03/08/2026
🍯🌿 U zhvillua me sukses aktiviteti përmbyllës i projektit "Forcimi i Komuniteteve Rurale dhe Ruajtja e Biodiversitetit përmes Bletarisë së Qëndrueshme dhe Edukimit Mjedisor".
Shoqata Agri-En organizoi aktivitetin përmbyllës të këtij projekti, duke bërë një përmbledhje të rezultateve të arritura dhe ndikimit pozitiv që ai ka sjellë në komunitetet lokale.
Gjatë zbatimit të projektit u realizuan një sërë aktivitetesh ndërgjegjësuese dhe praktike, të cilat kontribuan në:
🐝 rritjen e njohurive për bletarinë e qëndrueshme dhe rëndësinë e saj për biodiversitetin;
🌱 ndërgjegjësimin e të rinjve, institucioneve dhe komuniteteve për mbrojtjen e mjedisit;
♻️ promovimin e praktikave të përgjegjshme për ruajtjen e natyrës dhe reduktimin e ndotjes;
🤝 forcimin e bashkëpunimit ndërmjet organizatave, institucioneve vendore, shkollave, bletarëve dhe komunitetit.
Ky aktivitet shërbeu gjithashtu si një mundësi për të ndarë përvojat, sfidat dhe mësimet e nxjerra gjatë zbatimit të projektit, si dhe për të diskutuar mbi rëndësinë e vazhdimit të iniciativave që mbështesin zhvillimin e qëndrueshëm dhe mbrojtjen e biodiversitetit.
Falënderojmë të gjithë partnerët, institucionet, bletarët, përfaqësuesit e pushtetit vendor dhe anëtarët e komunitetit për angazhimin dhe kontributin e tyre në suksesin e këtij projekti.
Ky projekt u zbatua nga Shoqata Agri-En në kuadër të projektit Green-AL, me mbështetjen financiare të Agjencisë Ndërkombëtare Suedeze për Bashkëpunim dhe Zhvillim (Sida) me fonde të Qeverisë Suedeze financuar nga Sida dhe zbatuar nga CoPlan Institute for Habitat Development, në bashkëpunim me VIS Albania dhe COSV.
Së bashku për komunitete më të forta, natyrë më të mbrojtur dhe një të ardhme më të gjelbër! 🌿🐝
