Neethling Foundation

30/07/2026

Vandag is die groot dag! Die eerste Van Wingered tot Jagveld Wynveiling.

Sonder borge is 'n funksie soos die nie moontlik nie. Ons kondig met trots en dankbaarheid ons hoofborg, JD Investment aan.

JD Investments is 'n Suid-Afrikaanse logistieke en padvervoermaatskappy. Met meer as 9 jaar se sukses in die bedryf, is hulle gevestig as 'n toonaangewende verskaffer van omvattende voorsieningskettingoplossings.

Leer meer van hulle hier: https://jdinv.co.za/

29/07/2026

29/07/2026

Van Wingerd tot Jagveld Aanlyn Wynveiling

Donderdag, 30 Julie 2026 I 19:00
Regstreeks vanaf KleinKaap Boutique Hotel

Neem deel op die Woes TV Youtube kanaal: https://www.youtube.com/live/-zHVJ_jqBG8?si=OHFMFjal_cgOlYrA

Die veiling word aangebied deur die energieke WOES TV-aanbieder, Jaco Van Dyk.

Vermaak word verskaf deur niemand minder nie as die geliefde kunstenaar, Jo Black.

Beleef 'n onvergeetlike aand met van die beste wyne uit die Boland en Breërivierstreek, terwyl ons saam 'n verskil maak vir gemeenskapsontwikkeling. Elke tafel, borgskap en bydrae help om hoop te bou en 'n blywende impak te skep.

Beleef 'n onvergeetlike aand met van die beste wyne uit die Boland ...

23/07/2026

10/07/2026

Raak betrokke as borg of adverteerder!

Raak by die geleentheid betrokke en lewer só ’n direkte bydrae tot hoop en waardigheid.

Leer meer hier: https://helpjag.co.za/van-wingerd-tot-jagveld/

Van Wingerd tot Jagveld Wynveiling.
30 Julie 2026
Kleinkaap Boutique Hotel, Pretoria

10/07/2026

Raak betrokke as borg of adverteerder by die Van Wingerd tot Jagveld Wynveiling!

Raak by die geleentheid betrokke en lewer só ’n direkte bydrae tot hoop en waardigheid.

Daar is ‘n verskeidenheid pakkette beskikbaar. Leer meer hier:
https://helpjag.co.za/van-wingerd-tot-jagveld/

25/06/2026

Van Wingerd tot Jagveld Wynveiling

Fondsinsamelingsinisiatiewe soos die speel ’n deurslaggewende rol tot die volhoubaarheid van gemeenskapsontwikkeling. Dit bring mense bymekaar vir ’n gedeelde doel van gemeenskapskrag, samewerking en hoop.

Wie is Neethling Foundation?

Geagte vriende en gemeenskap,

Die Neethling Foundation het ontstaan uit die oop hand en sagte hart van Siebert Neethling van Vallei Organies.

Sy nalatenskap leef voort in elke lewe wat aangeraak word en elke gemeenskap wat versterk word.

Wat begin het as ’n eenvoudige idee om gholf met teruggee te verbind, het gegroei tot ’n baken van hoop en deernis in en om Worcester.

Sedert die eerste Siebert Neethling Charity Cup in November 2023 is meer as R750 000 ingesamel en doelbewus teruggeploeg in die Boland-gemeenskap. Projekte sluit onder andere ondersteuning aan die Tuindorp Behuisingsvereniging en die ASD Sean Kelly Sentrum in, waar opgraderings en herstelwerk ’n tasbare verskil gemaak het.

In 2026 fokus die Neethling Foundation op die De La Bat Skool vir Dowe Jeug, met die opgradering van koshuise se geriewe en grondherwinning om volhoubare voedselproduksie moontlik te maak. Die doel is ’n blywende, betekenisvolle impak op die lewens van jong leerders.

Met opregte dankbaarheid
Die Neethling Foundation

Bespreek jou tafel of word betrokke as ‘n borg hier: https://helpjag.co.za/van-wingerd-tot-jagveld/

25/06/2026

HelpJag en Neethling Foundation het hande gevat in samewerking met WOES TV om vir die eerste keer ʼn wynveiling in Pretoria aan te bied.

Wie is HelpJag?

HelpJag is ’n inisiatief van Solidariteit Helpende Hand wat hul voedingsprojekte aanvul deur te verseker dat proteïene in die vorm van wildsvleis deel vorm van voedselhulp aan behoeftige instansies. Jagters word aangemoedig om bokke of wildsvleis aan HelpJag te skenk. HelpJag dra dan die koste van verwerking voordat die vleis na instansies binne Afrikaanse gemeenskappe versprei word.

HelpJag het die afgelope nege jaar meer as 280 ton wildsvleis ingesamel, verwerk en versprei – ’n tasbare bewys van wat moontlik is wanneer gemeenskappe saamstaan.

Bespreek jou tafel of word betrokke as ‘n borg hier: https://helpjag.co.za/van-wingerd-tot-jagveld/

03/06/2026

HelpJag ten bate van Helpende Hand se Kosblikkie-projek. Kopiereg 2019 Helpende Hand. Bepalings en Voorwaardes | Privaatheidsbeleid