Fshati Hamallaj Sektor

28/08/2025

NJOFTIM
Njoftohen të gjithë drejtuesit e automjeteve të Njësisë Administrative Sukth, Manëz, Ishëm , të cilët përdorin segmentin rrugor Sukth- Kullë dhe anasjelltas Kullë- Sukth, në kilometrazhin 10+418 se, më datë 28.08.2025 deri më 29.08.2025 nga ora 00:00 deri në 04:00, në kuadër të rikonstruksionit të linjës hekurudhore Durrës–Tiranë Terminali Publik i Transportit (TPT) si dhe ndërtimit të linjës së re hekurudhore drejt Aeroportit Ndërkombëtar të Rinasit (ANR), do të kryhen punime që do të ndikojnë në qarkullimin rrugor në kalimin hekurudhor Fusha Sportive, Sukth.
Gjatë këtij orari, ky kalim do të jetë totalisht i bllokuar nga të dyja anët për shkak të ndërhyrjeve në infrastrukturën hekurudhore nga punimet e kryera nga kompania.
🛑 Lutemi qytetarët dhe drejtuesit e mjeteve të shmangin këtë segment rrugor gjatë orareve të sipërpërmendura dhe të ndjekin rrugë alternative.
👮 Shërbimet e Policisë Bashkiake do të jenë në terren për të mbikëqyrur dhe kontrolluar trafikun.

14/04/2025

ℹ️ Hapen aplikimet për Skemën Kombëtare 2025

📢 Agjencia për Zhvillim Bujqësor dhe Rural njofton se sot, datë 14 prill, ora 08:00, janë hapur aplikimet për Skemën Kombëtare të Mbështetjes në Bujqësi për vitin 2025.

Fermerët mund të aplikojnë deri më 30 maj për të përfituar në masat si më poshtë:

1️⃣ Mbështetje për tufën bazë të matrikulluar të gjedhëve
2️⃣ Mbështetje për tufën bazë të matrikulluar të të imtave
3️⃣ Mbarështim i bletarisë
4️⃣ Mbështetje për fara, fidanë dhe inpute të tjera
5️⃣ Mbështetje për kultivimin e bimëve mjekësore e aromatike
6️⃣ Mbështetje për fermat organike
7️⃣ Certifikimi Global GAP
8️⃣ Mbështetje me naftë për punimet e mekanizuara në bujqësi

📌 Të gjitha kriteret dhe dokumentacioni i nevojshëm për aplikim janë të publikuara në faqen zyrtare të AZHBR-së.

📞 Për çdo pyetje, mund të drejtoheni pranë Agropikave, zyrave të AREB-it, ose të kontaktoni pa pagesë në numrin e gjelbër 0800 83 83, si dhe në adresën e emailit: [email protected].

🖥️ Aplikimi kryhet online përmes portalit e-Albania, nga sot datë 14 prill, ora 08:00, deri më 30 maj, ora 24:00.

10/03/2025

05/02/2025

🟢 24 shkurt nisin aplikimet për abonentët familjarë.

13/01/2025

🇦🇱🗳️ Informacion me rëndësi për Votuesit Jashtë Vendit lidhur me Zgjedhjet për Kuvendin e Shqipërisë të datës 11 Maj 2025. Lexojeni dhe shpërndajeni për miqtë dhe të njohurit tuaj!

# # #

🌐🗳️ Important Information for Voters Abroad Regarding the Albanian Parliamentary Elections of May 11, 2025. Read and share it with your friends and acquaintances!

31/12/2024

Të dashur banorë të fshatit Hamallaj,

Gëzuar Vitin e Ri 2025! Qoftë ky një vit i mbushur me shëndet, lumturi dhe suksese për ju dhe familjet tuaja. Le të jetë një vit i begatë për fshatin tonë dhe një mundësi e re për t’u rritur dhe përparuar së bashku si komunitet.

Me respekt dhe mirënjohje,
Xhelil Kryeziu

31/12/2024

Njoftim për shorteun publik të datës 10.01.2025 me objekt shpërndarjen / caktimin, midis përfituesve nga procesi i rindërtimit, me strukturë të apartamentit 3+1 në Zonën E Re Për Zhvillim Nr.4, Spitallë, Durrës . Në mbështetje të Ligjit 139/2015 ’’Për vetëqeverisjen vendore’’, Aktit Normativ nr. 9, datë 16.12.2019 të Këshillit të Ministrave, ‘’’Për përballimin e pasojave të fatkeqësisë natyrore’’, Vendimit të Këshillit të Ministrave nr. 592, datë 13.10.2021 Për disa shtesa në vendimin nr. 904, datë 24.12.2019, të Këshillit të Ministrave, “Përcaktimin e rregullave, të kategorive prioritare, masës së përfitimit, autoriteteve përgjegjëse dhe procedurave për vlerësimin dhe përzgjedhjen e përfituesve nga disa programe të procesit të rindërtimit”, të ndryshuar, Vendimit të Këshillit Bashkiak Durrës nr. 138, datë 28.10.2021, ’’Për miratimin e Rregullores për procedurat e zhvillimit të shorteut manual në bashkinë Durrës në kuadër të rindërtimit’’, Bashkia e Durrësit njofton përfituesit nga programi i rindërtimit se shorteu publik me objekt shpërndarjen / caktimin, midis përfituesve nga procesi i rindërtimit, me strukturë të apartamentit 3+1 në Zonën E Re Për Zhvillim Nr.4, Spitallë, Durrës do të zhvillohet më datë 10.01.2025 në sallën e Pallatit të Kulturës duke filluar nga ora 09:00. Nëpërmjet këtij njoftimi thirren të gjithë përfituesit sipas listës bashkëlidhur. Renditja e përfituesve për zhvillimin e shorteut do të shpallet në datën 09.01.2025, pasi përfituesit, pjesë e kategorive prioritare, të kenë dorëzuar dokumentacionin e nevojshëm pranë njësisë administrative. Dokumentacion i dorëzuar pas kësaj date nuk do të merret parasysh nga Komisioni i Posaçëm. Mosparaqitja në këtë shorte e personave përfitues i heq të drejtën e ankimimit apo pretendimeve lidhur me rezultatet e këtij shorteu publik. Personat përfitues në pamundësi për të qenë pjesmarrës në këtë shorte publik mund të përfaqësohen me prokurë. Në këto raste zbatohen dispozitat ligjore të përfaqësimit.