Nisma: Mbro Lumin Shkumbin nga ndotjet - Librazhd

17/08/2026

✊ AKTIVIZMI NUK ËSHTË VETËM FJALË, ËSHTË VEPRIM DHE REZULTAT!

Sot gëzojmë një fitore konkrete për fermerët e Mirakës, Xibrakës dhe Polisit.

Pasi udhëzuam dhe ndihmuam banorët të organizoheshin kundër bllokimit të paligjshëm të burimit të ujit me beton e tuba, IKMT ndërhyri në terren duke liruar plotësisht kanalin e ujitjes së tokave!

📌 Mësimi i kësaj fitoreje?
Kur qytetarët e zonave rurale ngrenë zërin dhe mbrojnë të drejtat e tyre, institucionet detyrohen të veprojnë dhe abuzuesit marrin përgjigjen e merituar.

Uji është jetë dhe do të mbetet i lirë për të gjithë!

Lajmi plotë : https://www.lajmifundit.al/aktualitet/banoret-denoncuan-bllokimin-ikmt-liron-burimin-dhe-kanalin-e-ujitjes--i1334012

12/08/2026

🚨 Masakra mjedisore vazhdon: Dherat dhe inertet po varrosin lumin Shkumbin!

​Pamjet flasin vetë. Një masë e tërë e gjelbër dhe pyje po shkatërrohen para syve tanë, ndërsa dherat nga gërmimet e rënda po përfundojnë direkt në shtratin e lumit.

​Kjo ndërhyrje brutale në emër të projekteve infrastrukturore, siç është rasti i Korridorit 8, po bëhet “pa kurrfarë respekti për natyrën”. Shkatërrimi i ekosistemit të Shkumbinit nuk është zhvillim; është një kosto e pariparueshme për biodiversitetin tonë.
​Siç thuhet me të drejtë në video: një popull që lejon këtë masakër ndaj pasurisë së tij natyrore, tregon se sa të varfër jemi në mendje dhe shpirt. Nuk mund të heshtim ndërkohë që natyra jonë po gërryhet çdo ditë!

Video: ©️ Arlis Alikaj

09/08/2026

Nga Lutfi Dervishi :

Korridori 8 ka përfunduar… në letër

Dje u hapën 7.5 kilometrat e parë të aksit Elbasan-Qafë Thanë, pjesë e Korridorit VIII. Lajm i shkëlqyer, por edhe një rast i mirë për të parë kalendarin e punimeve dhe zotimet që u dhanë publikisht.

Punimet nisën, katër vite më parë, në dhjetor 2022 dhe aksi u nda në tetë faza.

Faza e parë u kontraktua më 5 dhjetor 2022. Afati i punimeve ishte 18 muaj. Sipas kontratës, duhej të përfundonte në qershor 2024.

Faza e dytë u kontraktua në qershor 2023, me afat 24 muaj. Duhej të përfundonte në qershor 2025.

Fazat e tretë dhe të katërt u kontraktuan në dhjetor 2023, përsëri me afat 24 muaj. Duhej të përfundonin në dhjetor 2025.

Katër fazat e fundit, V, VI, VII dhe VIII, u kontraktuan në korrik 2024. Të katërta me afat 24 muaj.

Duhej të përfundonin para një jave.

Jemi në gusht 2026. Afati fillestar i të tetë kontratave ka kaluar.

Në letër, pra, Korridori VIII në aksin Elbasan-Qafë Thanë duhej të ishte sot i kryer.
Portalet dhe rrjetet sociale janë mbushur me "lajmin" e prodhuar nga ministria Infrastrukturës se "janë hapur 7.5 kilometrat e parë".

Sikur edhe punimet të ecnin me ritmin e postimeve në Facebook, tani jo vetëm do të kishim mbërritur në Qafë Thanë, por do të ishim në Detin e Zi.

04/08/2026

Korridori 8 po rrezikon ekosistemin e Shkumbinit, por zëri i të rinjve në Elbasan nuk do të heshtet. Së bashku me studentët e Universitetit "Aleksandër Xhuvani", diskutuam hapat konkretë në terren për të mbrojtur pasuritë tona natyrore nga shkatërrimi. Ndiqni videon për të kuptuar pse mbrojtja e lumenjve tanë është një betejë për të ardhmen e të gjithëve!

31/07/2026

[🇺🇸English version below:]

Ka ditë kur presioni dhe puna në terren na rëndojnë, por momente të tilla na kujtojnë pse nuk dorëzohemi kurrë. Duam t'i shprehim një falenderim të ndjerë studiuesit dhe historianit, z. Avni Alcani.

Në emisionin "ADN - Natyrë" në RTSH (Radio Televizionin Shqiptar), ai u bë zëdhënësi ynë. Duke përdorur pamjet dhe materialet e Nismës sonë, ai ekspozoi masakrën mjedisore dhe shkatërrimin e ekosistemit në lumin Shkumbin.

Z. Alcani vlerësoi publikisht lëvizjen tonë për ndërgjegjësimin e opinionit shqiptar, duke gjetur kohën të lavdëronte edhe aktivistin tonë, Arlisin, për ngritjen e këtij alarmi deri në mediat ndërkombëtare si Deutsche Welle.

Ky është triumfi i një komuniteti që refuzon të heshtë. Kur studiues të tillë mbështesin hapur kauzën tonë, çdo kërcënim bëhet i papërfillshëm. Ne nuk jemi vetëm dhe nuk do të ndalemi!

Faleminderit, zoti Avni, që i dhe Shkumbinit zërin e munguar!

***
English Version:

There are days when the pressure and field work weigh heavy on us, but moments like these remind us why we never give up. We want to express our heartfelt thanks to researcher and historian, Mr. Avni Alcani.

On the show "ADN - Natyrë" on RTSH (Albanian public radio-television), he became our voice. Using the footage and materials of our Initiative, he exposed the environmental massacre and ecosystem destruction in the Shkumbin River.

Mr. Alcani publicly praised our movement for raising awareness among the Albanian public, taking the time to also praise our activist, Arlis, for sounding this alarm all the way to international media outlets like Deutsche Welle.

This is the triumph of a community that refuses to stay silent. When such researchers openly support our cause, every threat becomes negligible. We are not alone and we will not stop!

Thank you, Mr. Avni, for giving Shkumbin its missing voice!

"ADN" nga Ilir Yzeiri, një emision që ka në qendër artin, natyrën d...

26/07/2026

Por fatkeqësisht... sot Lumi Shkumbin po ngjan më shumë me një përrua, sesa me lumin tonë historik.

21/07/2026

(English version below)

KAUZA E LUMIT SHKUMBIN DHE KORRIDORIT VIII PËRÇOHET NË MEDIAT NDËRKOMBËTARE!

Zëri i nismës sonë për mbrojtjen e lumit Shkumbin dhe të drejtave të komunitetit tonë lokal tashmë ka kaluar kufijtë e Shqipërisë!

Media e njohur investigative çeke Voxpot (në emisionin e saj PULS) i ka kushtuar një hapësirë të veçantë situatës kritike mjedisore në vend. Në këtë mbulim ndërkombëtar, aktivisti dhe gazetari mjedisor Arlis Alikaj i dha zë kauzës sonë, duke ngritur shqetësimet për dëmet që po i bëhen shtratit të lumit Shkumbin nga punimet e Korridorit VIII.

Gjatë intervistës, Arlis bëri një lidhje mjaft të fortë dhe analitike, duke treguar se Sazani dhe Lumi Shkumbin janë dy anë të së njëjtës medalje.

📌 Pikat kryesore të trajtuara në mediat evropiane:

Modeli i njëjtë shkatërrues: Si projekti i resortit luksoz në Ishullin e Sazanit, ashtu edhe ndërhyrjet agresive në shtratin e lumit Shkumbin, ndjekin të njëjtën formulë: mungesë totale transparence, vendimmarrje nga lart-poshtë dhe shpërfillje e plotë e komuniteteve lokale.

E vërteta mbi Korridorin VIII: Zhvillimi i infrastrukturës nuk mund të përdoret si alibi për të shkatërruar lumin tonë më të gjatë, për të dëmtuar tokën bujqësore dhe për të lënë banorët pa ujë. Siguria dhe zhvillimi i vërtetë nuk arrihen duke sakrifikuar natyrën.

Ndryshimet Ligjore me Porosi: Ligji për Investimet Strategjike dhe ndryshimet në ligjin për Zonat e Mbrojtura po lehtësojnë tjetërsimin e pasurive tona publike dhe mjedisore në dëm të qytetarëve.

💬 "Sazani dhe Shkumbini tregojnë të njëjtën histori: Zero transparencë, zero konsultim publik me banorët dhe një natyrë që sakrifikohet. Ne nuk do të heshtim kur shohim se si burimet tona të ujit dhe trashëgimia natyrore po dëmtohen pa kthim."

Kjo vëmendje ndërkombëtare vërteton se lufta jonë për lumin Shkumbin është e drejtë, e bazuar në fakte dhe e mbështetur nga parimet evropiane të mbrojtjes së mjedisit.

Nuk do të ndalemi së mbrojturi ujin, tokën dhe të ardhmen e komunitetit tonë!

👉 Ndiqeni dhe shpërndajeni dokumentarin/episodin e plotë këtu:
🔗 https://www.youtube.com/watch?v=gJNUcuSHnMs&t=1s

🇬🇧 ENGLISH VERSION

THE CAUSE OF THE SHKUMBIN RIVER AND CORRIDOR VIII REACHES INTERNATIONAL MEDIA!

The voice of our initiative to protect the Shkumbin River and the rights of our local community has now crossed Albania's borders!

Renowned Czech investigative outlet Voxpot (in its show PULS) dedicated a special feature to the critical environmental situation in our country. In this international coverage, environmental activist and journalist Arlis Alikaj gave voice to our cause, raising serious concerns about the damage being inflicted on the Shkumbin riverbed by the construction of Corridor VIII.

During the interview, Arlis made a compelling analytical link, showing that Sazan Island and the Shkumbin River are two sides of the same coin.

📌 Key points highlighted in European media:
The Same Destructive Pattern: Both the luxury resort project on Sazan Island and the aggressive interventions in the Shkumbin riverbed follow the exact same formula: a complete lack of transparency, top-down decision-making, and total disregard for local communities.

The Truth About Corridor VIII: Infrastructure development cannot be used as an excuse to destroy our river, damage agricultural land, and leave residents without water. True security and development are not achieved by sacrificing nature.

Tailor-Made Legal Changes: The Law on Strategic Investments and the amendments to the Law on Protected Areas are facilitating the alienation of our public and environmental assets to the detriment of citizens.

💬 "Sazan and Shkumbin tell the exact same story: zero transparency, zero public consultation with residents, and a nature being sacrificed. We will not stay silent while watching our water resources and natural heritage be irreversibly damaged."

This international attention proves that our fight for the Shkumbin River is just, grounded in facts, and backed by European principles of environmental protection.

We will not stop defending our water, our land, and the future of our community!

👉 Watch and share the full episode here:
🔗 https://www.youtube.com/watch?v=gJNUcuSHnMs&t=1s

19/07/2026

Përshëndetje të gjithëve!

​Pas muajsh përkushtimi, hulumtimesh dhe pune në terren, kemi kënaqësinë të ndajmë me ju numrin e parë të gazetës sonë elektronike (newsletter), të krijuar nga ekspertë mjedisi e gjeologë, gazetarë të pavarur dhe aktivistë të përkushtuar ndaj lumit Shkumbin. 😍

​Në këtë edicion të parë, që publikohet shumë shpejt më 31 Korrik, do të gjeni:

Rubrika 1. ​"Na ishte njëherë lumi Shkumbin...": Podcasti ynë i dytë, shoqëruar me materiale historike, foto dhe video të lumit para dhe pas vitit 2024 (kohës së fillimit të punimeve), si dhe diskutime të thella në studio.

Rubrika 2. ​10 personalitete, 10 këndvështrime: Biseduam me 1 ish-futbollist, 1 mësuese, 3 inxhinierë dhe 5 emigrantë librazhdiotë për të sjellë perspektivën e tyre për lumin.

Rubrika e ​opinionit: Korridori VIII – Zhvillim apo shkatërrim?

Rubrika e analizës: Pse në Librazhd dhe Përrenjas protestat u ndoqën nga shumë pak qytetarë?

​Rubrika "Guxim": Harta e ndotjes, me emrat e bizneseve që po dëmtojnë lumin nga Përrenjasi deri në Vilë-Bashtovë.

Rubrika ​monitorim: Cilat deputetë dhe politikanë lokale kanë reaguar (apo kanë heshtur) për fatin e lumit.

​Një botim prej 31 faqesh në shërbimin tuaj.

​Për arsye sigurie dhe për të testuar një model të ri që na garanton qëndrueshmëri në të ardhmen, kjo gazetë do të shpërndahet vetëm përmes kërkesës.

​Për të marrë PDF-në e parë, na shkruani në:
📧 [email protected]

​Ju falenderojmë për mbështetjen! 💙

Në solidaritet,

Nisma: Mbro Lumin Shkumbin nga ndotjet - Librazhd

17/07/2026

Përbindëshi në mes të qytetit: Ku dikur rridhte uji, sot ka vetëm baltë

Thonë se "Përbindëshi" apo "Bolla" fshihen në vende të thella, por këtu në mes të Librazhdit, ai është ulur këmbëkryq. Shikoni foton: aty ku dikur kishte ujë dhe natyrë, sot ka vetëm baltë, rrënim dhe një makineri që gërryen tokën pa ndërprerje.

Sytë tanë takojnë qytetarët e Librazhdit që kalojnë pranë këtij peizazhi. Shumë prej tyre heshtin, indiferentë. Nuk mund t'i gjykojmë, përkundrazi, ua qajmë hallin.

Kur shikon që forca e parasë dhe makineritë e rënda shkatërrojnë gjithçka pa pyetur për ligj apo për ambient, apatia nuk është mungesë dashurie për qytetin, por një formë e dhimbshme e pafuqisë.

Kur njerëzit dorëzohen, "Përbindëshi" bëhet më i pangopur.

Ne jemi këtu për të mos lejuar që heshtja të bëhet normë. Kjo baltë nuk është thjesht tokë e zhvendosur; është një copë e së ardhmes tonë që po mbulohet me inerte. Librazhdi meriton më shumë se kaq.