Sayed Abdul Wahab Saeedi سید عبدالوهاب سیدی

20/03/2026

ګرانو والدینو!!
د عینو وړکتون د ګلالیو او تنکیو ماشومانو له لوري دنیکمرغه کوچني اختر مبارکي ومنی. هیله ده دا مبارکې ورځې مو د خوښۍ، مینې او سلامتۍ څخه ډکې وي.
هیله ده د اختر په خوږو ورځو کې د خپلو ماشومانو روغتیا او خوندیتوب ته ځانګړې پاملرنه وکړئ، په ځانګړي ډول د لوبو او تفریحي ځایونو پر مهال له هر ډول ټپ او خطر څخه خوندي پاتې سي.

راځئ چې خپلو ماشومانو ته داسې چاپېریال برابر کړو چې د اختر خوښۍ په امن، خوشحالۍ او له خپلو کورنیو سره په مینه تېرې کړي.

اختر مو مبارک سه او ماشومان مو تل روغ او خوشحاله اوسه.

03/02/2026

د عینوافغان خصوصي ښوونځی زده‌کوونکو د «زموږ صنعت، زموږ ویاړ» تر شعار لاندې ملي نندارتون کې ګډون وکړ!

د عینوافغان خصوصي ښوونځی زده‌کوونکو د علمي لیدنو په لړ کې دا ځل د «زموږ صنعت، زموږ ویاړ» تر شعار لاندې جوړ شوي ملي نندارتون کې ګډون وکړ.

د لیدنې په پیل کې د نندارتون مسؤلینو د عینوافغان خصوصي ښوونځی مشرتابه، استادانو او زده‌کوونکو ته ښه راغلاست ووایه او د نندارتون د جوړېدو موخه او اړوند معلومات یې وړاندې کړل.

ورپسې زده‌کوونکو د ښوونځی د مشرتابه او استادانو په ملتیا د نندارتون بېلابېلې غرفې ولیدې او د «زموږ صنعت، زموږ ویاړ» تر شعار لاندې له نندارې ته ایښودل شوو تولیداتو او نوښتونو څخه یې د غرفو له مسؤلینو بشپړ معلومات ترلاسه کړل.

د عینوافغان خصوصي ښوونځی مشرتابه د یاد نندارتون دا نوښتګر او ارزښتناک اقدام وستایه او دا ډول نندارتونونه یې د هېواد د اقتصادي پیاوړتیا او ځوان نسل ته د مثبت پیغام رسولو لپاره مهم وبلل.

همداراز یې د زده‌کوونکو ګډون د ذهني ودې، نوو معلوماتو ترلاسه کولو او عملي پوهاوي لپاره اړین وباله.

د یادونې وړ ده چې عینوافغان خصوصی ښوونځی نه یوازې پر تدریسي کیفیت تمرکز لري، بلکې د زده‌کوونکو ذهني، رواني، علمي، فکري، ټولنیز او اخلاقي ودې ته هم ژمن دی، او دا ډول علمي سفرونه د همدې موخو یوه مهمه برخه جوړوي.

30/01/2026

موضوع: د ښوونځی د تدريسي بهير د پيلېدو اړوند!

د عینوتعلیمي او تربیوي نهاد (وړکتون، ښوونځی) ټولو درنو کارمندانو، استادانو او د زده کوونکو قدرمنو والدینو ته خبر ورکول کیږي چي سبا (شنبه) د 1404ه.ش کال د دلوي میــاشتي(11)مه نېټه د ياد نهاد ټولې تدريسي او اداري چاري په عادي ډول پیلیژي!
زموږ دترانسپورت برخه د وړکتون او ښوونځی دزده کونکو لپاره پوره چمتو ده. ګرانو والدینو! هیله ده خپل اولادونه دترانسپورت لپاره په ټاکلی وخت اماده کړی ترڅو خپلو پلان سوو درسونو ته په ټاکلی وخت حاضر سی.

په درنښت
د عینوتعلیمي او تربیوي نهاد اداره

29/01/2026

19/01/2026

مزمل جان د عینو افغان خصوصي ښوونځي زده کوونکی، خپل ځان تاسو ته په انګلیسي ژبه معرفي کوی.
عینو افغان خصوصي ښوونځی د یوه مسلکي، مجرب او ژمن ښوونیز ټیم په لرلو سره تل هڅه کوي چې ستاسو ګرانو اولادونو ته د معیاري زده کړو غوره زمینه برابره کړي، تر څو ټولنې ته داسې زده کوونکي وروزي چې له اسلامي روحیې، سالم فکر او علمي وړتیا څخه برخمن وي

🔹دعینو افغان خصوصي ښوونځۍ اداره🔸
🏫 پته: زراعت نمرې، کارته لگان، لښکرګاه ښار، هلمند، افغانستان
📞 د اړیکو شمېره: 0700003178