25/05/2026
- Në Belsh u organizua sot “Panairi i startup-ve dhe sipermarrjeve të grave”, një aktivitet i cili kishte në fokus promovimin e fuqizimit ekonomik të grave dhe vajzave, veçanërisht atyre që kanë qenë viktima të dhunës me bazë gjinore dhe dhunës në familje, si një element kyç për arritjen e pavarësisë së tyre dhe rritjen e përfshirjes aktive në jetën ekonomike dhe sociale të komunitetit.
✅️Gjatë panairit u prezantuan iniciativa konkrete të grave dhe vajzave, të cilat përmes trajnimeve dhe startup-ve të ofruara nga projekti Rise Her kanë nisur ose po zhvillojnë aktivitetet e tyre ekonomike.
👏Historite e Adelines, Anës, Desantes, Jetës, Manolës, Resmijes dhe Verës, janë shembuj konkretë të ndikimit të ndërhyrjeve të projektit në forcimin e pavarësisë ekonomike dhe rritjen e vetëbesimit të grave dhe vajzave në komunitet.
🤝Aktiviteti u përshëndet nga përfaqësues të institucioneve vendore dhe rajonale, nënkryetarja e Bashkisë Belsh, Znj. Romina Mema, Drejtoresha Rajonale e AKPA Elbasan, Znj. Marsida Hyseni, Drejtoresha Ekzekutive e World Vision Albania, Eljona Elmazi, dhe Presidentja e Forumit të Gruas, Shpresa Banja,të cilët ndanë angazhimin e tyre për vijimin e mbështetjes ndaj nismave që fuqizojnë gratë dhe vajzat në nivel lokal.
💡Gjatë fjalës së saj, drejtoresha ekzekutive e World Vision Albania, Eljona Elmazi u shpreh se fuqizimi i grave është thelbësor, pasi një nënë e fuqizuar rrit fëmijë të fuqizuar.
ℹ️Projekti “Rise Her – Fuqizojmë gratë dhe vajzat për një jetesë të pavarur financohet nga European Union in Albania 🇪🇺🇦🇱 dhe zbatohet nga dhe Forumi i Gruas Elbasan, me mbështetjen e Ministria e Shëndetësisë dhe Mbrojtjes Sociale.
