29/09/2026
വേൾഡ് മലയാളി കൗൺസിൽ അജ്മാൻ പ്രോവിൻസിന്റെ ‘ഓണോത്സവം 2026’ സെപ്റ്റംബർ 20 ഞായറാഴ്ച അജ്മാൻ തുമ്പേ ജി.എം.സി ക്യാമ്പസ് ഓഡിറ്റോറിയത്തിൽ വെച്ച് രാവിലെ 10:00 മണി മുതൽ വൈകുന്നേരം 7:00 മണി വരെ വൈവിധ്യമാർന്ന കലാപരിപാടികളോടെ അരങ്ങേറി.
അജ്മാൻ പ്രോവിൻസിലെ കുടുംബാംഗങ്ങളും ധാരാളം പുതിയ അംഗങ്ങളും ഉൾപ്പെടെ 200 ഓളം പേർ ഒത്തുകൂടിയ ഈ ആഘോഷം മനസ്സറിഞ്ഞ് സഹകരിക്കുകയും അവിസ്മരണീയമാക്കാൻ ഒപ്പം നിൽക്കുകയും ചെയ്ത പ്രിയപ്പെട്ട ഏവർക്കും ഹൃദയം നിറഞ്ഞ അഭിനന്ദനങ്ങളും കൃതജ്ഞതയും അറിയിക്കുന്നു!
സെക്രട്ടറി ശ്രീ. കെനി ഡിസിൽവയുടെ സ്വാഗത പ്രസംഗത്തോടെ ആരംഭിച്ച ചടങ്ങിൽ പ്രസിഡന്റ് ശ്രീ. തോമസ് ഉമ്മൻ അധ്യക്ഷ പ്രസംഗം നിർവ്വഹിച്ചു. ആദരണീയനായ ഗ്ലോബൽ ചെയർമാൻ ശ്രീ. ജോൺ മത്തായി പരിപാടി ഔദ്യോഗികമായി ഉദ്ഘാടനം ചെയ്തു. ചെയർമാൻ ശ്രീ. ഷാജി DR ആശംസകൾ അർപ്പിച്ച് സംസാരിച്ചു. ചടങ്ങിൽ മറ്റ് പ്രോവിൻസുകളിൽ നിന്നുള്ള ഭാരവാഹികൾക്ക് പുറമെ, മിഡിൽ ഈസ്റ്റ് റീജിയൻ ചെയർമാൻ ശ്രീ ഷൈൻ ചന്ദ്രസേനൻ , പ്രസിഡന്റ് ശ്രീ ഡയസ് ഇടിക്കുള , സെക്രട്ടറി ചന്ദ്രപ്രതാപ് , ട്രഷറർ ശ്രീ ഹരികൃഷ്ണൻ എന്നിവരും സന്നിഹിതരായിരുന്നു. അജ്മാൻ പ്രോവിൻസിലെ കുടുംബാംഗങ്ങളും ധാരാളം പുതിയ അംഗങ്ങളും ഉൾപ്പെടെ ഇരുന്നൂറോളം പേർ ഒത്തുകൂടിയ ഈ ആഘോഷം അവിസ്മരണീയമാക്കാൻ ഒപ്പം നിന്ന എല്ലാ പ്രിയപ്പെട്ടവർക്കും ശ്രീ. ബി. കിരൺ യോഗത്തിൽ നന്ദി രേഖപ്പെടുത്തി.
തുടർന്ന് പ്രോഗ്രാം കൺവീനർ ബാവ സാമുവേലിൻ്റെ നേതൃത്വത്തിൽ അംഗങ്ങളും കുടുംബങ്ങളും അവതരിപ്പിച്ച ആവേശകരമായ വൈവിധ്യമാർന്ന കലാപരിപാടികൾ വൈകുന്നേരം 7:00 മണിയോടെ സമാപിച്ചു
