07/04/2026
FEDERATA NDËRKOMBËTARE E PAQES UNIVERSALE MIRËPRET NOMINIMIN E DR. HAK XHA HAN PËR ÇMIMIN NOBEL PËR PAQE 2026
Federata Ndërkombëtare e Paqes Universale, me kënaqësi, njofton se dr. Hak Ja Han, bashkëthemeluese e Federatës së Paqes Universale, është nominuar zyrtarisht për Çmimin Nobel për Paqe 2026 nga Dr. Ján Figeľ, ish-i Dërguari Special i Bashkimit Evropian për Lirinë e Fesë, ose Besimit dhe president i FOREF Europe.
Ky nominim njeh kontributet prej dekadash të dr. Han në ndërtimin e paqes ndërkombëtare, dialogun ndërfetar, bashkëpunimin humanitar dhe përpjekjet për pajtim, veçanërisht në lidhje me Gadishullin Korean.
Në prezantimin e tij, Dr. Figeľ theksoi disa prej nismave kryesore:
• Bashkëpunimi ndërfetar: Emërimi i mijëra Ambasadorëve për Paqe anembanë botës për të kapërcyer ndasitë fetare dhe kulturore
• Iniciativat për paqe në Gadishullin Korean: Organizimi i samiteve ndërkombëtare "Tubime Shprese" që promovojnë ribashkimin paqësor (të Gadishullit Korean)
• Vlerësime humanitare: Themelimi i Çmimit të Paqes “Sunhak” në nder të promotorëve të paqes globale
• Angazhimi me Kombet e Bashkuara: Bashkëpunimi i FPU-së dhe Federatës së Grave për Paqe Botërore (me OKB-në) përmes Statusit të Përgjithshëm Konsultativ me Këshillin Ekonomik dhe Social të OKB-së (ECOSOC)
• Iniciativa e Paralelit të 38-të për Paqe: Propozim për të krijuar një park ndërkombëtar paqeje në Zonën e Çmilitarizuar mes Koreve
• Diplomacia kulturore: Shtrirje globale përmes Baletit Folklorik për Fëmijë “Engjëjt e Vegjël” të Koresë
“Dr. Hak Ja Han ka demonstruar një angazhim gjatë gjithë jetës së vet për ndërtimin e paqes të rrënjosur në dialog, bashkëpunim dhe respekt për dinjitetin njerëzor”, tha Dr. Fige.
“Puna e saj ka bashkuar në vazhdimësi udhëheqës dhe komunitete përtej ndasive ideologjike, fetare dhe politike.”
“Vepra e jetës e Dr. Hak Ja Han përfaqëson një investim të jashtëzakonshëm dhe të qëndrueshëm në paqe”, tha Dr. Tageldin Hamad, President i FPU Internacional.
“Përmes ndërtimit të institucioneve, dialogut global, angazhimit humanitar dhe diplomacisë kulturore, ajo ka ndihmuar në krijimin e platformave ku bashkëpunimi mund të lulëzojë dhe ku idealet e paqes përkthehen në veprime praktike.”
E lindur në atë që tani njihet si Koreja e Veriut dhe e formësuar nga përjetimi i luftës dhe ndarjes, dr. Han ia ka kushtuar jetën e saj promovimit të pajtimit dhe forcimit të familjeve dhe komuniteteve si themele për paqe të qëndrueshme.
Në vitin 1992 ajo bashkëthemeloi Federatën e Grave për Paqe Botërore dhe në vitin 2005 Federatën Universale të Paqes, të cilat që të dyja janë zhvilluar në rrjete globale të cilat mbështesin nisma për paqe.
Gjithashtu, ky nominim vjen mes raportimeve të lidhura me paraburgimin aktual të dr. Han, i cili ka ngritur shqetësim midis vëzhguesve në bashkësinë ndërkombëtare.
Sipas raportimeve publike çështja ka tërhequr vëmendjen mes qarqeve politikëbërësve dhe vëzhguesve diplomatikë.
Nominimet për Çmimin Nobel për Paqen janë konfidenciale dhe Komiteti Norvegjez i Nobelit merr qindra nominime çdo vit.
Nominimi nuk nënkupton përzgjedhjen, por pasqyron njohjen e kontributeve të rëndësishme për paqen dhe bashkëpunimin ndërkombëtar.
RRETH FEDERATËS SË PAQES UNIVERSALE:
Federata e Paqes Universale është një organizatë ndërkombëtare jofitimprurëse e përkushtuar në promovimin e paqes përmes dialogut, edukimit dhe iniciativave bashkëpunuese.
FPU mban statusin e PËRGJITHSHËM konsultativ me Këshillin Ekonomik dhe Social të OKB-së (ECOSOC) dhe mbështet programe për bashkëpunimin ndërfetar, zhvillimin e qëndrueshëm dhe bashkëpunimin ndërkombëtar.
Kontaktet:
Email: [email protected]; [email protected]
Telefon: 0692070670
Adresa: Ambasada e Paqes, Rr. Kuvajt, Tiranë
