Qendra Komunitare e Fëmijëve me Aftësi të Kufizuara u krijua në vitin 2016 nga një projekt i organizates Save the Children, në partneritet me shoqaten “Ndihmoni Jetën” dhe në bashkëpunim me Bashkinë Durrës. Me përfundimin e projektit, në janar të vitit 2019, Qendra ka kaluar tërësisht nën administrimin e Bashkisë Durrës. Shërbime direkte për fëmijët me aftësi të kufizuara. Me fëmijët punohet në fu
shën e sjelljes, komunikimit, autonomisë, edukimit, aftësive akademike dhe motorikës. Planet individuale të ndërhyrjes hartohen dhe rishikohen nga ekipi multidisiplinar, në bashkëpunim me prindërit. Aftësimin e familjeve të fëmijëve me aftësi të kufizuara, për të punuar me fëmijen dhe për të advokuar për gjithëpërfshirjen e fëmijeve të tyre në arsim dhe komunitet. Qendra ofron sesione informimi për prindërit, për rritjen e kapaciteteve të tyre për të mësuar se si të sillen dhe punojnë me fëmijët në kushte shtëpie si dhe të mbështesin respektimin e të drejtave dhe gjithëpërfshirjen e fëmijëve të tyre. Ndërgjegjësimin e komunitetit për të mbështetur gjithëpërfshirjen e fëmijeve me aftësi të kufizuara. Qendra organizon një sërë aktivitetesh ndërgjegjësuese, për të ndarë në komunitet mesazhin e gjithëpërfshirjes dhe jetesës së pavarur. Qendra Komunitare e Fëmijëve me Aftësi të Kufizuara ofron shërbim pa pagesë, nga e hëna në të premte, në orarin 08.00- 16.00.
