30/12/2024
നന്തിക്കയുടെ ഓർമ്മകൾ മരിക്കുന്നില്ല ...
ഏത് സഹായത്തിനും ഏതൊരാൾക്കും ഏത് സമയത്തും മുട്ടി വിളിക്കാവുന്ന വാതിലായിരുന്നു നാസർ നന്തിയുടേത് .അദ്ദേഹത്തിന്റെ വിയോഗ വാർത്ത ഇന്നും നമുക്ക് വിശ്വസിക്കാൻ കഴിയുന്നില്ല . നമുക്ക് താങ്ങാവുന്ന കരങ്ങൾ , നമുക്ക് ആശ്വാസം തരുന്ന വാക്കുകൾ , മരണത്തോട് ചേർത്ത് വെക്കുന്ന ഭംഗി വാക്കുളല്ല ഇത് . ജീവിതത്തിൽ അദ്ദേഹം ചെയ്ത നന്മകൾക്ക് നന്തിക്ക എന്ന് സ്നേഹത്തോടെയും ബഹുമാനത്തോടെയും പ്രവാസികൾ വിളിക്കുന്ന ആദരമാണ് ആ നാമം *" നന്തിക്ക" * പ്രിയപ്പെട്ട നന്തി *'നിങ്ങൾ അവശേഷിപ്പിച്ചു പോയ ശൂന്യത ഈ മണ്ണിലല്ല അങ്ങയെ അറിഞ്ഞ ഓരോരുത്തരുടെയും മനസ്സിലാണ് ' * നന്തിക്കയുടെ വീട് *" നന്തി ഗ്രാമം" * സുഹൃത്തുക്കൾക്കും സഹൃദയർക്കും , അശരണർക്കുമായി എന്നും മലർക്കെ തുറന്നു. ഒരു പൊതിച്ചോറായി അല്ലെങ്കിൽ തണുപ്പിനെ പ്രതിരോധിക്കാൻ ഒരു പുതപ്പായി അല്ലെങ്കിൽ ഒരു ജോഡി വസ്ത്രമായി അല്ലെങ്കിൽ നിയമസഹായങ്ങൾ ചെയ്തു കൊടുത്ത് അതുമല്ലെങ്കിൽ ധൈര്യം നൽകി ആ നന്മ ചെന്നെത്തി .നാസർ നന്തി ആ വലിയ നന്മ മരം ഓർമ്മയായിട്ട് ഇന്നേക്ക് 4 വർഷം തികയുകയാണ് .
അദ്ദേഹത്തിന്റെ ജ്വലിക്കുന്ന ഓർമ്മകൾക്ക് മുന്നിൽ പ്രാർത്ഥന മാത്രം ....
അഡ്വ . സൽമാൻ അഹമ്മദ്
ജനറൽ സെക്രട്ടറി
യുഎഇ പിആർ ഒ അസോസിയേഷൻ
