خپلواک افغانIndependent Afghan

خپلواک افغانIndependent Afghan توره کي شړنګ رباب کي ټنګ پښتون کي ننګ چې نه وی
داسی تلوار داسی رباب داسی پښتون می په کار نه دئ

سبا یکشنبه د کوچني اختر لومړۍ ورځ ده. اختر مو مبارک شه.
29/03/2025

سبا یکشنبه د کوچني اختر لومړۍ ورځ ده.
اختر مو مبارک شه.

سعودي ستره محکمه:‏د روژې د ۲۹مې نېټه دې د شنبې په ماښام د شوال د میاشتې د لیدلو لازم اقدام وشي .
27/03/2025

سعودي ستره محکمه:

‏د روژې د ۲۹مې نېټه دې د شنبې په ماښام د شوال د میاشتې د لیدلو لازم اقدام وشي .

د روژې په ۲۷م سهار له سپوږمۍ اخیستل شوی عکسد سعودي په ریاض ښار کې له سپوږمۍ څخه اخیستل شوي عکس کې سپوږمۍ بیخي وړه ښکاري،...
27/03/2025

د روژې په ۲۷م سهار له سپوږمۍ اخیستل شوی عکس
د سعودي په ریاض ښار کې له سپوږمۍ څخه اخیستل شوي عکس کې سپوږمۍ بیخي وړه ښکاري، ممکن دا میاشت نهه ویشت ورځې وي او په ۳۰م تاریخ اختر شي!
د سعودي یوه مشهور فلکي شیخ خالد الزعاق هم په ۳۰م تاریخ یعنې د یک شنبې ورځ د اختر لومړۍ ورځ ښودلې او همدارنګه کویټي فلکي عادل السعدون هم دا نظر تائید کړی دی.

ورخاړی ،خرفه ، خلفه،پخاړی ، مرړي ، لاړژن ----------------------------------------------------------------------ورخاړی ...
04/09/2024

ورخاړی ،خرفه ، خلفه،پخاړی ، مرړي ، لاړژن
----------------------------------------------------------------------
ورخاړی چې په فارسي ژبه یې خرفه بولي ، په عربي یې رجلة، په انګریزۍ کې ورته څو نومونه شته لکه :
common purslane, duckweed, Little Hugweed

.زموږ ځیني هیوادوال ورخاړي ته خلفه هم وایی.په ځینو پښتني سیمو کې ورته پخاړی ، مرړي ، توروکۍ او لاړژن هم وایي. او علمي او سا ینټیفیک نوم یې (Portulaca oleracea )دی یو ډول سابه ( ساګ ) دي چې پلنې پاڼې او سور رنګه ډنډر او زیړګلان لري.
ورخاړي هم کرل کیږي او هم په طبیعي ډول را زرغونیږي .
ورخاړي دډیرو ناروغیو لپاره ګټور دی لکه دوینو فشار (Blood Pressure)، کلسټرول ، اسهال ، سوزاک ، بواسیر ،دخپګان یا ډیپریشن ناروغي ، دپوستکي ( جلدي ) ناروغي او دځیګر، زړه او معدې ناروغۍ .
همداراز دورخاړي په پاڼو کې امیګا ۳ شته ،,ورخاړی دسرطاني ناروغیو دعلاج لپاره هم ګټور دی همداراز دوزن په کمولو کې هم مرسته کوي .
ورخاړی ویټامین B2 ، ویټامین C، اوسپنه او کلشیم لري . که چيرې په مناسبه اندازه وخوړل شي نو دهډوکو او غاښو دکلکولو سره هم مرسته کوي .
همداراز دورخاړی پا ڼې دټپو نو او زخمونو دعلاج او په تیره بیا هغه کسان چې زهري حشراتو چیچلي وي ګټورې دي .
که دورخاړي تخم یا زړي په اوبوکې وایشول شي نو دټوخي لپاره ډیر ه ګټوره دوا ده.
ما ورخاړي په هند کې هم لیدلی دی او دهندوستان سابه پلورونکي یې هم دنورو سیزیو او ترکاریو سره یو ځای خرڅوي .یوه ورځ په دې مساپرۍ کې دګلانو یو فارم ته لاړم . خاوند یې ایټالوی دی او زما آشنا دی .دورخاړو ډیر بوټي یې ایسته غورځولې وو اوماته یې ویل دا یو هرزه او بیکاره بوټي دی چې زما په فارم کې زرغونیږي او زما ګلانو ته تاوان رسوي.ما ورته وویل دا خو موږپخوو . ویې خندل ویل یې تاسوافغانان هم عجیبه خلک یاست. په دې اړوند مو سره خبرې کولې چې یوه ټایلینډۍ میرمنه هم راغله له ده یې ګلان رانیول هغې هم ویل چې دا خو موږ هم پخوو. نو ما او هغې تایلینډي ډیرورخاړی له ځانه سره کورته یووړ اوما له میو ( ماشو)سره یوځای پوخ کړ. خو هغه خوند چې زموږ دهیواد په ورخاړي کې شته دنورو هیوادونو په ورخاړي کې داسې خونداومزه نشته.
دپښتو ژبې مشهور شاعر غني خان دورخاړي دګل په اړوند یو نظم لري چې تاسو ته یې وړاندې کوم:

🌹🌹🌹🌹ګلونہ د ورخاړي🌷🌷🌷🌷🌷
ګلونہ د ورخاړي
درنګ څاڅکی ولاړی
سحر پہ خندا تير کړي
ماښام ولاړوي ژاړي
🌷🌷🌷ګلونہ د ورخاړي🌹🌹🌹
٬
اخستی یې سل رنګہ
خندیږي څنګ پہ څنګہ
سحر ځواني مشرنګہ
ماښام ولاړ وی ژاړی
🌹🌹ګلونہ د ورخٲړي🌹🌹
ځواني د يو سحر دہ
ژوندون د یوې ورځې
بيا ہم ما نہ نران دي
چې ہر سحر خندان دۍ
او زہ يو پوټی غم تہ
د لږ ساعت تورتم تہ
ادم د اوښکو نوم دی
پہ ګلونو پسې ژاړي
🌹🌹ګلونہ د ورخاړي🌹🌹
٬
څہ ښکلي ښکلي خاندي
رنګينہ دي تابان دي
ښايست د ګلستان دي
٬غنی٬ ورتہ ہميش حیران
🌹حیران شانې ولاړوي🌹
🌹ګلونہ د ورخاړي

(یاد)
کاپی

29/08/2024

یوې باوري سرچینې را ته ووېل چې ډېر ژر به کابل ته د پاکستان حکومت لخوا یوه جرګه ولېږل شي. په ډېر امکان حاکم رژیم به د منځګړي په توګه د پاکستاني ط.نو ځینې مشران هم له وزیرستانه کابل ته وغواړي او له جرګې سره یې ناسته جوړه کړي.

‏د بلوچ باسواده ځوانانو او پېغلو لخوا تر سره شوي وروستي ځان.مر…ګي بریدونه او دغه ډول بریدونو ته د بلوچانو تر منځ زیاتېدو...
29/08/2024

‏د بلوچ باسواده ځوانانو او پېغلو لخوا تر سره شوي وروستي ځان.مر…ګي بریدونه او دغه ډول بریدونو ته د بلوچانو تر منځ زیاتېدونکي تمایلات د پاکستان پوځ پراخو بشري سرغړونو او د بلوچانو په خاوره د پاکستان او چین ګډ اشغال ته یو ډول غبرګون دی. د بلوچستان وضعیت تر بل هر وخت ډېر خراب دی او د بلوچانو په منځ کې د ازاد بلوچستان لپاره مبارزه تر بل هر وخت په عروج کې ده. بلوچان دا وخت وسله وال مزاحمت د بي..ایل ..اې په شکل کې کوي او سوله ایز مزاحمت د ماهرنګ بلوچ تر مشرۍ لاندې کوي. د خپلواک بلوچستان لپاره د دواړو تاکتیکونو کارول د ژورې او نوې ستراتیژۍ برخه ده.

یوه ڪوچنی هیله لرم وروڼو!دروژي مبارڪي مياشت روانه ده په روژه ماتي او پیشلمي ڪې،د ڪور غړو مور، خور، لور، او میرمنې سره ڪه...
13/03/2024

یوه ڪوچنی هیله لرم وروڼو!
دروژي مبارڪي مياشت روانه ده په روژه ماتي او پیشلمي ڪې،
د ڪور غړو مور، خور، لور، او میرمنې سره ڪه مرسته،
نشې ڪولی نو سترګې هم پرې مه راوباسه،
ځڪه د هغوی هم روژه وي دخپلې لوږې، تندې،
او ذهني ګنګس توب زور په ښځو،
مه وباسی!🙏😥

مه هیروئ!
چې ستاسې خور، مور، لور، او میرمنې هم روژه،
نیولې ده هغه هم ستړې ده په تیار ڪړل شوي،
روژه ماتي یې نیوڪه مه ڪوی...!
داهم انسانان او د الله پاک مخلوق ده او څوک چه دالله ج په مخلوق رحم نکوي الله پاک په هغو رحم نه کوي:

یو صحابي دجناب پیغمبر ﷺ څنګه پوښتنې کوی او نبی کریم ﷺ ځواب ورکوی:۱- اې پيغمبره ﷺ! په کوم شي ګناه بښل کيږي؟رسول الله ﷺ:په...
11/03/2024

یو صحابي دجناب پیغمبر ﷺ څنګه پوښتنې کوی
او نبی کریم ﷺ ځواب ورکوی:

۱- اې پيغمبره ﷺ! په کوم شي ګناه بښل کيږي؟
رسول الله ﷺ:په اوښکو، عاجزۍ او ناروغۍ سره.

۲- زه غواړم چې ستر عالم شم، څه وکړم؟
رسول الله ﷺ:تقوی' غوره کړه، عالم انسان به شې.

۳- غواړم چې شتمن شم، څه وکړم؟
رسول الله ﷺ:قناعت کوه، مالدار به شې.

۴- غواړم چې یو نېک انسان اوسم؟
رسول الله ﷺ:خلکو ته ګټه رسوه.

۵- غواړم چې عادل انسان شم؟
رسول الله ﷺ:کوم څه چې ځانته خوښوې، هغه نورو ته هم خوښوه.

۶- غواړم چې د اللهﷻ په دربار کې ځانګړی مقام ولرم؟
رسول الله ﷺ:ډېر ذکر کوه.

۷- غواړمه احسان کوونکی واوسم؟
رسول الله ﷺ:اللهﷻ ته داسې عبادت کوه، ګويا ته هغه وينې يا داسې چې هغه تا ويني.

۸- غواړم چې ايمان مې پوره اوسي، څه باید وکړم؟
رسول الله ﷺ:ښه اخلاق ولره.

۹- غواړم چې د اللهﷻ تابع داره انسان شم؟
رسول الله ﷺ:فرايض په کلکه سره ونيسه(مه يې قضا کوه).

۱۰- غواړم چې په قيامت کې په نور(رڼا) سره پاڅېږم؟
رسول الله ﷺ:پر خلکو له ظلمه ځان وساته.

۱۱- غواړم چې اللهﷻ په ما رحم وکړي؟
رسول الله ﷺ:ته پر نورو خلکو رحم کوه.

۱۲- په ګناهونو کې کمی غواړم؟
رسول الله ﷺ:په کثرت سره اِستغفار کوه.

۱۳- غواړم چې د ښه عزت څښتن شم؟
رسول الله ﷺ:خلکو ته لاس نیول پرېږده(سوال، خیرات، او طامع مه کېږه).

۱۴- څنګه مې روزي پراخه کړم؟
رسول الله ﷺ:تل په اوداسه ګرځه.

۱۵- کوم شی د دوزخ اور سړوي؟
رسول الله ﷺ:روژه نيول.

۱۶- کوم څيز د اللهﷻ غصه کموي؟
رسول الله ﷺ:په پټه صدقه او صله رحمي.

۱۷- تر ټولو غټ بد کار کوم دی؟
رسول الله ﷺ:ناسمه رویه او بد اخلاقي.

۱۸- تر ټولو ستره نیکي څه ده؟
رسول الله ﷺ:نېک اخلاق، عاجزي، په غم صبر او رضا بالقضی'.

۱۹- غواړم چې زما ستر او پرده وشي؟
رسول الله ﷺ:ته له نورو خلکو پرده کوه.

۲۰- له رسوايي او شرمندګۍ څخه خلاصيدل غواړم؟
رسول الله ﷺ:له زنا څخه ځان ساته.

۲۱- څه وکړم، چې دعاوي مې قبولې شي؟
رسول الله ﷺ:حرام مه خوره.

۲۲- د اللهﷻ له قهر څخه د ځان ساتل غواړم؟
رسول الله ﷺ:په خلکو باندې غصه مه کوه.

۲۳- غواړم چې په اللهﷻ او رسول الله ﷺ یې ګران شم؟
رسول الله ﷺ:کوم څه چې اللهﷻ او پيغمبر ﷺ ته یې ګران دي، هغه خپل محبوب جوړ کړه.

01/03/2024

په سنن النسایئ کې د ابو امامه حدیث دی وایي چې رسول الله ص فرمایلي هر څوک چې له فرض مانځه نه وروسته ایت الکرسي وایي، د دې کس او جنت ته د داخلیدو په منځ کې هیڅ شی نشته مګر مرګ، الله ج به دغه کس د جنت الفردوس لوړ مقام په برخه کوي.

Address

Kabul

Website

Alerts

Be the first to know and let us send you an email when خپلواک افغانIndependent Afghan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category