Sindikata e Minatorëve të Bashkuar të Bulqizës

Sindikata e Minatorëve të Bashkuar të Bulqizës Kjo faqe pasqyron veprimtarinë e Sindikatës së Minatorëve të Bashkuar të Bulqizës

12/12/2025

Miliarda korrupsion, ne na japin 100 mijë lekë pension.

Fjala e pensionistit ish-minator Qani Shino, në protestën e Lëvizja BASHKË tek Parlamenti kundër korrupsionit dhe varfërisë

05/12/2025

Minierat janë pasuri kombëtare.

Çdo minator, ish-minator, Inxhinier i Minierave, Inxhinier Gjeolog, Inxhinier Gjeoteknik, Inxhinier Metalurg, Inxhinier i Mjedisit, Teknik i Minierave, Teknik Gjeologjie, Operator i Pajisjeve të Rënda, Sondator (Driller), Ekskavatorist, Specialist i Shpërthimeve (Blastman), Specialist i Sigurisë në Miniera, Mekanik pajisjesh të rënda, Elektricist industrial, Topograf, Laborant i mineralogjisë, Menaxher Operacionesh, Ekonomist / Menaxher Financiar, Specialist i logjistikës dhe çdo punëtor tjetër që lidhet me punën në minierë, do duhet të dëgjojë me vëmendje një nga qëndrimet më të forta të mbajtur në parlament këto 34 vite, nga deputeti i ri, inxhinieri Redi Muçi.

29/10/2025

E enjte, 30 tetor, në orën 10:00, pensionistët protestojnë përpara Parlamentit për pensione dinjitoze dhe miratimin e minimumit jetik.

Çdo shpërndarje është një ndihmë e madhe në këtë errësirë mediatike.

Në solidaritet me minatorët e SpaçitMinatorët në Spaç protestojnë prej ditësh dhe qëndrojnë të bashkuar e të vendosur në...
27/10/2025

Në solidaritet me minatorët e Spaçit

Minatorët në Spaç protestojnë prej ditësh dhe qëndrojnë të bashkuar e të vendosur në kërkesat e tyre të drejta:

- Njohjen zyrtare të sindikatës që ata kanë krijuar.
- Fillimin e menjëhershëm të negociatave për kontratën kolektive të punës.
- Rikthimin në punë të 17 minatorëve të pushuar padrejtësisht për shkak të aktivitetit të tyre sindikal.

Qëndresa e tyre është një shembull i guximit dhe i bashkimit të punëtorëve për dinjitet.

09/10/2025

Deputeti i Lëvizjes BASHKË, Redi Muçi mbështet protestën e ish-minatorëve

Jemi mësuar që deputetët të marrin votën dhe më pas të zhduken. Por, mbështetja e deputetit të ri, Redi Muçi tregon se një politikë e re është e mundur.

Redi Muçi u zotua se do të ngrejë zërin në parlament për Statusin e Minatorit.

Më në fund, minatorët kanë përfaqëduesin e tyre në Parlament.

Zëri i nëntokës u ngrit sot para Parlamentit!Ish-minatorët, të mbetur në harresë pas një jete të tërë pune në kushte eks...
09/10/2025

Zëri i nëntokës u ngrit sot para Parlamentit!

Ish-minatorët, të mbetur në harresë pas një jete të tërë pune në kushte ekstreme, dolën sërish në protestë për të kërkuar atë që u takon me të drejtë: miratimin e Statusit të Minatorit, shërbim shëndetësor dinjitoz dhe kujdes shtetëror ndaj jetës dhe shëndetit të tyre.

Ish-minatorët ngritën zërin kundër vdekjeve të panumërta në miniera, që ndodhin për shkak të mungesës së kushteve të sigurisë dhe vëmendjes nga institucionet.

Kërkesa e tyre është më e fortë se kurrë: Dinjitet për ata që punuan gjithë jetën në errësirën e nëntokës!

Në mbështetje ishte deputeti i Lëvizja BASHKË, Redi Muçi i cili i zotua që do të ngrejë zërin në Parlament për Statusin e Minatorit.

Thirrje për protestë, Të enjten, ora 09:30, para Parlamentit. Ish-minatorët protestojnë për miratimin e Statusit të Mina...
07/10/2025

Thirrje për protestë, Të enjten, ora 09:30, para Parlamentit.

Ish-minatorët protestojnë për miratimin e Statusit të Minatorit dhe kundër vdekjeve të shpeshta në miniera për shkak të mungesës së sigurisë dhe kujdesit shtetëror.

Kërkojnë dinjitet, shërbim shëndetësor, mbrojtje ligjore dhe drejtësi për sakrificat e nëntokës!

Bashkohuni me ish-minatorët që kanë punuar një jetë të tërë, të enjten, ora 09:30, para Parlamentit!

Mbi humbjen e jetës së minatorit Fari VeliuMe dhimbje shprehim ngushëllimet më të sinqerta për familjen dhe kolegët e mi...
07/08/2025

Mbi humbjen e jetës së minatorit Fari Veliu

Me dhimbje shprehim ngushëllimet më të sinqerta për familjen dhe kolegët e minatorit Fari Veliu, i cili humbi jetën tragjikisht dje në zonën D të minierës së Bulqizës.

Fari Veliu ishte 66 vjeç,në një moshë kur duhej të ishte në pension, duke gëzuar Statusin e Minatorit që i takon një minatori të ndershëm e të përkushtuar, pas dekadash pune të rëndë në nëntokë. Por, për shkak të një sistemi që i ka braktisur punëtorët, ai u detyrua të zbresë sërish në galeri dhe atje gjeti vdekjen, nën një masiv gurësh që u shemb mbi të, ndërsa po kryente punën e tij si armator.

Ngjarja ka ndodhur në thellësi të tokës, por pasojat e saj prekin ndërgjegjen tonë kolektive. Si është e mundur që një 66-vjeçar të punojë ende në një nga profesionet më të rrezikshme në vend? Sa të tjerë duhet të vdesin që të ndërmerren masa të vërteta për sigurinë dhe të drejtat e minatorëve?

Kjo nuk është thjesht një vdekje aksidentale, është një vdekje e paralajmëruar, rezultat i një sistemi të kalbur, ku institucionet shtetërore janë të kapura nga oligarkët e galerive, të zhytura në korrupsion dhe indiferencë. Kur inspektorët mbyllin sytë përballë shkeljeve flagrante të sigurisë, kur statusi i minatorit përdoret vetëm për propagandë, kur shteti u shërben interesave të kompanive dhe jo punëtorëve, atëherë çdo jetë e humbur në minierë është një krim social, jo një “aksident pune”.

Ne nuk do të ndalemi së kërkuari drejtësi, siguri dhe respekt për çdo punëtor të nëntokës. Lufta jonë do të vazhdojë deri kur minatori të mos jetë më simbol i varfërisë dhe harresës, por i dinjitetit dhe vlerës së vërtetë njerëzore.

Sindikata e Minatorëve të Bashkuar të Bulqizës
Bulqizë, 7 Gusht 2025

Address

Bulqizë

Telephone

+355684727370

Website

Alerts

Be the first to know and let us send you an email when Sindikata e Minatorëve të Bashkuar të Bulqizës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sindikata e Minatorëve të Bashkuar të Bulqizës:

Shortcuts

Share

Category