21/05/2026
Një falënderim i veçantë për të gjithë ata që kontribuan në realizimin e dokumentarit “Flija – Tradita në Ekran”, një rrëfim që sjell në vëmendje jo vetëm një gatim tradicional, por një mënyrë jetese dhe një trashëgimi të gjallë kulturore nga Kukësi.
Së pari, mirënjohje e thellë për familjen Shehu në Fshat, Grykë Çaje, për mikpritjen e tyre të rrallë dhe për ndarjen me ne të një tradite që vazhdon të jetohet çdo javë në shtëpinë e tyre, duke e kthyer përgatitjen e flisë në një ritual familjar dhe komunitar.
Falënderime të veçanta për regjisorin Gjergj Figuri, për vizionin dhe ndjeshmërinë artistike në ndërtimin e një rrëfimi autentik që e sjell traditën në ekran me vërtetësi dhe emocion.
Për narracionin, një rol thelbësor ka Asia Koka, e cila me zërin dhe interpretimin e saj i dha dokumentarit ritëm, ndjeshmëri dhe thellësi, duke e bërë rrëfimin të gjallë dhe të afërt për publikun.
Organizimi i gjithë këtij procesi u realizua me përkushtim nga Bukurosh Onuzi, i cili koordinoi çdo hap të projektit me energji dhe profesionalizëm.
Një falënderim i veçantë shkon për të gjithë pjesëmarrësit që u bënë pjesë e kësaj eksperience, duke e kthyer këtë dokumentar jo vetëm në një vepër artistike, por në një përjetim të përbashkët kulturor.
Në mënyrë të veçantë, mirënjohje për shkrimtarin çajan, skenaristin Hekuran Koka, i cili me dashuri të sinqertë për vendlindjen nuk ka lënë asnjë moment pa e kthyer në kujtesë dhe emocion për Kukësin dhe traditat e tij.
Shënimi “On Screen” në titull nuk është thjesht një element stilistik, por një dëshmi e qartë e momentit të “të qenit në ekran” — një term që në gjuhën e kinemasë dhe transmetimit nënkupton prezantimin e një realiteti të kapur në kohë reale, si një çast i jetuar dhe i dokumentuar. Në këtë kuptim, dokumentari nuk e rrëfen traditën si kujtim të largët, por si një moment të gjallë që ndodh përpara syve të publikut, duke e kthyer flijen dhe gjithë procesin e saj në një përvojë “live” të historisë dhe kulturës.
Ky projekt dëshmon edhe një herë se kur bashkohen njerëzit, pasioni dhe dashuria për trashëgiminë, lindin vepra që e ruajnë dhe e çojnë përpara identitetin tonë kulturor.
ℹ️ Ky dokumentar është prodhuar nga Ekologët për Rajonin e Kukësit në kuadër të skemës së minigranteve të projektit “Heritage is our Brand”, që zbatohet nga DMO Albania dhe EU Policy Hub, me financim nga Bashkimi Europian.
Flija- tradita në ekranNjë dokumentar nga Ekologet për Rajonin Kukës, organizata fituese e granteve të dhëna nga projekti Heritage is Our Brand, - projekt që...
