People of Kukës

29/08/2026

Disa shtëpi heshtin jo sepse janë vjetruar, por sepse njerëzit brenda tyre janë pakësuar.
Ky është realiteti i jetës... Tryezat e mbushura me njerëz bëhen më të vogla, në festa pakësohen ata që presim, dhe shtëpia që dikur na dukej e ngushtë, një ditë mbetet tepër e madhe për ne.
Pastaj dyert hapen gjithnjë e më rrallë. Kopshtet mbeten të pambikëqyrura. Suvaja e mureve bie, çatitë shemben.
Kur kalojmë pranë tyre, themi: “Një shtëpi e vjetër.” Por mes atyre mureve gjenden fëmijëria e dikujt, zëri i nënës së tij, këshillat e babait dhe të qeshurat e vëllezërve e motrave.
Në të vërtetë, shtëpitë nuk kthehen në rrënoja kur braktisen, por kur largohet edhe njeriu i fundit që i kujton.
Ndoshta pikërisht për këtë arsye, kur shohim disa shtëpi të vjetra, na shtrëngohet zemra pa e ditur pse...
Sepse ajo që shohim nuk është thjesht një rrënojë, por gjurmët e një jete që nuk do të kthehet më.

19/08/2026

https://tregukht.al/
📢 TreguKHT është tani LIVE!

Përshëndetje të gjithëve! 👋

Para disa vitesh u premtova diçka — një platformë të vërtetë, tonën, ku njerëzit e Kukësit, Hasit dhe Tropojës mund të shesin, blejnë, dhe të gjejnë qera makinash pa pasur nevojë të kalojnë nëpër grupe Facebook të mbushura apo faqe kombëtare ku njoftimi ynë humbet mes mijëra të tjerave.

Sot, ai premtim është realitet: 🌐 tregukht.al

✅ Posto falas — shtëpi, makina, elektronikë, çfarëdo që do të shesësh
✅ Qera makinash — kompanitë lokale postojnë makinat e tyre, klientët rezervojnë online
✅ Komunitet lokal — vetëm për Kukës-Has-Tropojë, jo i humbur mes qyteteve të tjera
✅ I thjeshtë — regjistrohesh, postos, gati brenda minutash

Ju ftoj përzemërsisht të gjithëve — miq, fqinjë, njerëz të rajonit — ta provoni, ta postoni njoftimin tuaj të parë, dhe ta ndani me të tjerët që mund të kenë nevojë.

👉 tregukht.al

Faleminderit që pritët kaq gjatë — ia vlejti.

16/08/2026

Mirëmëngjes! ☀️

Le ta nisim këtë ditë me qetësinë e liqenit, madhështinë e maleve dhe bukurinë e natyrës. 💙🏔️

09/08/2026

Tulipa Albanica
Kukësi, atdheu i Tulipa Albanica
Ndërsa këmba i shkelte rrugëve të fshatit Surroj në Kukës, nuk e kishte menduar që nga kjo tokë do të gjente një “thesar” siç e quan ai. Zbulimi i rrallë është bërë nga biologu jonë kukësian Besnik Hallaçi . Është hera e parë që një shqiptar zbulon një lloj bime, e cila rritet vetëm në vendin tonë. Për të nuk ka një atdhe të dytë. Kjo bimë endemike është bërë e famshme në të gjithë botën dhe është regjistruar në data-baze në radhë të simotrave të saj anembanë globit. Por, mbi të gjitha mban një emër që na përfaqëson, “Tulipa Albanica”.

07/08/2026

25/07/2026

"Ka këngë që të hyjnë në shpirt pa trokitur. 🥀

Zambaku i ujit për mua nuk është thjesht një lule – është ajo ndjenja që nuk guxon ta emërtosh me zë. Është kujtimi i dikujt që s'është më, por që vazhdon të notojë diku thellë brenda teje, si ajo lule mbi sipërfaqen e liqenit.

Sa herë e dëgjoj, më kujtohet nëna ime. Ajo ishte si zambaku – e butë, e pastër dhe e fortë në të njëjtën kohë. Lulëzonte në mes të vështirësive dhe jepte dritë pa kërkuar asgjë. Dhe kur iku, mbeta si ai uji i qetë, duke pritur që ajo të çelte sërish çdo mëngjes.

Kjo këngë flet për atë lloj dashurie që nuk vdes. Ajo që rri aty, e heshtur, por e gjallë. Ajo që e ndjen në erë, në shi, në çdo agim kur dielli puth liqenin.

Nëse e keni dëgjuar ndonjëherë dhe ua ka prekur zemrën, shkruani në komente: kujt ju kujton zambaku i ujit? 👇