27/11/2024
Sot në gjimnazin “Shaban Çollaku” u zhvillua aktiviteti i festës së 28-29 Nëntorit 🇦🇱
Të rinjtë e gjimnazit na dhanë një spektakël të vërtetë plot emocione dhe energji që prekën zemrat e të gjithëve. Midis kërcimeve tradicionale, aktrimeve plot pasion dhe përformancave të veçanta, aktiviteti ishte një festë e vërtetë për Ditën e Pavarësisë dhe Ditën e Çlirimit!
🎉 Organizatorët e talentuar të këtij aktiviteti ishin:
• Malvina Pali
• Besmir Lleshi
• Miftar Mamica, një figurë e spikatur e gjimnazit tonë që ka dhënë një kontribut të jashtëzakonshëm jo vetëm në këtë aktivitet, por në të gjitha iniciativat shkollore ndër vite. Profesor Miftari, i cili do të largohet së shpejti nga shkolla jonë, është një mësues me vlera të mëdha dhe një frymëzim për të gjithë ne. Këshilli Vendor Rinor i uron një jetë plot shëndet, suksese dhe lumturi!
🙏 Një falenderim i veçantë shkon për gjithë stafin pedagogjik dhe veçanërisht për drejtoreshën e gjimnazit, znj. Hazbie Dedolli, për përkushtimin dhe mbështetjen e saj të palodhshme në çdo aktivitet.
Festa u zhvillua mes një atmosferë festive me vallet dhe kostumet tradicionale shqiptare që pasqyruan plot krenari kulturën tonë. 🇦🇱🎭
