Biblioteka Publike "Thimi Mitko", Korçë

Call Directions Website Contact the organization

Biblioteka Publike "Thimi Mitko", Korçë Kjo eshte e vetmja faqe zyrtare e Bibliotekes "Thimi Mitko".

📚 Korça kujton ditën e çlirimit!Me rastin e ditës së Çlirimit të Korçës, në ambientet e Bibliotekës së Fëmijëve “Thoma T...
24/10/2026

📚 Korça kujton ditën e çlirimit!

Me rastin e ditës së Çlirimit të Korçës, në ambientet e Bibliotekës së Fëmijëve “Thoma Turtulli”, nxënëset e klubit të histori-gjeografisë të klasës VIII-A dhe nxënësit e klasave të gjashta të shkollës “Mësonjëtorja e Parë Shqipe”, nën drejtimin e mësueseve të historisë dhe gjeografisë, Manjola Gjata dhe Brikena Bejko, organizuan një veprimtari historike.
Përmes prezantimeve dhe një ekspozite të përgatitur prej tyre, nxënësit sollën në vëmendje ngjarje dhe momente të rëndësishme që çuan në çlirimin e Korçës, më 24 tetor 1944.
🇦🇱Kjo ditë na kujton sakrificat dhe guximin e njerëzve që luftuan për lirinë e qytetit tonë, dhe përmas këtyre veprimtarive, nxënësit njohin më mirë historinë e Korçës duke mësuar të vlerësojnë lirinë dhe të kaluarën.
📖Biblioteka mbetet një vend ku bëhen bashkë historia, dija dhe kultura, duke nxitur te fëmijët dëshirën për të mësuar dhe për të njohur më mirë historinë e vendit të tyre.

➡️ Në kuadër të Vitit të Mihal Gramenos, me rastin e 155-vjetorit të lindjes dhe 95-vjetorit të ndarjes nga jeta, sot n...
23/10/2026

➡️ Në kuadër të Vitit të Mihal Gramenos, me rastin e 155-vjetorit të lindjes dhe 95-vjetorit të ndarjes nga jeta, sot në ambientet e Bibliotekës Publike “Thimi Mitko”, në Sallën me Fond të Hapur, u organizua një veprimtari përkujtimore kushtuar Mihal Gramenos, personalitetit të shquar të Rilindjes Kombëtare Shqiptare, atdhetarit, shkrimtarit dhe publicistit që ia kushtoi jetën çështjes kombëtare.
Veprimtaria u organizua nga Biblioteka Publike “Thimi Mitko”, me mbështetjen e Bashkisë Korçë.
➡️Studiues, familjarë dhe dashamirës të librit e të historisë u mblodhën për të kujtuar jetën dhe veprën e tij, për të ndarë njohuri e reflektime dhe për ta sjellë më pranë nesh këtë figurë të rëndësishme të historisë shqiptare.
Një moment i veçantë ishte ndarja e kujtimeve nga familjarja Lina P**a, e cila solli një dimension më njerëzor në këtë takim, duke na kujtuar se pas emrave që zënë vend në histori qëndrojnë edhe kujtime, përjetime dhe histori familjare që përcillen brez pas brezi.
➡️Në bashkëpunim me Drejtorinë e Përgjithshme të Arkivave u çel ekspozita “Mihal Grameno përmes dokumenteve, dorëshkrimeve dhe fotografive të Drejtorisë së Përgjithshme të Arkivave”. Dokumentet dhe fotografitë e ekspozuara i dhanë publikut mundësinë të afrohej më shumë me jetën dhe veprimtarinë e Gramenos.
➡️Takimi u pasurua me kumtesat e studiuesve Thanas Gjika, Elsa Saka, Niko Kotherja, Ilir Shyta, prof. dr. Klara Kodra Lonora Hysolli dhe Jorida Tollkuçi, të cilët sollën këndvështrime të ndryshme mbi atdhetarizmin e tij, jetën në shërbim të atdheut, kontributin e familjes Grameno, krijimtarinë letrare dhe veprimtarinë publicistike, përfshirë gjurmët e tij në shtypin e kohës që ruhen në koleksionet e Bibliotekës “Thimi Mitko”.
➡️Një takim ku historia,hulumtimi dhe kujtesa familjare u bënë bashkë për të na kujtuar se figura të tilla nuk i përkasin vetëm së kaluarës. Ato mbeten pjesë e identitetit tonë dhe e trashëgimisë që kemi përgjegjësinë ta ruajmë e t’ua përcjellim brezave të rinj.



@

22/10/2026

Një video me momente nga aktiviteti i sotëm, "Takohemi për një libër" me nxënësit e klasave VII, VIII dhe IX të shkollës "Pandeli Cale".

📚 “Takohemi për një libër” Nxënësit bëhen pjesë e botës së letërsisë! Në Bibliotekën e Fëmijëve “Thoma Turtulli”, sot pa...
22/10/2026

📚 “Takohemi për një libër”
Nxënësit bëhen pjesë e botës së letërsisë!

Në Bibliotekën e Fëmijëve “Thoma Turtulli”, sot patëm kënaqësinë të mirëprisnim nxënësit e klasave VII, VIII dhe IX të shkollës “Pandeli Cale”, të cilët, në kuadër të Tetorit të Librit, sollën një veprimtari të bukur letrare, të organizuar nën drejtimin e mësueses së tyre, Ermira Bako dhe shoqërimin e drejtoreshës së shkollës, Voltisa Qirici, mësuesit Arjan Kallço dhe disa prej prindërve.

📚Nën moton “Takohemi për një libër”, nxënësit krijuan një atmosferë të ngrohtë, ku dashuria për librin u shpreh përmes fjalës, imagjinatës dhe emocioneve.
Veprimtaria u pasurua me intervista imagjinare me shkrimtarët e tyre të preferuar, përmes të cilave nxënësit shpalosën kureshtjen dhe njohuritë e tyre mbi jetën dhe krijimtarinë e autorëve. Disa prej tyre kishin shkruar letra drejtuar shkrimtarëve të ndryshëm, duke përcjellë mendimet, ndjesitë dhe vlerësimin e tyre për veprat që i kishin ndier më shumë.
Pjesë interesante ishte edhe prezantimi i personazheve letrare në vetën e parë, ku nxënësit sollën karakteret, tiparet dhe botën e brendshme të personazheve.
👫Një tjetër moment i veçantë ishte recitimi i poezive nga nxënësit, të cilët i dhanë fjalës artistike emocion dhe gjallëri.
Veprimtaria u mbyll me një interpretim të ndjerë e profesional nga mësuesja Ermira Bako, e cila recitoi vargjet e njohura të poezisë “Kur të jesh mërzitur shumë” të Dritëro Agollit, duke i dhënë këtij takimi një përmbyllje të veçantë emocionale.

👏Përgëzime nxënësve të shkollës “Pandeli Cale” për përkushtimin, krijimtarinë dhe interpretimet e tyre, si dhe mësueses Ermira Bako për drejtimin e kësaj veprimtarie të pasur dhe frymëzuese. Takime të tilla dëshmojnë se libri nuk është thjesht një histori që lexohet por një emocion që përjetohet.

👫Një vizitë plot dashuri për librin! 🍂📚Biblioteka e Fëmijëve “Thoma Turtulli” mirëpriti nxënësit e klasës së dytë të shk...
21/10/2026

👫Një vizitë plot dashuri për librin! 🍂

📚Biblioteka e Fëmijëve “Thoma Turtulli” mirëpriti nxënësit e klasës së dytë të shkollës “Stavri Themeli”, të organizuar nga mësuesja e tyre, Majlinda Anxhara.
🌿📖Nxënësit sollën si dhuratë libra me tituj të ndryshëm, ndërsa në bluzat e tyre kishin ngjitur nga një gjethe me një thënie për vlerën e librit.
Një gjest i bukur që përcjell dashurinë për librin dhe rëndësinë e leximit që në fëmijëri!

Në kuadër të 135-vjetorit të Shkollës së Vashave, kemi nderin t'ju ftojmë të merrni pjesë në ceremoninë e hapjes së eksp...
20/10/2026

Në kuadër të 135-vjetorit të Shkollës së Vashave, kemi nderin t'ju ftojmë të merrni pjesë në ceremoninë e hapjes së ekspozitës jubilare, e cila do të zhvillohet në godinën e saj të parë historike.
➡️Data: 22 Tetor 2026, ora 11:00
➡️Vendi: Rruga "Stefan Andrea", Korçë
➡️Nga data 22–24 Tetor
Programi i aktivitetit përmban:
🏛 Guidë zyrtare në mjediset e ndërtesës historike
🪙 Prezantimin e monedhës komemorative
📖 Dhurimin e librit "Jeta ime" të Sevasti Qiriazi-Dakos
Pjesëmarrja juaj nderon këtë ngjarje të rëndësishme të arsimit dhe kultures sonë kombëtare.




16/10/2026

📚 Tetori i Librit në bibliotekën “Thoma Turtulli!
Në Bibliotekën e Fëmijëve “Thoma Turtulli” patëm kënaqësinë të mirëpresim nxënësit e shkollës “Myfit Mero” nga fshati Vreshtas.
👫Është kënaqësi e veçantë të shohim se dashuria për librin i sjell fëmijët në bibliotekën tonë edhe nga larg, duke treguar se dëshira për të lexuar nuk njeh distanca.
Faleminderit për vizitën! Ju mirëpresim gjithmonë mes librave, dijes dhe buzëqeshjeve!

14/10/2026

Disa momente nga aktiviteti letrar kushtuar Migjenit...

14/10/2026

Disa momente nga aktiviteti letrar kushtuar Dritëro Agollit...

📚 Dy shkrimtarë të mëdhenj, një pasuri e çmuar e letërsisë shqipe!🏫Në Bibliotekën e Fëmijëve “Thoma Turtulli”, në kuadër...
13/10/2026

📚 Dy shkrimtarë të mëdhenj, një pasuri e çmuar e letërsisë shqipe!

🏫Në Bibliotekën e Fëmijëve “Thoma Turtulli”, në kuadër të Tetorit të Librit, u zhvilluan dy aktivitete letrare kushtuar dy figurave të shquara të letërsisë shqiptare, Migjenit dhe Dritëro Agollit, në ditën e lindjes së tyre.
✨ Për Migjenin u oganizuan nxënësit e klasës së gjashtë të shkollës “Mësonjëtorja e Parë Shqipe”, nën drejtimin e mësueses Mira Petriti. Ata u njohën më nga afër me jetën dhe krijimtarinë e autorit, duke diskutuar dhe analizuar disa nga veprat e tij më të rëndësishme, të cilat mbeten një dëshmi e fuqishme e ndjeshmërisë dhe vështrimit kritik ndaj shoqërisë.
✨ Aktiviteti kushtuar Dritëro Agollit u zhvillua nga nxënësit e klasave të 7-ta dhe të 8-ta të shkollës “Sotir Gura”, së bashku me mësueset e letërsisë.
Përmes njohjes me jetën dhe veprën e shkrimtarit, nxënësit sollën në vëmendje vlerat e krijimtarisë së tij, të pasur me mendim, ndjenjë dhe dashuri për njeriun e vendin.
👏Migjeni dhe Dritëro Agolli, secili me zërin dhe stilin e tij të veçantë, kanë lënë gjurmë të pashlyeshme në letërsinë dhe kulturën shqiptare. Veprat e tyre mbeten një pasuri e çmuar, që vazhdon të frymëzojë brezat dhe të përcjellë mesazhe me vlerë edhe sot.
Biblioteka e Fëmijëve “Thoma Turtulli” vijon të krijojë hapësira ku fëmijët zbulojnë letërsinë, njohin shkrimtarët tanë dhe kultivojnë dashurinë për librin e kulturën shqiptare. ‎

Address

Bulevardi "Republika”, Lagjja 2, Godina 81, ZK 8562
Korçë
7001

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 09:00 - 21:00
Saturday 09:00 - 03:00

Telephone

082242949

Website

Alerts

Be the first to know and let us send you an email when Biblioteka Publike "Thimi Mitko", Korçë posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Biblioteka Publike "Thimi Mitko", Korçë:

Shortcuts

Share

Category