Goue Oomblikke

24/08/2026

Vandag het ons erkenning gegee aan die personeel van Sencit Resthaven, vir al die liefde en geduld waarmee hul die inwoners versorg. Inwoners het dankie-sê prentjies ingekleur en dit aan hul oorhandig. Daar is ook lekker Ludo en Slangetjies en Leertjies gespeel en daarna oudergewoonte weer met balonne gespeel. Wat ‘n genotvolle middag.

12/08/2026

Nog ‘n suksesvolle middag by Sencit. Hul het boekmertjies ingekleur en ons het te lekker gespeel.

04/08/2026

Ons het weer heerlik gekuier by Sencit Resthaven. Roomysstokkies is ingekleur om ‘n pragtige muurbehangsel te maak, en daarna het ons met b***e en balonne gespeel.

22/07/2026

Vandag is dit alweer speeltyd en craft tyd.

18/07/2026

19/06/2026

Hierdie week het ons die kreatiewe brein geprikkel met knoopkuns. Die inwoners het dit regtig baie geniet en pragtige skeppings gemaak wat sommer in hul eetsaal opgeplak is. Daar is ook kolwyntjies uitgedeel vir Vadersdag, en al die dames is weer bederf, net soos op Moedersdag. (Want toe het die manne ook kolwyntjies gekry)😋🥰

04/06/2026

Hierdie week, in die ysige koue, het ons gaan klippe verf saam met ‘n paar inwoners wat die moed gehad het om uit hul kamers en warm beddens te kom. Ons het lekker gesels en gekuier saam met hulle.

07/05/2026

Ons het die keer gaan karaoke by Sencit. Almal het dit baie geniet en heerlik gesing en gelag. Ons het ook vir Moedersdag vir almal kolwyntjies gaan uitdeel.