What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Shoqata Gender, Paqe e Siguri - Shoqata e Grave me Probleme Sociale

Home
Albania
Durrës
Shoqata Gender, Paqe e Siguri - Shoqata e Grave me Probleme Sociale

Call Directions Website Contact the organization

Vizioni Yne: Siguri dhe Zhvillim

23/09/2026

Në kuadër të aktiviteteve tona ndërgjegjësuese, zhvilluam një takim pranë Qendra Komunitare Multifuksionale Rrashbull, me fokus parandalimin dhe adresimin e dhunës në familje, si dhe informimin mbi ndryshimet e sjella nga ligji i ri për parandalimin dhe mbrojtjen nga dhuna ndaj grave dhe dhuna në familje.

Një pjesë e rëndësishme e diskutimit iu kushtua dhunës mes të rinjve, mënyrave të shfaqjes së saj dhe rëndësisë së identifikimit dhe parandalimit në kohë. Gjithashtu, biseduam mbi rëndësinë e komunikimin brenda familjes dhe krijimin e një mjedisi të sigurt, të respektueshëm dhe mbështetës për fëmijët dhe të rinjtë.

Takime të tilla krijojnë hapësira të rëndësishme për informim, dialog dhe reflektim mbi mënyrat e parandalimit të dhunës dhe forcimit të marrëdhënieve të shëndetshme brenda familjes dhe komunitetit.

Ky aktivitet u zhvillua në kuadër të Projektit "Adresimi i dhunës në familje dhe asaj me bazë gjinore në Bashkinë Durrës".

10/09/2026

Vizitë miqësore tek Zalo e Koli!

5 vite më pas, rezultatet e një projekti vazhdojnë të flasin vetë.
Edhe sot, pesë vite pas përfundimit të projektit “Coaching for Employment / C4E”, të zbatuar nga Shoqata Gender, Paqe e Siguri (AGPS) me mbështetjen financiare të Swisscontact dhe GIZ, patëm kënaqësinë të riktheheshim pranë disa prej përfituesve të rinj që u mbështetën për të nisur rrugëtimin e tyre drejt sipërmarrjes.
Sot, ata na pritën me mirënjohje dhe, mbi të gjitha, me histori suksesi që dëshmojnë se mbështetja e duhur mund të krijojë ndryshim afatgjatë.
Është veçanërisht frymëzuese të shohësh se, pas kaq vitesh, të rinj që dikur ishin përfitues të projektit kanë arritur të konsolidojnë dhe të vijojnë bizneset e tyre, duke ndërtuar të ardhmen e tyre përmes punës dhe sipërmarrjes.
Në një nga zonat më turistike dhe më të bukura të Shqipërisë, në Kalasë së Beratit, këto biznese janë sot një dëshmi e gjallë e asaj që mund të arrihet kur të rinjtë kanë akses në mundësi, orientim, trajnim dhe mbështetje.
Për ne në AGPS, këto janë më shumë se rezultate të një projekti.
Janë histori njerëzish. Janë histori këmbënguljeje. Janë histori që vazhdojnë të frymëzojnë edhe vite më pas.
Sepse ndikimi i vërtetë i një projekti nuk matet vetëm në momentin kur ai përfundon, por edhe në atë që mbetet dhe vazhdon të rritet në komunitet vite më vonë.

10/08/2026

✨ Kur duart krijojnë, lindin histori. ✨

Në kuadër të fuqizimit ekonomik të grave, sot kemi kënaqësinë t’ju prezantojmë një biznes të ri handmade, të krijuar me shumë dashuri, përkushtim dhe kreativitet nga dy gra artizane. 🧶🧵🤍

Çdo punim në këtë dyqan është unik dhe mbart pasionin, durimin dhe talentin e dy duarve që e kanë krijuar. Nga punimet artizanale e deri te çantat, aksesorët dhe detajet e punuara me dorë, këtu do të gjeni produkte që nuk janë thjesht të bukura, por kanë një histori dhe një shpirt të veçantë. ✨

🌿 Të mbështesësh një biznes të tillë do të thotë të mbështesësh punën, kreativitetin dhe fuqizimin ekonomik të grave.

📍 Ju ftojmë ta vizitoni dyqanin, të njiheni nga afër me punimet dhe të zbuloni copëza të vogla arti të krijuara me shumë dashuri.

📍 Adresa: Rruga "Karl Topia", pranë Bibliotekës, Durrës

🛍️ Zgjidh të blesh diçka unike.
Zgjidh të mbështesësh punën e dorës.
Zgjidh të mbështesësh gratë që krijojnë e fuqizohen!

Ky aktivitet u mbështet nga zbatimi i Projektit "Adresimi i dhunës në familje dhe asaj me bazë gjinore në Bashkinë Durrës".

29/07/2026

📌 Informim dhe ndërgjegjësim për parandalimin e dhunës ndaj grave dhe vajzave

Gjatë ditës së sotme zhvilluam një takim ndërgjegjësues me gra dhe vajza në ambientet e Qendra Komunitare per Femije me Aftesi te Kufizuara, Bashkia Durres

Takimi u fokusua në njohjen me ndryshimet e reja ligjore për parandalimin dhe mbrojtjen nga dhuna ndaj grave dhe dhuna në familje, si dhe në rëndësinë e informimit mbi të drejtat, mekanizmat e mbrojtjes dhe shërbimet mbështetëse të disponueshme për viktimat e dhunës.

Pjesëmarrëset patën mundësinë të diskutojnë mbi sfidat me të cilat përballen gratë që përjetojnë dhunë, mënyrat e kërkimit të ndihmës, rolin e institucioneve përgjegjëse dhe rëndësinë e bashkëpunimit komunitar për krijimin e një mjedisi më të sigurt dhe mbështetës.

Informimi është hapi i parë drejt fuqizimit. Çdo grua dhe vajzë duhet të njohë të drejtat e saj dhe të dijë se nuk është vetëm. 🤝

Ky aktivitet u zhvillua në kuadër të Projektit "Adresimi i dhunës në familje dhe asaj me bazë gjinore në Bashkinë Durrës".

24/07/2026

💇‍♀️ Çdo mundësi e krijuar është një hap më pranë pavarësisë ekonomike.

Fuqizimi ekonomik i grave fillon me besimin në aftësitë e tyre dhe me mbështetjen për të krijuar burime të qëndrueshme të ardhurash.

Përmes mbështetjes me pajisje profesionale për hapjen e një biznesi të vogël parukerie, një tjetër grua ka nisur rrugëtimin e saj drejt një të ardhmeje më të sigurt dhe më të pavarur. Kjo mbështetje i krijon mundësinë jo vetëm të ushtrojë profesionin që ka zgjedhur, por edhe të ndërtojë një aktivitet të qëndrueshëm që përmirëson mirëqenien e saj dhe të familjes.

Çdo histori suksesi na kujton se investimi në gratë është investim në familje më të forta dhe komunitete më të zhvilluara.

Kjo mbështetje u realizua në kuadër të projektit "Adresimi i dhunës në familje dhe asaj me bazë gjinore në Bashkinë Durrës"

23/07/2026

🌸 Fuqizimi fillon me informacion, frymëzimin dhe mbështetjen reciproke.

Gjatë muajve Qershor e Korrik, kemi zhvilluar 2 takime mentorimi me gra dhe vajza, në të cilat 2 gra biznesmene kanë ndarë përvojën e tyre personale, sfidat e rrugëtimit drejt sipërmarrjes dhe këshilla praktike për hapat e parë në botën e biznesit.

Pjesëmarrëset u njohën me elementët bazë të zhvillimit të një ideje biznesi, rëndësinë e planifikimit, komunikimit dhe vetëbesimit, ndërsa u angazhuan edhe në ushtrime praktike që synonin zhvillimin e aftësive të nevojshme për të ndërmarrë iniciativa ekonomike dhe për të menaxhuar më mirë sfidat e një biznesi.
Takimet u karakterizuan nga diskutime të hapura, shkëmbim përvojash dhe një atmosferë mbështetëse, duke i inkurajuar gratë dhe vajzat të besojnë në potencialin e tyre dhe të shohin sipërmarrjen si një mundësi reale për pavarësi ekonomike dhe zhvillim personal.

Këto aktivitete u realizuan në kuadër të Projektit “Fuqizimi ekonomik për gratë dhe vajzat viktima të dhunës në familje dhe me bazë gjinore, një hap vendimtar drejt riintegrimit të tyre”, mbështetur nga AWEN-Albanian Women Empowerment Network, me fonde të Agjencisë Ndërkombëtare për Zhvillim dhe Bashkëpunim (Sida)

13/07/2026

Çdo hap drejt pavarësisë ekonomike është një hap drejt një jete më të sigurt dhe me më shumë mundësi.

Fuqizimi ekonomik i grave dhe vajzave nuk nënkupton vetëm krijimin e një burimi të ardhurash. Ai do të thotë më shumë besim në vetvete, më shumë mundësi për të marrë vendime të pavarura dhe më shumë forcë për të ndërtuar një të ardhme më të mirë për veten dhe familjen.

Përmes mbështetjes me pajisje dhe materiale profesionale për shërbime manikyri, një tjetër grua ka hedhur një hap të rëndësishëm drejt fuqizimit ekonomik. Çdo histori suksesi është një dëshmi se, kur grave u jepet mundësia dhe mbështetja e duhur, ato ndërtojnë jo vetëm një profesion, por edhe një jetë me më shumë dinjitet, pavarësi dhe shpresë.

Kjo mbështetje u realizua në kuadër të Projektit “Fuqizimi ekonomik për gratë dhe vajzat viktima të dhunës në familje dhe me bazë gjinore, një hap vendimtar drejt riintegrimit të tyre”, mbështetur nga AWEN-Albanian Women Empowerment Network, me fonde të Agjencisë Ndërkombëtare për Zhvillim dhe Bashkëpunim (Sida).

24/06/2026

Forcimi i kapaciteteve institucionale për zbatimin e Ligjit Nr. 11/2026.

Shoqata "Gender, Paqe e Siguri" realizoi ditën e sotme një trajnim të rëndësishëm me stafin e Njësia Vendore e Kujdesit Shëndetësor_Durrës. Ky trajnim u përqendrua në ndryshimet dhe risitë që sjell Ligji Nr. 11/2026 “Për parandalimin dhe mbrojtjen nga dhuna ndaj grave dhe dhuna në familje”.
Synimi kryesor ishte pajisja e profesionistëve të shëndetësisë me njohuritë dhe mjetet e nevojshme për:
✅ Identifikimin proaktiv dhe të hershëm të rasteve të dhunës.
✅ Standardizimin e proceseve të referimit.
✅ Menaxhimin efektiv dhe ndërsektorial të rasteve, duke siguruar mbrojtjen e viktimave.
Ne besojmë se zbatimi i saktë i ligjit fillon me trajnimin profesional.

Ky aktivitet u zhvillua në kuadër të zbatimit të Projektit "Adresimi i dhunës në familje dhe dhunës me bazë gjinore në Bashkinë Durrës".

23/06/2026

Shoqata “Gender, Paqe e Siguri” pati kënaqësinë të merrte pjesë në Global Open Day 2026 të Kombeve të Bashkuara për Gratë, Paqen dhe Sigurinë, e zhvilluar në Prishtinë.

Ky aktivitet ofroi një platformë të shkëlqyer për biseda frymëzuese, shkëmbime me vlerë dhe një angazhim të përbashkët për forcimin e rolit të grave në ndërtimin e paqes dhe në proceset e vendimmarrjes.

Programi i këtij viti u përqendrua në temën “Ndërtimi i Besimit me Perspektivë Gjinore përmes Dialogut Ndërbrezor”. Diskutimet nxorën në pah rëndësinë e forcimit të lidershipit të grave në proceset e ndërtimit të paqes, tejkalimin e hendekut ndërmjet brezave, nxitjen e dialogut kuptimplotë dhe forcimin e bashkëpunimit rajonal si elemente kyçe për ndërtimin e një paqeje të qëndrueshme.

Jemi mirënjohës për mundësinë që të kontribuojmë në këto diskutime të rëndësishme dhe të bashkohemi me partnerë dhe aktorë të angazhuar për avancimin e agjendës “Gratë, Paqja dhe Siguria” në të gjithë rajonin.

22 qershor 2026

Association Women, Peace and Security took part in the UN Global Open Day 2026 on Women, Peace and Security in Prishtina.
The event provided an excellent platform for inspiring conversations, valuable exchanges, and a shared commitment to strengthening women's role in peacebuilding and decision-making processes.

This year's program centered on the theme "Gender-Responsive Trust-Building Through Intergenerational Dialogue." The discussions highlighted the importance of strengthening women's leadership in peacebuilding, bridging generational divides, fostering meaningful dialogue, and enhancing regional cooperation as key elements for building sustainable peace.

We are grateful for the opportunity to contribute to these important conversations and to join partners and stakeholders dedicated to advancing the Women, Peace and Security agenda across the region.

22 June 2026

17/06/2026

🌿🤝 Takim Informues në Njësinë Administrative Ishëm për Parandalimin e Dhunës ndaj Grave dhe Dhunës në Familje

Gjatë javës së parë të muajit Qershor zhvilluam një takim informues në Qendrën Shëndetësore Ishëm, me pjesëmarrjen e përfaqësuesve të NJVKSH Durrës, stafit të Qendrës Shëndetësore Ishëm, stafit të Njësisë Administrative Ishëm, si dhe grave dhe vajzave nga komuniteti i zonës.

📖 Takimi u fokusua në informimin mbi Ligjin e ri Nr. 11/2026, datë 28.01.2026, "Për parandalimin dhe mbrojtjen nga dhuna ndaj grave dhe dhuna në familje", duke vënë theks të veçantë te roli i sektorit të shëndetësisë në identifikimin, referimin dhe raportimin e rasteve të dhunës.

💬 Përtej informacionit ligjor, pjesëmarrësit diskutuan mbi sfidat që vazhdojnë të hasen në praktikë nga stafet shëndetësore gjatë raportimit të rasteve të dhunës, si dhe mbi mënyrat konkrete për të adresuar këto sfida dhe për të forcuar mekanizmat e mbrojtjes për gratë dhe vajzat.

🌸 Vetëm përmes bashkëpunimit institucional, ndërgjegjësimit dhe raportimit në kohë mund të ndërtojmë komunitete më të sigurta dhe më mbështetëse për çdo grua dhe vajzë.

Address

Rruga Karl Topia, Lagja Nr. 2
Durrës

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

+35552234600

Website

http://www.siguria-paqja.al/

Alerts

Be the first to know and let us send you an email when Shoqata Gender, Paqe e Siguri - Shoqata e Grave me Probleme Sociale posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Shoqata Gender, Paqe e Siguri - Shoqata e Grave me Probleme Sociale:

Want your organization to be the top-listed non profit organization in Durrës?