National Stability Society

18/05/2023

17/05/2023

د ملي ثبات عامه کتابتون پرانېستل شو
په دې مراسمو کې د ملي ثبات رهبري او غړو ترڅنګ، دپيلوماتانو، قومي مشرانو، ليکوالانو، د پوهنتون استادانو، داطلاعاتو او فرهنګ وزارت استازو، د رسنيوو همکارانو او یو زيات شمېر ځوانانو برخه اخیستې وه.
د قرانکريم د اياتونو تلاوت وروسته دملي ثبات د خيريه موسسې مشر ضياالحق امرخېل د ښه راغلاست ترڅنګ ګډونوالو ته ژمنه ورکړه چې ملي ثبات څيريه بنسټ به د کتاب د مطالعې د دودولو ترڅنګ د ځوان قشر له پاره تعليمي، صحت، ټولنيزو او بېلابېلو برخو کې خپلو فعالیتونو ته دوام ورکوي او په دې سختو شرايطو کې به د خپل ولس ترڅنګ دريږي او د دوي لاس نيوی به کوي.
ښاغلي امرخېل اندېښنه څرګنده کړه چې 21مياشتو وروسته لاهم د افغان نجونو پرمخ د پوهنتون او ښوونځيو دروازې تړل شوي او هيله يې وکړه چې نور دې چارواکي دې تريخ انتظار ته د پای ټکی کيږدي او که خدای مکړه دا حالت دوام ومومي له هېواد څخه به زيات خلک د خپلو اولادونو د روښانه راتلوونکي له پاره بهر ووځي چې دا چاره نه د نه نظام او نه د ملت په ګټه ده.
په مراسمو کې د اطلاعاتو او فرهنګ وزارت استازي ښاغلي حماد، ليکوال او فرهنګي شخصيت شاه حسين مرتضوي،د علومو اکاډمۍ استازي دکتور رفيع الله نيازي او د کابل پوهنتون استادپوهندوي عبدالغياث سهرابي خبرې وکړی او په دې ترينګلو حالاتو کې چې یې د ملي ثبات د دې نيک اقدام ستاينه وکړه او په دې برخه کې يې د هر ډول همکاریوو ژمنه وکړه.
د ملي ثبات عامه کتابتون چې په بېلابېلو علمي، تحقيقاتي او معلوماتي برخو کې په زرګونه کتابونه او منظم کمپيوټر لب، انټرنيټ او د مطالعه کوونکو لهپاره د چایوو اسانياوې لري د ځوان نسل د علمي کجې د لوړتيا او په هېوادکې د مطالعې دبهير د دودولو له موخه رسماپرانېستل شو.

25/11/2022

له بنیادي حقونو څخه د چا محرومول، خشونت دی. د وطن لورګانې مو له ٤٣٢ ورځو راهیسې د تعلیم له بنیادي حقه محرومې دي. هیله ده سر له اوسه مسوولین د نوي تعليمي کال لپاره شرایط برابر او دغه تاوتریخوالی نور و نه غځول شي.
نن د ښځو په وړاندې د منع خشونت ورځ ده. راځئ هر ډول خشونت ته نه ووایوو.