Shoqata e Resurseve Gjenetike

08/09/2026

Në 29 dhe 30 Gusht 2026, u zhvillua Festivali i Parë Ballkanik i Farave në Kastoria të Greqisë, organizuar nga Shoqata e Rrjetit Ballkanik të Farave (BSNA), AEGILOPS dhe Shoqata për Bujqësinë Organike Kastoria. Shoqata e Resurseve Gjenetike te Bimëve (APGR) Belsh, është anëtare e Rrjetit Ballkanik të Farave (BSNA) që në krijimin e tij.

Në këtë Festival morën pjesë përfaqësuesit e Shoqatës, Prof. dr.Fetah Elezi (drejtor Ekzekutiv) dhe Z. Apostolis Paja, administrator i Agroturizëm “Paja”, Belsh.

Në ditën e parë (29 Gusht), vizituam fermën BioFru në Vasiliada (Kastoria) dhe koleksionin tradicional të pemëve frutore dhe vendbanimin parahistorik në Dispilio, të Kastorias.

Në mbrëmje, përfaqësuesit e shoqatave që morën pjesë, paraqitën frutat e domateve dhe specave të varieteteve tradicionale të vendeve të tyre, në qendrën tregtare të Kastorias.

Shoqata APGR prezantoi tetë varietete domate tradicionale. Pjesëmarrësit si dhe vizitorët shijuan dhe vlerësuan varietetet e paraqitura. Në vazhdim pjesëmarrësit ndoqën dy prezantime.
• Flora e Ballkanit, paraqitur nga Z. Vasilis Ioannidis, kërkues shkencor.
• Mbi Rrjetin Ballkanik të Farave (BSNA), nga Z.Kostas Koutis, kryetar i Bordit të BSNA-s.
Në mbyllje pjesmarrësit ndoqën muzikë popullore.
Në ditën e dytë (30 Gusht) u zhvillua festivali i hapur për vizitorët për shkëmbimin e farave të varieteteve tradicionale. APGR paraqiti fara të varieteteve nga 10 specie të ndryshme (specie të kultivuara dhe të rralla), si dhe shkëmbeu fara me shoqatat nga vendet e ndryshme të Ballkanit.
Më pas subjektet pjesëmarrëse paraqitën produktet e tyre ushqimore tradicionale.
Nga pala Shqiptare mori pjesë Z.Apostolis Paja, Agroturizëm “Paja”, Belsh, me produktet e ndryshmë të bukës, të vajit të ullirit, të verës, të rakisë, të shafranit, etj.

Ai prezantoi produktet, mënyrën e përgatitjes, vlerat e tyre, mënyrën e shpërndarjes, etj. Pjesmarrësit testuan produktet e tij dhe vlen të theksohet se pati mjaft vlerësime pozitive për vajin e ullirit, rakinë e shafranit, etj.

01/08/2026

Qendra e Resurseve Gjenetike të Bimëve në bashkëpunim me Qendrën “Partnerë në Zgjidhje dhe Zhvillim”, zhvilluan një takim ne 20 korrik, në Qendrën e Resurseve Gjenetike të Bimëve, në fshatin Hardhi, të Bashkisë Belsh.
Qëllimi i takimit ishte për të diskutuar iniciativa konkrete që lidhin kërkimin shkencor me zhvillimin lokal, nëpërmjet promovimit e trajnimit në nisma të reja.

Në këtë takim morën pjesë: Fermerë, biznese dhe aktorë të tjerë të zhvillimit rural, specialist të bujqësisë, përfaqësues të njësive locale e të shoqërisë civile.

Prof. Dr. Fetah Elezi, informoi mbi kapacitet që zotëon Qendra me ekspertë dhe me infratrukturë si dhe theksoi domosdoshmërin për tu angazhuar në këto nisma në prag të fillimit të Programit IPARD III në vendin tonë.

Gjithashtu mori pjesë kryetari i Bashkisë Belsh, Z.Arif Tafani, i cili falënderoi organizatorët për këtë takim si dhe shprehu angazhimin e Bashkisë për të mbështetur realizimin me sukses të këtyre nismave për zhvillimin e bujqësisë.

Përfaqësuesi i Qendrës “Partnerë në Zgjidhje dhe Zhvillim”, prof.Drini Imami paraqiti nevojën e ngritjes e një laboratori kërkimor praktik për zhvillimin e bujqësisë.
Prof.Edvin Zhllima, paraqiti nevojën e krijimi i një Grupi Vendor Veprimi (LAG) të pëbërë nga bizneset në fushën e bujqësise si dhe përfaqësues të Bashkisë Belsh.

08/06/2026

23/04/2026

Në kuadër të Ditës Ndërkombëtare të Tokës (22 Prilli), Shoqata Resurseve Gjenetike te Bimëve (APGR) zhvilloi një takim në 22 Prill 2026 ora 10.00 në sallën e Hotel “Perla e Dumresë”, me mbështetjen e Bashkisë Belsh.
Në këtë takim morën pjesë fermerë të dalluar për ruajtjen dhe përdorimin e tokës, specialist e punonjës të Bashkisë , përfaqsues të bizneseve të bujqësisë, të turizmit, të gjimnazit “Sami Frashëri” të Belsh*t, etj.
Mori pjesë dhe kryetari i Bashkisë Belsh, Z.Arif Tafani.
Qëllimi i këtij takimi ishte të njihej e promovohej përvoja e mirë për mbrojtjen e tokës, shqetësimet dhe të prezantohej përvoja e mirë për zgjidhjen e tyre.
Në hapje të takimit drejtuesi i Shoqatës Prof.Dr.Fetah Elezi, falënderoi pjesmarrësit si dhe informoi mbi historikun e Ditës Ndërkombëtare të Tokës në vendin tonë dhe në botë. Ai theksoi natyrën e veçantë që ka territori i zonës së Dumresë si dhe punën jashtëzakonshme që është bërë në dekadat e fundit nëpërmjet shtimit të shpejtë të sipërfaqeve të mbjella me ullinj si dhe kujdesit që tregohet për tokën nëpërmjet pëdorimit të qëndrueshëm të saj. Ky angazhim i banorëve ka siguruar përmirësim të biodiversitetit të zonës në saj të kujdesit të shtuar për bimët bujqësore, për pyjet dhe për 84 liqenet e bukura që ndodhen në këtë territory.
Një informacion shumë i rëndësishëm ju komunikua pjesmarrësve mbi rezultatet e studimit të kryer nga ekspertët e Shoqatës, lidhur me pastërtinë e tyre, në pesë liqenet e Dumresë (Belsh, Marinë, Cestije, Merhojë dhe Degë) në kuadër të projektit GreenAL të mbështetur nga Co-PLAN.

Kryetari i Bashkisë Belsh, Z.Arif Tafani, pasi përshëndeti të pranishmit, falënderoi Shoqatën për organizimin e këtij takimi shumë të rëndësishëm për mbrojtjen e tokës “shtëpinë tonë të përbashkët”.

Ai theksoi masat e gjithanshme që janë zbatuar nga pushteti lokal dhe ai Qëndror për mbrojtjen e tokës dhe të pastërtisë së liqeneve të cilat kanë përmirësuar kushtet dhe për rrjedhojë është shtuar me ritme të shpejta zhvillimi i turizmit.

Z.Shefqet Hysa, ekspert i bujqësisë me përvojë të gjatë në këtë zonë trajtoi problemet kryesore ku duhet të përqëndrohet vëmendja në të ardhmen për mbrojtjen e tokës.

Në diskutimet e tyre disa fermerë të dalluar sollën përvojën në përdorimin me efektivitet te tokës nëpërmjet kultivimit të bimëve më të përshtatshëmme për kushtet e zonës.

Në vazhdim u shpërndanë çertifikata Mirënjohje për disa fermerë të dalluar si dhe për mësuesen e Biologjisë në gjimnazin e Belsh*t, Zj.Vjollca Muji, e cila ka punuar me përkushtim për edukimin e nxënësve me dëshirën për njohjen dhe përkujdesjen për tokën dhe organizmat e gjalla të saj.

Në mbyllje u shfaq një video me koleksionin gjenetik të drufrutorëve të ngritur në Belsh.