Albnatyra Org

Albnatyra Org 🐦Protecting Albania’s nature through biodiversity conservation, community engagement, and sustainable solutions🐢🌳

21/08/2026

🦊Dhelpra dhe rrushte🍇🧐

17/08/2026

🌿 Ekspansioni i bimëve/ dëllinja e zezë po pushton kullotat e Shebenikut

Nga monitorimi ynë në disa zona të Parkut Kombëtar Shebenik po vërehet gjithnjë e më shumë zgjerimi i dëllinjës së zezë (Juniperus communis L.)në sipërfaqet e kullotave malore.

Ky fenomen, i njohur si “shrub encroachment”, është një proces që po vërehet në shumë ekosisteme malore të Evropës dhe lidhet veçanërisht me pakësimin e bagëtive dhe braktisjen graduale të kullotjes tradicionale. Kur presioni i kontrolluar i kullotjes zvogëlohet, shkurret fillojnë të kolonizojnë kullotat dhe me kalimin e viteve mund të krijojnë sipërfaqe gjithnjë e më të dendura.

🌱 Problemi nuk është dëllinja në vetvete ajo është pjesë natyrore dhe me vlerë e biodiversitetit të Shebenikut. Problemi lind kur ekuilibri mes kullotës dhe shkurreve ndryshon ndjeshëm.

Studimet tregojnë se ekspansioni i dëllinjës dhe shkurreve të tjera mund të reduktojë diversitetin e bimëve barishtore, sipërfaqen e disponueshme për kullotje dhe vlerën e kullotave.

🐑 Prandaj ruajtja e kullotave të Shebenikut lidhet ngushtë edhe me ruajtjen e blegtorisë tradicionale dhe menaxhimin e qëndrueshëm të kullotjes.

13/08/2026

Njihuni me anëtarin më të ri të AlbNatyra! 🌿

Pas një njoftimi nga banorët e zonës së Rrajcë-Fushës për një gjeraqinë që kishte mbetur pranë një banese, u nisëm së bashku me Armando Veterinary Services për ta parë nga afër.

Fatmirësisht, gjeraqina nuk kishte dëmtime apo thyerje. Megjithatë, ishte ende shumë e re dhe nuk ishte zhvilluar mjaftueshëm për të fluturuar dhe për të jetuar e pavarur në natyrë.

Pasi e morëm nën kujdesin tonë, po ndjekim nga afër gjendjen dhe ecurinë e saj, deri në momentin kur të jetë plotësisht gati për t’u rikthyer sërish në natyrë. 💚

Falënderojmë banorët që na njoftuan dhe Veterinary Services si dhe stacioni veterinar Librazhd për bashkëpunimin dhe kujdesin.

Çdo jetë e egër meriton një mundësi për t’u kthyer aty ku i përket. 🌳

🌿 Gentiana lutea / Sanza _ Bima që po rrezikohet të zhduket.Nga: Inxh, Fatmir Brazhda Një bimë që gjendet në lartësitë m...
09/08/2026

🌿 Gentiana lutea / Sanza _ Bima që po rrezikohet të zhduket.

Nga: Inxh, Fatmir Brazhda

Një bimë që gjendet në lartësitë malore të Parkut Kombëtar Shebenik fotografuar ditën e djeshme në Kusar si një nga bimët e veçanta Gentiana lutea L., e njohur në shqip edhe si sanëz apo bar zemre.

Është një bimë shumëvjeçare karakteristike e livadheve dhe kullotave malore, e njohur prej kohësh edhe si bimë mjekësore. Por pikërisht vlerat e saj dhe shfrytëzimi i popullatave natyrore kanë ndikuar në pakësimin e saj. Studimet tregojnë se sipërfaqja e përhapjes së Gentiana lutea në Shqipëri është zvogëluar ndjeshëm gjatë dekadave të kaluara.

Në Shqipëri kjo bimë konsiderohet një bimë e rrezikuar dhe figuron me kategorinë EN/ Endangered (E rrezikuar), kriteri A1b.

Gjendet në disa lokacione të Shebenikut si në Kusar, Likopatër, Val, Fusha me Kunja, Shebenik etj.

🙏Me ftesë të organizatës Biodiversity For Everybody vizituam Parkun Kombëtar të Galicicës në Maqedoninë e Veriut, ku pa...
02/08/2026

🙏Me ftesë të organizatës Biodiversity For Everybody vizituam Parkun Kombëtar të Galicicës në Maqedoninë e Veriut, ku pamë nga afër ndërhyrjen e kësaj organizate në restaurimin e habitateve në këtë park, mbështetur nga Critical Ecosystem Partnership Fund.

🌳AlbNatyra po fuqizon çdo ditë më shumë bashkëpunim me organizata të tjera mjedisore jo vetëm brenda vendit por edhe në vendet fqinje.
Këto aktivitete fuqizojnë lidhjen, shkëmbimin e të dhënave, eksperiencave dhe praktikave më të mira në ruajtjen e mjedisit natyror tonë të përbashkët.

National Park Galicica National Park of Shebenik

🌳 AlbNatyra forcon kapacitetet për monitorimin e habitateve dhe bashkëpunimin ndërkufitarDy përfaqësues të AlbNatyra pat...
01/08/2026

🌳 AlbNatyra forcon kapacitetet për monitorimin e habitateve dhe bashkëpunimin ndërkufitar
Dy përfaqësues të AlbNatyra patën kënaqësinë të marrin pjesë në një trajnim shumë të vlefshëm, i fokusuar në monitorimin e habitateve natyrore dhe forcimin e bashkëpunimit ndërkufitar për ruajtjen e biodiversitetit.

📍Trajnimi ofroi njohuri praktike dhe metodologji bashkëkohore për identifikimin, vlerësimin dhe monitorimin e habitateve, si dhe krijoi një hapësirë të rëndësishme për shkëmbimin e përvojave mes ekspertëve dhe organizatave nga vende të ndryshme. Trajnimi u realizua në Malin Jablanica dhe në Monumentin e Natyrës të Vevçanit të Republikës Maqedonisë të Veriut.

Njohuritë dhe aftësitë e fituara do të kontribuojnë në përmirësimin e punës së AlbNatyra në monitorimin e ekosistemeve, mbrojtjen e biodiversitetit dhe zhvillimin e iniciativave të përbashkëta për ruajtjen e trashëgimisë sonë natyrore.
Albnatyra Org synon që në të ardhmen të kryejë monitorime të përbashkëta me partnerët e tjerë, të habitateve apo specieve endemike apo subendemike që gjenden në të dya anët e kufirit.

🙏 Falënderojmë organizatorët Македонско еколошко друштво (MES) Protection and Preservation of Natural Environment in Albania (PPNEA) dhe të gjithë pjesëmarrësit për mikpritjen, profesionalizmin dhe bashkëpunimin. Jemi të bindur se partneritete të tilla janë thelbësore për një të ardhme më të qëndrueshme të natyrës sonë.

📍 Në Kuklen, Bullgari, nga 4–10 korrik u realizua shkëmbimi rinor “Radio Peace”. Qëllimi i projektit ishte që pjesëmarrë...
01/08/2026

📍 Në Kuklen, Bullgari, nga 4–10 korrik u realizua shkëmbimi rinor “Radio Peace”. Qëllimi i projektit ishte që pjesëmarrësit të zhvillonin, testonin dhe facilitonin aktivitetet e tyre përmes metodave të edukimit joformal, duke nxitur komunikimin, mirëkuptimin dhe bashkëpunimin mes të rinjve. Në projekt morën pjesë 5 të rinj nga Shqipëria, përfaqësues të organizatës AlbNatyra, së bashku me të rinj nga Bullgaria, Kosova dhe Italia. Projekti u mbështet nga Programi Erasmus+.

Address

Sotire
Gramsh
04201

Website

Alerts

Be the first to know and let us send you an email when Albnatyra Org posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Albnatyra Org:

Shortcuts

Share

Category