22/05/2026
Është bërë e modës që në adresa fallco fb, apo fshehur prapa një emri anonim dhe më keq njerëz që nxjerrin kokën si minjtë nga pusetat pa kapak, për të përbaltur punën, imazhin dhe vlerat e një organizate punëmarrësish si FSASH & SPASH, siç është sektori i arsimit parauniversitar qendrore apo lokale.
Me orekse shfrenuese, me urrejtje e shpirt djallëzor, përcjellin mesazhe me regji, për të denigruar punën dhe prestigjin e kësaj aleance.
Dhe në fund rezultojnë ose anonim djallëzor, ose “mësues” që ju mungon edukata dhe formimi mbi informacionin për profesionin, kulturën e punës, Kodin e Punës e Kontratët Kolektive të Punës në APU, të cilët helmojnë, çorodisin dhe përbaltin punën e angazhimin e Aleancës sindikale në mbështetje e në respekt të partneritetit social punëdhënës-punëmarrës.
Ndodh shpesh që persona të tillë të jenë “mësues” që përfitojnë nga Kontrata Kolektive e Punës dhe përbaltin palën përfaqësuese të punëmarrësit.
Kjo lloj përbaltje veçse dëmton rëndë atë që është arritur e të tjera kërkesa që janë në negocim me MA.
Ndër shumë raste anonimësh e gojëhelmuarit ishte dhe rasti i fundit ku ai fliste me pa të drejtë duke përbaltur punën e sindikatës dhe na rezulton që pasi ka punuar drejtues shkolle në mënyrë të pamerituar për shumë vite ka përqafuar ëndërrën amerikane dhe me këtë ëndërr në shpirt e djallëzi në mendje përcjell helm drejt Shqipërisë si të vetmen vlerë që ka marrë nga Shqipëria.
Kujtojmë që në respekt të edukatës dhe qëllimit të faqes ne do të përcjellim informacione që rrisin dhe përforcojnë kulturën e punës në sektorin e arsimit, por edhe konsulencë ligjore për secilin që punon në arsim për çdo problematikë personale e familjare.
Fundjavë të mbarë për profesionistët e edukimit!
