontribuon do të vendoset në Tabelën e Falënderimit të fshatit.

Për çdo pyetje apo paqartësi, më kontaktoni në numrin e telefonit: 📞 +355 68 479 4373

Mbarë e mirë të na vejë!

14/05/2026

Dikur ...

Dikur shtëpitë e fshatit tim
midis gjelbërimit ishin futur
nga larg ato nuk i shikoje dot
nën hijet e pemëve ishin strukur.

Kurse sot gërmadhat e tyre duken
kur i shikon të vjen për të qarë
pothuajse shumica e pemëve të fshatit
janë zhdukur,se nga rrënjët janë tharë.

VILSON MERSINLLARI
(Foto e bërë para 30 viteve-marrë nga libri me titull-Senishti në Gorë-i Dr Skënder Tairllarit.)

09/05/2026

Ju pershendesim dhe ju urojm nje nate te mire.

JAM NGA FSHATI

Jam nga fshati,ku era flet me malet
ku dielli lind,rrezaton mbi arat si ar
ku kënga e zogjve zgjon,mëngjeset e bardhë
dhe shpirti mbushet në lëndinat plot bar.

Jam nga fshati,ku rrënjët s’i harroj kurrë
ku toka mban me vete kujtimet në gji
ku çdo hap më thërret me emrin tim
dhe zemra më rreh atje,si dikur,përsëri.

Jam nga fshati u drejtohem njerëzve me inat
atyre që mundohen të shajnë fshatin tim
nuk e harroj vendlindjen,se më shkeli këmba në asfalt
jam krenar për këtë fshat,ky është fshati im.

VILSON MERSINLLARI .

08/05/2026

Kush ka mundësi, le te kthehet ne fshat.
Nese nuk mundeni me dot, jepjani t**en dhe shtepine, femijeve, niperve apo mbesave. Te mos humbim rrenjet.

Po ndermarrim nje nisem qe te rregullojme rrugen e fshatit. Te pakten pjeset me te veshtira. Ju lutem perhapeni fjalen tek bashkfshataret dhe dashamiresit.
Ne momentin qe do kemi llogarine hapur do ju njoftojme. ( Shiko postimin per rrugen per tu informuar ose na shkruani ne mesazh nese doni me shume informacione). Respekte per te gjithe.

14/01/2026

Kete rruge po e bej per te gjithe ju qe jeni larg dhe per ju qe tani ne moshe nuk ngjiteni dot me.
Rezervuari dhe malet mbajne ende hapat, zerat dhe kujtimet tuaja.

Send a message to learn more