Kryqi i Kuq Shqiptar,është shoqata më e vjetër humanitare në Shqipëri.Ai është themeluar më 4 tetor 1921 dhe është njohur zyrtarisht nga Komoteti Ndërkombëtar i Kryqit të Kuq në vitin 1923.Që nga ky vit është anëtar i Federatës (në atë kohë Ligës) së Shoqatave të Kryqit të Kuq dhe Gjysmëhënës së Kuqe,duke qënë kështu shoqata e 38-të e themeluar deri atëherë.Në këtë mënyrë Kryqi i Kuq Shqiptar është pjesë e Lëvizjes Ndërkombëtare të Kryqit të Kuq dhe Gjysmëhës së Kuqe.Sipas nenit 1 të Ligjit Nr.7864 për Kryqin e Kuq Shqiptar,të miratuar nga Parlamenti Shqiptar më datë 29.09.1994, Kryqi i Kuq Shqiptar është një shoqatë humanitare vullnetare që e ushtron veprimtarin në mënyrë të pamvarur në bazë të parimeve themelore të Lëvizjes ndërkombëtare humanitare të Kryqit të Kuq e Gjysmëhënës së Kuqe dhe të Konventave të Gjanevës të 12 gushtit 1949-ratifikuar nga Republika e Shqipërisë më 27 maj 1957-dhe Protokolleve shtesë të 10 qershor 1977-ratifikuar nga Republika e Shqipërisë më 16 qershor 1993.Ai është ndihmës i organeve të pushtetit për çështjet humanitare në mbarë vendin.
-Ndërsa Kryqi i Kuq Shqiptar,dega Gramsh është anëtare e shoqatës më të vjetër humanitare në Shqipëri dhe është themeluar më ..........
PARIMET THEMELORE TË LËVIZJES NDËKOMBËTARE të KRYQIT të KUQ dhe GJYSMËHËNËS së KUQE. HUMANIZMI:-E lidur nga dëshira për t'u ardhur në ndihmë pa dallim të plagosurve në fushat e betejës,Lëvizja Ndërkombëtare e Kryqit të Kuq dhe Gjysmëhënës së Kuqe,në rrafshin ndërkombëtar dhe kombëtar,përpiqet në çdo rrethanë të parandalojë dhe të lehtësojë vuajtjet njerëzve.Ajo synon mbrojtjen e jetës dhe shëndetit të njeriut si dhe respektimin e tij.Përkrah mirëkuptimin e ndërsjellë,miqësinë, bashkëpunimin dhe një paqe të qëndrueshme midis të gjithë popujve. PAANËSIA:-Lëvizja nuk bën asnjë dallim për arsye kombësie,race,feje,gjendje shoqërore apo përkatësie politike.Punon vetëm për t'u ardhur në ndihmë njerëzve në vuajtjet që kanë dhe për t'u dhënë zgjidhje me përparësi nevojave më urgjente. NEUTRALITETI:- Me qëllim që të ketë gjithnjë besimin e të gjithëve,Lëvizja i shmanget pjesëmarrjes në çfarëdo polemike me karakter politik,racial,fetar apo ideologjik. PANVARËSIA:-Lëvizja është e pavarur.Duke qenë ndihmëse e pushteteve publike në veprimtaritë e tyre humanitare dhe duke iu nënshtruar ligjeve të vendeve përkatëse,Shoqatat Kombëtare duhet megjithatë të ruajnë një autonomi që u lejon të veprojnë gjithnjë sipas parimeve të Lëvizjes. UNITETI:-Nuk mund të ketë veçse një Shoqatë të Kryqit të Kuq dhe Gjysmëhënës së Kuqe në të njëjtin vend.Ajo duhet të jetë e hapur për të gjithë dhe të shtrijë veprimtarin e saj humanitare në tërë territorin. UNIVERSALITETI:-Lëvizja Ndërkombëtare e Kryqit të Kuq dhe Gjysmëhënës së Kuqe në gjirin e së cilës të gjitha Shoqatat kanë të drejta të barabarta dhe detyrën të ndihmojnë njëra-tjetrën,është e përbotshme.
