Instituti Biblik i Shqipërisë

23/10/2026

Thuaje të vërtetën me dashuri! Me ndihmën e Perëndisë mund të mësosh ta thuash të vërtetën me dashuri, duke thënë vetëm atë që do t’i ndërtojë të tjerët, duke dëgjuar me përgjegjësi atë që thonë të tjerët dhe duke përdorur parimet e mençurisë. Ndërsa i praktikon këto aftësi, bëji ato një pjesë normale të bisedave të tua të përditshme, e do të jesh i përgatitur mirë për t’i përdorur kur të shpërthejë konflikti. Ndërsa
zhvillon aftësinë e ballafaqimit me dashuri, mund ta shikosh vetë
që: “Gjuha e të urtit sjell shërim” Faqe 174
https://www.facebook.com/share/v/1EiHHnAFv6/

14/10/2026

Sa e rëndësishme është trashëgimia shpirtërore në jetën e familjes! A po punojmë për të lënë një trashëgimi të tillë? A e kuptojmë nevojën e madhe që kanë brezat për trashëgiminë tonë? Cila do të jetë trashëgimia jonë? Një kapitull me të vërtetë i bukur i këtij libri me mjaft vlerë për familjen.

Enjoy the videos and music you love, upload original content, and share it all with friends, family, and the world on YouTube.

08/10/2026

Kohët e vuajtjes janë me të vërtetë të vështira, mbahu fort në Krishtin përmes ditëve të tilla. Ky libër është mjaft sfidues kur lexojmë për vuajtjet e autorit por edhe shumë inkurajues se si ai ecën me Perëndinë dhe se si inkurajon të tjerët. Zoti është i mirë dhe besnik edhe në vuatjet tona.

A ke kaluar ndonjëherë një kohë të vështirë në jetën tënde? A ke nj...

02/10/2026

“Thesar i fshehur në vuajtje”, një libër i ri audio në YouTube
Një libër plot urtësi biblike që na bën të njohur Atin qiellor në vuajtjet tona. Ne përballemi me frikë, sëmundje, lodhje, konflikte, lutje pa përgjigje. Po çfarë mund të bëjmë? Çfarë thotë Bibla për kohë të tilla? Si mund t’i shndërrojmë kohë të tilla në momente besimi në Krishtin? M. Basilea Schlink sjell nga jeta dhe përvoja e saj këto thesare që vlejnë mjaft. Nëse po vuan ky libër është për ty, nëse njeh dikë që po vuan ndaje këtë libër me të!
Mund ta dëgjojmë librin audio në:

Thesar i fshehur në vuajtje – (Audio)Ky libër plot urtësi dhe përv...

29/09/2026

“Lum njeriu që ngulmon në provë, sepse kur del i aprovuar, do të marrë kurorën e jetës, të cilën Zoti ua premtoi atyre që e duan”. Jakobi 1:12
Sprovat janë pjesë e jetës në tokë për të gjithë të krishterët. Në sprova Zoti është me ne edhe pse na lejon të kalojmë vështirësi edhe të mëdha, por premtimet e Tij janë të njëjta e të vërteta. Ky libër i shkruar me urtësi biblike dhe me përvojat e sprovave nga M. Basilea Schilnk është një ndihmë për shumë që sot janë duke kaluar sprova në jetën e tyre. Urojmë që ky version i librit elektronik do të jetë një bekim për shumë lexues! IBSH, nuk ka kopje të librit por sjell për lexuesit vetëm formatin e librit elektronik. Mund ta marrim FALAS dhe ta lexojmë librin në: https://ibsh.al/product/te-forte-ne-kohen-e-sproves/

25/09/2026

Gratë e lutjes, bekim për familjen, kishën dhe kombin. 1 Samueli 1–2
Në lutjen dhe në jetën e Anës shfaqet Perëndia i vërtetë dhe veçoritë e Tij. Ai është Zoti i ushtrive, Ai dëgjon lutjet dhe sheh pikëllimin e bijës së Tij. Ai është i fuqishëm dhe i përgjigjet lutjeve të bijve të Tij. Ai është i shenjtë, Ai është forca dhe shkëmbi ynë. Ai i shkatërron armiqtë por i bekon shenjtorët me bekime përjetësie, 1Sam 2:1-10. Kur kërkohet lavdia e Zotit, Perëndia bën shumë më tepër sesa ne kërkojmë, Ef 3:20, pasi Ai jo vetëm që i dhuroi asaj Samuelin, por i jep Anës dhe Elkanaut edhe pesë fëmijë të tjerë, 2:21. Nga bekimi i Zotit shtëpia e asaj që dikur qante, u mbush me jetë e me gëzim. Me siguri fëmijët e tjerë, por edhe nipërit e mbesat dëgjuan nga Ana për atë që Zoti bëri.
Mesazhin e plotë e lexojmë në: https://ibsh.al/grate-e-lutjes-bekim-per-familjen-kishen-dhe-kombin-1-samueli-1-2/

22/09/2026

Disiplina e atësisë.
Burra, ka pak vende ku djersa e shenjtëruar do të japë përfitime më të mëdha sesa në atësi. Nëse je i gatshëm të punosh për këtë, mund të bëhesh një atë i mirë. Nëse je i gatshëm të djersish, do të shohësh bekim me tepri. Faqja 48

14/09/2026

Thesar i fshehur në vuajtje – libri elektronik
Ati ynë qiellor e bën veten e Tij të njohur edhe në vuajtjet tona. Ne mund të përballemi me frikë, sëmundje, lodhje, konflikte, lutje pa përgjigje, plakjen, me padrejtësi. Si mund të rritet besimi ynë në vështirësi? Si mund t’i shndërrojmë kohët e vështira në kohë kur afrohemi me Krishtin dhe në fitore? M.Basilea Schlink sjell nga Bibla dhe jeta e saj këto thesare që janë të çmuara për çdo kohë. Nëse po vuan sot ky libër është për ty. Nëse nuk po vuan por njeh dikë tjetër që po vuan ndaje këtë libër sa më shpejt! Libri për t'u lexuar merret falas në: https://ibsh.al/product/thesar-i-fshehur-ne-vuajtje/