د افغانستان د زاخیلو قومي شورا

27/01/2026

مونږ له دې ځایه د وطن سندرې وایو
چې وطن مه پرېږدئ
خو له هغې غاړې د خارج د زمزمې اواز راځي
بیا په لارو کې واورې دي، یخني ده، مرګ دی
خو دا ځوانان نه واورو وژلي
نه یخنۍ.
نه غرونو
دا ځوانان بې‌انصافۍ وژني/وژلي دي
دا ځوانان هغه ورځ وژل شوي وو
چې انصاف نه و
هغه ورځ چې د وړتیا پر ځای اړیکه وه
د حق پر ځای واسطه وه

که انصاف وای

ولې به یو ځوان خپل مور ته وروستی سلام کاوه؟
ولې به یو پلار د زوی عکس په موبایل کې د ژوند یوازینی ثبوت ګڼلو؟
ولې به تعلیم‌یافته ځوان د مزدورۍ، او نامعلوم برخلیک لاره ټاکله؟

انسان وطن نه پرېږدي
تر څو وطن انسان پرېږدي

کله چې وطن
ستا غږ نه اوري
ستا خوله تړي
ستا خوب مسخره ګڼي
نو بیا واوره یوازې وروستی فصل وي کیسه خو له بې‌عدالتۍ پیلېږي.

دا ځوانان د مرګ لپاره نه دي روان
د ژوند لپاره وتلي دي
خو موږ اسانه قضاوت وکړ
او سخته پوښتنه مو هېره کړه:
که انصاف شتون درلود،
ولې به یو ځوان د مرګ دومره اوږده لاره
د ژوند په نوم ټاکله؟

ولې به د وطن پرېښودو ته مجبورېدل؟

کله چې عزت، کار، او راتلونکی معلوم نه وي
نو واوره یوازې پلمه شي،

اصلي قاتل بې‌انصافي ده.

🥲copy.moin

05/10/2025

د استاد دا مبارکه ورځ دې ټولو تکړه استادانو ته مبارک وي.
زموږ د صفحې هغه څارونکي، چې د استادۍ مقدسه دنده پر مخ وړي هغوی ته دې ډېره ډېره مبارک وي، خدای دې ستاسې مشکلات حل کړي.

هغه استاد چې ډېر درباندې ګران دی دلته يې مينشن يې کړئ او مبارکي ورکړئ.

20/09/2025

وَمَا مِن دَآبَّةٍ فِى الْأَرْضِ وَلَا طٰٓئِرٍ يَطِيرُ بِجَنَاحَيْهِ إِلَّآ أُمَمٌ أَمْثَالُكُم ۚ مَّا فَرَّطْنَا فِى الْكِتٰبِ مِن شَىْءٍ ۚ ثُمَّ إِلٰى رَبِّهِمْ يُحْشَرُونَ. ترجمه: په ځمکه کې هر خوځېدونكي ساكښ او په هوا کې په وزرونو سره الوتونكي مارغه، دا ټول همدا ستاسې (د انسانانو) په څېر امتونه دي. موږ پدې کتاب کې څه نیمګړتیا نه ده پرېښې. بيا دا ټول د خپل رب لوري ته ورغونډیږي. [النُّور: ۴۱].
ستاسو پهٔ هر درد دردمند، ستاسو خپل ورور، کلیوال، اؤ پیر، کاپي #پیر‌بنده‌فقیر

12/09/2025

هاغه سپین ټکی ځمکه ده چې له مریخ نه شاوخوا ۳۷۶ میلیونه کیلومتره فاصله لري.

هغه ځای چې په کې میلیاردونه انسانان ژوندي، او په میلیاردو نور تر خاور لاندې دي.

هلته چې انسان راپاڅي او د خدایي دعوه کوي
قتل، نافرماني او ظلم داسې کوي لکه هیڅ حساب چې نه وي

هلته چې انسان د ملیاردونو کهکشانونو د خالق له وجود نه انکار کوي، داسې کهکشانونه چی هر یو یې په میلیاردونو سیارې او سیاره یې په میلونونو ځله له ځمکې لویه ده.

چېـــــرته د اللهﷻ عظــــــــمــت
او چېـــرته د باغي انـسان غفلت

Copied

02/09/2025

څنګه کولی شو چې د تیږو او خټین کورونه د زلزلې پر وړاندې مقاوم کړو؟

د افغانستان په کلیوالو سیمو کې ډېر کورونه د خټو او تیږو څخه جوړ شوي دي، خو دا ډول ودانۍ د زلزلو پر وړاندې مقاومت نه لري او د کوچنیو زلزلو پر مهال هم زیانمنېدای شي، چې موږ او تاسو یې بېلګې په هرات، پکتیکا، خوست او ځینې نورو ولایتونو کې ولېدې د دې لپاره چې دا ډول کورونه د زلزلې پر وړاندې یو څه مقاومت وکړی شي ځینو ټکو ته په لاندې ډول اشاره کوو

لومړی تر هر څه د مخه هڅه وکړی چې د تعمیر شکل ساده یعنې مربعي مستطلي چې اوږدوالې یې له اندازې زیات نه وي په نظر کې ونیسی که چېرته اوږدوالی یې ډېریږي حتما زلزلوي درزونه په نظر کې باید ونېول شي

د تعمیر لپاره تهداب په مناسبه اندازه ژور کړی د ځمکې له سر څخه شروع مه کوی چې دا کار د باران پر وخت هم ستاسو کور زیانمولی شي او هم د زلزلې پر وخت مقاومت نشې کولی، هڅه وکړی چې په تهداب کې له مقاومو ډبرو څخه استفاده وکړی که امکان ولري ( Stone masonry ) څخه استفاده وکړي تر څو د ډبرو ترمنځ خالیګاه وې په ښه شکل سره ډکې شي

لکه څرنګه چې په عکس کې لېدل کیږي په دېوالونو کې د لرګیو افقي بیمونه (Wooden Bands) د خټو او تیږو کورونو د دیوالونو ترمنځ باید د لرګیو یا بامبو افقي بیمونه ځای پر ځای شي، چې دیوالونه د زلزلې پر مهال یو له بله جلا نه شي، همدا ډول د دیوالونو ضخامت باید ډېر زیات نه وي، ځکه درانده دیوالونه د زلزلې پر مهال خطرناک تمامېږي.
هڅه باید وشي چې امکان تر حده کړکۍ کوچنۍ په نظر کې ونېول شي ځکه هر څومره چې کړکیو لویوالی زیاتیږي د کړکۍ او دروازې او یا هم د دوو کړکیو تر منځ اتکا کمزورې کیږي د دې ترڅنګ دا هم په نظر کې باید ونېول شي چې کړکۍ متوازنې په کوټو کې پرېښودل شي که دروازې او کړکې په یو لورې کې په نظر کې ونېول شي د دې امکان شته چې د زلزلې پر مهال کور زیانمن شي

د تیزو او خټینو کورونو ارتفاع باید محدوده په نظر کې ونېول شي هڅه باید وشي چې تر دوو منزلونو څخه زیات جوړ نشي ځکه هر څومره چې ارتفاع لوړیږي د زلزلې تاثیرات هم پرې ډېریږي

د کور چتونو ته مو باید پام وي چې ډېر درانده نه وي دا چې په کلېوالو سیمو کې هر کال یا دوه کاله وروسته د بام پر سر باندې نورې خټې اچوي چې دې سره د بام وزن ډېریږي چې په زلزله خیزو سیمو کې د کور لپاره خطرناک تمامیدای شي هڅه باید وشي چې د کور چتونه ډېر درانده نشي، فکر مو وي چې د چتونو د باران اوبه په ښه شکل سره رد شوي وي

په نهایت کې د دولت او نړېوالو مرستندویه ادارې باید په کلېوالي او لېرې پراتو سیمو کې خلکو ته پوهاوی ور کړي تر څو خپل کورونه په داسې بڼه جوړ کړي تر څو د زلزلو پر وړاندې حد اقل تدابیر په نظر کې نېول شوي وي

زموږ همدا وس دی څه چې مو زده کړي، تجربه کړي له خپلو هېوادوالو سره یې شریک کړو
درنو هیوادوالو ری لایزال مو زیاتي له هر ډول آفت څخه وساته.
COPY:HAMDARD ENGENRING

01/09/2025

د کابل د زاخیلو شو ا د خواخوږۍ پیغام!

کونړ ولایت کې د سختې زلزلې له امله ګڼ شمېر
هېوادوال شهیدان او ټپیان شوي دي.
شهیدانو ته د جنت فردوس او ټپیانو ته د ژر روغتیا دعا کووم.
په دې غمجن وخت کې خپله ژوره خواشیني له کورنیو سره شریکوم. دا یوه ملي فاجعه ده چې زموږ د یووالي او مرستې غوښتنه کوي.
له خیریه بنسټونو، شتمنو او د زړه سواندو هېوادوالو غوښتنه کوم چې د متضررو شویو کورنیو لاسنیوی وکړي. دا د ورورولۍ او عمل شېبه ده.

#دکابل زاخیلو شورا مشرتابه او ځوانان به انشالله د وینې د اهداء لپاره هر سه ژر ننګرهار ته سفر ولری.

19/08/2025

د ۲۸ د اسد د خپلواکۍ ورځ

۲۸ د اسد د افغان ولس د ویاړ، غیرت او حماسې ورځ ده. دا هغه نېټه ده چې د زرګونو شهیدانو د وینو، د اتلو مبارزینو د سرښندنو او د ولس د یووالي په برکت افغانستان له استعماري ځنځیرونو څخه خلاص شو او خپلواکي یې ترلاسه کړه.

په همدې ورځ زموږ نیکونو نړۍ ته وښوده چې افغان ولس د خپلې خاورې، خپلواکۍ او ملي ارزښتونو د ساتنې لپاره تر وروستي ساه مبارزه کوي. د تاریخ په اوږدو کې دا خاوره د ازادۍ په نوم پیژندل شوې او د هر افغان په زړه کې د سرلوړۍ، غیرت او ازاد ژوند مینه تلپاتې ده.

۲۸ د اسد یوازې یوه تاریخي نېټه نه ده، بلکې دا د راتلونکو نسلونو لپاره یوه لویه پیغام هم دی: یووالی، میړانه او ملي غیرت هغه ځواک دی چې موږ یې د هر ډول بهرني تسلط پر وړاندې بریالي ساتي.

راځئ چې د دې مبارکې ورځې په ویاړ د خپلو شهیدانو د ارمانونو درناوی وکړو، د سولې او پرمختګ لپاره کار وکړو او د یووالي او ورورولۍ پر بنسټ خپل هیواد د سوکالۍ، ودانۍ او عزت نوې مرحلې ته یوسو.

د افغانستان د خپلواکۍ ۱۰۶مه کلیزه دې ټول افغان ولس ته مبارک وي!

Documentary report celebrating the 101st Independence Day of Afghanistan by Zakhil Tribe Council 1399

12/07/2025

دپلازمیني کابل لپاره د خطر زنګ .
ولس او حکومت ته لازمه ده دا چاره جدي ونیسی کنه د انسان علاوه د حیوان او نبات ژوند د ستر ګواښ سره مخ ده.
د «مرسي کورپس» په نوم غیر دولتي سازمان راپور ورکړی چې کابل کې له ځمکې لاندې اوبو څخه ګټه اخیستنه د پام وړ ډېره ده او تقریبآ د دغه ښار تر نیمايي څاګانې وچې شوي.

ګاردین ورځپاڼې د مرسي کورپس سازمان په خبره راپور ورکړی چې کابل کې په تېرو لسو کلونو کې د چټکې ښاري پراختیا او اقلیمي بدلونونو له امله اوبو ته لاسرسی کم شوی او بیه یې مخ په لوړېدو ده.

راپور کې ویل شوي چې د ځمکې لاندې اوبو کچه ۳۰ متره ښکته شوې او ځينې کورنۍ د خپل عاید تر ۳۰ سلنې د اوبو اخیستو لپاره مصرفوي.

د راپور پر اساس، له درې دوه برخې افغانان د اوبو لګښتونو په خاطر پوروړي دي.

راپور کې راغلي چې پلازمینه کابل کې د اوبو ککړتیا ډېره شوې او شاوخوا ۸۰ سلنه د ځمکې لاندې اوبه د فاضله اوبو، مالګینوالي او زهرجن ارسنیک له امله ککړې دي.

د څښاک اوبو کمښت ستونزه د کابل اوسېدونکو لپاره تازه ننګونه نه ده، بلکې کلونه کیږي چې ورسره لاس او ګرېوان دي.

د اوبو او انرژۍ وزارت تر اوسه د دغه راپور پر وړاندې غبرګون نه دی ښوولې، خو تر دې وړاندې یې ویلي وو چې کابل کې د اوبو کمښت ستونزې حل لپاره لنډمهاله او اوږدمهاله پروګرامونه لري.

د مسوولانو په وینا، یو له دغو پروګرامونو څخه د پنجشېر له سینده کابل ته د اوبو لېږد پروژه ده چې کولی شي دغه ښار کې د اوبو کمښت ستونزه یو څه حل کړي

04/12/2024

واقعا خواشینونکې ده چې اوسني حکومت د نجونو لپاره په طبي څانګو کې هم پر زده کړو بندیز ولګاوه. لومړۍ نجونې له پوهنتونونو څخه منع شوې او اوس یې د دوی وروستی فرصت هم چې په طبي څانګو کې خپله راتلونکې جوړه کړي، ترې واخیستل شو.

دا پرېکړه یوازې ددې نجونو راتلونکي ته زیان نه رسوي، بلکې ټول هېواد او ملت ته یې تاوان رسېږي. یو هېواد هغه وخت پرمختګ کولی شي چې ټول وګړي یې د تعلیم او تحصیل حق ولري او هېڅ برخه پکې محرومه نه وي. له بده مرغه؛ هغه نجونې چې د ډاکټرانو په توګه د خپلو ټولنو د خدمت لپاره روزل کېدې، اوس د خپلو هیلو او ارمانونو څخه بې برخې کېږي.

موږد دې ناعادلانه پرېکړې غندنه کوو او په عین وخت کې له حکومت څخه په درنښت غوښتنه کوو چې په دې پرېکړه بیا جدي غور وکړي.
افغانستان د لوستو او تعلیم یافته نارینه‌وو تر څنګ تعلیم یافته ښځو ته هم اړتیا لري.
مهرباني وکړئ دا پرېکړه بېرته واخلئ او زموږ نجونو ته د زده کړو اجازه ورکړئ!